ମଥାରେ ତିଲକ, ମୁହଁରେ ମାସ୍କ । ଜେଲରୁ ବାହାରିଲେ ଶିଳ୍ପାଙ୍କ ସ୍ୱାମୀ ରାଜ କୁନ୍ଦ୍ରା ।
କନକ ବ୍ୟୁରୋ : ଜେଲରେ ବାହାରିଲେ ରାଜ କୁନ୍ଦ୍ରା । ୨ ମାସରୁ ଅଧିକ ସମୟ ଜେଲରେ କାଟିବା ପରେ ରାଜଙ୍କୁ ଗତକାଲି ଜାମିନ ମିଳିଛି । ଜେଲରୁ ବାହାରିବା ପରେ ରାଜ କୁନ୍ଦ୍ରାଙ୍କୁ ସାମ୍ବାଦିକ ମାନେ ଘେରି ଯାଇ ପ୍ରଶ୍ନ କରିଥିଲେ ମଧ୍ୟ କୌଣସି ଉତ୍ତର ସେ ରଖିନଥିଲେ । ତେଲ ଜେଲରୁ ବାହାରିବା ପରେ ରାଜଙ୍କୁ ଏକ ଭିନ୍ନ ଅନ୍ଦାଜରେ ଦେଖିବାକୁ ମିଳିଥିଲା । ମୁହଁରେ ମାସ୍କ ଓ ମଥାରେ ଲାଲ ରଙ୍ଗର ତିଲକ ଲଗାଇ ଜେଲରୁ ବାହାରିଥିଲେ ରାଜ । ତେବେ ଏହି ସମୟରେ ସେ ବେଶ ଚିନ୍ତିତ ଥିବା ଭଳି ମନେ ହେଉଥିଲା । ତେବେ ଜେଲରୁ ବାହାରିବା ପରେ ନିଜ ପରିବାରକୁ ଭେଟିବେ ରାଜ୍ ।
Kanak News is now on WhatsApp
Join and get latest news updates delivered to you via WhatsApp
ଅଶ୍ଳୀଳ ସିନେମା ମାମଲାରେ ବଲିଉଡ୍ ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ସ୍ୱାମୀ ରାଜ କୁନ୍ଦ୍ରାଙ୍କୁ ଗତକାଲି ମିଳିଥିଲା ଜାମିନ । ୫୦ ହଜାର ଟଙ୍କା ମୁଚାଲିକାରେ ମାଜିଷ୍ଟ୍ରେଟ କୋର୍ଟ ରାଜଙ୍କୁ ଜାମିନ ପ୍ରଦାନ କରିଥିଲେ । ଗତ ଗୁରୁବାର ମୁମ୍ବାଇ ପୋଲିସ୍ କୁନ୍ଦ୍ରାଙ୍କ ବିରୋଧରେ ୧୪ଶହ ପୃଷ୍ଠାର ଚାର୍ଜସିଟ୍ କୋର୍ଟରେ ଦାୟର କରିଥିଲା । ଯାହାକୁ ବିରୋଧ କରି ଶନିବାର ପୁଣିଥରେ ବେଲ୍ ପାଇଁ ଆବେଦନ କରିଥିଲେ ରାଜ କୁନ୍ଦ୍ରା ।
ସେ ପୁଣିଥରେ କୋର୍ଟଙ୍କ ସମ୍ମୁଖରେ କହିଥିଲେ, ତାଙ୍କୁ ଜାଣିଶୁଣି ଟାର୍ଗେଟ କରିବାକୁ ଚେଷ୍ଟା କରାଯାଉଛି । ସେ ଅଶ୍ଳୀଳ ସିନେମା ପ୍ରସ୍ତୁତ କରୁଥିବାର ପୋଲିସ ପାଖରେ ସେଭଳି କୌଣସି ଠୋସ୍ ପ୍ରମାଣ ନାହିଁ । ଏହାପରେ ସୋମବାର ମୁମ୍ବାଇ କୋର୍ଟ ରାଜ କୁନ୍ଦ୍ରାଙ୍କୁ ଜାମିନ୍ ପ୍ରଦାନ କରିଛନ୍ତି ।
ଅଶ୍ଳୀଳ ସିନେମା ପ୍ରସ୍ତୁତ କରିବା ଏବଂ ଆପ୍ ଜରିଆରେ ସେଗୁଡିକ ରିଲିଜ୍ କରିବା ନେଇ ପୋଲିସ୍ ରାଜ କୁନ୍ଦ୍ରାଙ୍କୁ ଗିରଫ କରିଥିଲା । ଏହାପରେ ବଲିଉଡର ଲୋକପ୍ରିୟ ଦମ୍ପତି ଶିଳ୍ପା ସେଟ୍ଟୀ ଓ ରାଜ କୁନ୍ଦ୍ରାଙ୍କ ଜୀବନ ପୂରା ଓଲଟ ପାଲଟ ହୋଇଯାଇଥିଲା । ତଦନ୍ତର ପରିସରକୁ ରାଜ କୁନ୍ଦ୍ରାଙ୍କ ସହ ଟଣାହେଲେ ପତ୍ନୀ ଶିଳ୍ପା ସେଟ୍ଟୀ । ମାତ୍ର ତାଙ୍କ ବିରୋଧରେ କୌଣସି ପ୍ରମାଣ ମିଳି ନଥିଲା ପୋଲିସକୁ । ଗଣମାଧ୍ୟମରେ ମଧ୍ୟ ଶିଳ୍ପା ସେଟ୍ଟୀ ଓ ରାଜ କୁନ୍ଦ୍ରାଙ୍କ ବ୍ୟକ୍ତିଗତ ଜୀବନକୁ ନେଇ ଅନେକ ଖବର ଦେଖିବାକୁ ମିଳିଲା । ରାଜ ଗିରଫ ହେବା ପରେ ସବୁଠାରୁ ବେଶି ପ୍ରଭାବିତ ହେଲେ ଶିଳ୍ପା । ତାଙ୍କ ହାତରୁ ଅନେକ ବିଜ୍ଞାପନ ଓ ପ୍ରୋଜକ୍ଟ ମଧ୍ୟ ପଳେଇଲା । ଏତେ ସବୁ ସମସ୍ୟା ପରେ ଶେଷରେ ରାଜ କୁନ୍ଦ୍ରାଙ୍କୁ ମିଳିଛି ଜାମିନ୍ । ତେବେ ଏହା ପରେ ଶିଳ୍ପା ଓ ରାଜଙ୍କ ବ୍ୟକ୍ତିଗତ ଜୀବନ ଆଗଭଳି ସ୍ୱାଭାବିକ ହେବ କି ନାହିଁ ତାହା ସମୟ କହିବ ।