ଏନଡିଏକୁ ସମର୍ଥନ ଦେଲେ ରାଜ୍ ଠାକରେ । ପ୍ରଧାନମନ୍ତ୍ରୀ ମୋଦୀଙ୍କର କଲେ ପ୍ରଂଶସା ।
କନକ ବ୍ୟୁରୋ: ପ୍ରଧାନମନ୍ତ୍ରୀଙ୍କ ସମର୍ଥନରେ ବାହାରିଲେ ରାଜ୍ ଠାକରେ । ମଙ୍ଗଳବାର ମହାରାଷ୍ଟ୍ର ନବ ନିର୍ମାଣ ସେନାର ମୁଖ୍ୟ ରାଜ୍ ଠାକରେ ମୁମ୍ବାଇର ଶିବାଜୀ ପାର୍କରେ ଏକ ରାଲିକୁ ସମ୍ବୋଧିତ କରିଥିଲେ । ଏହି ଅବସରରେ ସେ କହିଛନ୍ତି ଯେ, ମହାରାଷ୍ଟ୍ର ନବ ନିର୍ମାଣ ସେନା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ବିନା କୌଣସି ସର୍ତ୍ତରେ ସମର୍ଥନ ଦେବ । ସେ ଆହୁରି ମଧ୍ୟ କହିଛନ୍ତି ଯେ, ସେ ହେଉଛନ୍ତି ପ୍ରଥମ ବ୍ୟକ୍ତି ଯିଏକି ନରେନ୍ଦ୍ର ମୋଦୀ ପିଏମ୍ ହେବା ଉଚିତ୍ ବୋଲି କହିଥିଲେ । ତା ସହିତ ଧାରା ୩୭୦ ଉଚ୍ଚେଦକୁ ମଧ୍ୟ ସେ ସମର୍ଥନ କରିଥିଲେ ବୋଲି ନିଜର ସମ୍ବୋଧନରେ ଉଲ୍ଲେଖ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରାଜ ଠାକରେ କହିଛନ୍ତି ଯେ, ବର୍ଷେରୁ ଅଧିକ ସମୟ ଧରି ମୋ ସହ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଧେ ସମ୍ପର୍କରେ ରହିଥିଲେ । ଦେବେନ୍ଦ୍ର ଫଡନାବିସ୍ ମଧ୍ୟ ତାଙ୍କ ସହ ସମ୍ପର୍କରେ ରହିଥିଲେ । ତେଣୁ ମୁଁ ଅମିତ ଶାହାଙ୍କୁ ଫୋନ୍ କରିଥିଲି, ଏବଂ ତାଙ୍କୁ ଦେଖି କରିଥିଲି । ତେବେ ସିଟ୍ ଭାଗବଣ୍ଟା ବିବାଦରେ ମୁଁ ପଡିବାକୁ ଚାହୁଁନି । ତେଣୁ କାହା ସହ ମେଣ୍ଟ କରିବିନି । ହେଲେ ମୁଁ ନରେନ୍ଦ୍ର ମୋଦୀଙ୍କୁ ବିନା ସର୍ତ୍ତରେ ସମର୍ଥନ ଦେଉଛି ।
ରାଜ୍ ଠାକରେ ଆହୁରି ମଧ୍ୟ କହିଛନ୍ତି, ସଞ୍ଜୟ ରାଉତ ଏବଂ ଉଦ୍ଧବ ଠାକରେ ପ୍ରଧାନମନ୍ତ୍ରୀ ମୋଦୀଙ୍କ ବିରୋଧରେ କଥା କହୁଛନ୍ତି । ସେମାନେ କେବଳ ମୁଖ୍ୟମନ୍ତ୍ରୀ ପଦ ଚାହୁଁଛନ୍ତି । ସେଥିପାଇଁ ସେ ଏପରି କରୁଛନ୍ତି ବୋଲି ରାଜ୍ ଠାକରେ କହିଛନ୍ତି । ମନସେ ପ୍ରମୁଖଙ୍କ କହିବା କଥା, ମହାରାଷ୍ଟ୍ରରେ ୫ ବର୍ଷ ପରେ ନିର୍ବାଚନ ହେବାକୁ ଯାଉଛି । ଏବେ ନଗର ନିଗମ ନିର୍ବାଚନ ମଧ୍ୟ ବାକି ଅଛି ।