ରାଜସ୍ଥାନ ରାଜନୀତିରେ ନୂଆ ମୋଡ: ବିଧାନସଭା ଅଧିବେଶନ ପ୍ରସ୍ତାବରେ ରାଜି ହେଲେ ରାଜ୍ୟପାଳ; ସାମ୍ବିଧାନିକ ବ୍ୟବସ୍ଥାରେ ଅଧିବେଶନ ଡାକିବାକୁ ଦେଲେ ଅନୁମତି
ସେପଟେ ସୁପ୍ରିମକୋର୍ଟରେ ଶୁୁଣାଣି ପୂର୍ବରୁ ନିଜ ଆବେଦନ ଫେରାଇନେଲେ ବାଚସ୍ପତି
କନକ ବ୍ୟୁରୋ: ରାଜସ୍ଥାନ ରାଜନୈତିକ ସଂକଟ ମଧ୍ୟରେ ଗେହଲଟ ସରକାରଙ୍କୁ ମିଳିଛି ଗ୍ରୀନ୍ ସିଗନାଲ । ରାଜ୍ୟପାଳ କଲରାଜ ମିଶ୍ର ରାଜସ୍ଥାନ ସରକାରଙ୍କୁ ବିଧାନସଭା ଅଧିବେଶନ ଡା଼କିବାକୁ ଅନୁମତି ଦେଇଛନ୍ତି । ତେବେ ସମ୍ବିଧାନକି ବ୍ୟବସ୍ଥା ଅନୁସାରେ ଅଧିବେଶନ ଡାକିବାକୁ ସେ ପରାମର୍ଶ ଦେଇଛନ୍ତି । ଏଥିପାଇଁ ରାଜ୍ୟପାଳ ୩ଟି ସର୍ତ ରଖିଛନ୍ତି । ରାଜ୍ୟପାଳ କହିଛନ୍ତି ସରକାର ଅଧିବେଶନ ପାଇଁ ୨୧ ଦିନର ସମୟ ସୀମା ରଖି ନୋଟିସ କରନ୍ତୁ । ଯେପରି ସମ୍ବିଧାନର ଅନୁଚ୍ଛେଦ ୧୪ ଅନୁସାରେ ସମସ୍ତଙ୍କୁ ନିଜ ମତ ରଖିବାକୁ ସୁଯୋଗ ମିଳିବ ।
Kanak News is now on WhatsApp
Join and get latest news updates delivered to you via WhatsApp
ଯଦି କୌଣସି ପରିସ୍ଥିତିରେ ସରକାର ସଂଖ୍ୟାଗରିଷ୍ଠତା ପ୍ରମାଣ ପାଇଁ ଅଧିବେଶନରେ ଉଦ୍ୟମ କରନ୍ତି ତେବେ ସମସ୍ତ ପ୍ରକ୍ରିୟା ସଂସଦୀୟ ସଚିବଙ୍କ ଉପସ୍ଥିତିରେ ହେବ ଓ ଏହାର ଭିଡିଓ ରେକର୍ଡି ମଧ୍ୟ କରାଯିବ । ଏହାଛଡା ଅଧିବେଶନ ସମୟରେ କରୋନା ସଂକ୍ରମଣ ଏଡାଇବାକୁ ସମାଜିକ ଦୂରତା ରକ୍ଷା କରିବା ଉପରେ ଗୁରୁତ୍ୱ ଦେଇଛନ୍ତି ରାଜ୍ୟପାଳ । ରାଜଭବନ ପକ୍ଷରୁ କୁହାଯାଇଛି ରାଜ୍ୟ ସରକାର ଅଧିବେଶନ ପାଇଁ ଦେଇଥିବା ପ୍ରସ୍ତାବରେ ବିଶ୍ୱାସମତ ନେଇ କୌଣିସି ସୂଚନା ଦେଇ ନାହାନ୍ତି । ତେବେ ମିଡିଆ ରିପୋର୍ଟରୁ ଜଣା ପଡୁଛି ସରକାର ଆଗାମୀ ଅଧିବେଶନରେ ସଂଖ୍ୟା ଗରିଷ୍ଠତା ପ୍ରମାଣ କରିପାରନ୍ତି ।