ବିଜେପି ଉପରେ ବର୍ଷିଥିଲେ, ବିଜେଡି ଦେଲା ପୁରସ୍କାର ! ମୋରଡା ବିଧାନସଭା ଆସନରେ ରାଜକିଶୋର ଦାସଙ୍କୁ ମିଳିଲା ଶଙ୍ଖ ଟିକେଟ୍ ।
କନକ ବ୍ୟୁରୋ : ୨୦୧୯ ନିର୍ବାଚନ ପାଇଁ ରାଜକିଶୋର ଦାସଙ୍କୁ ମୋରଡା ବିଧାନସଭା ଆସନରୁ ମଇଦାନକୁ ଓହ୍ଲାଇଛି ବିଜୁ ଜନତା ଦଳ । ଗତ ମାର୍ଚ୍ଚ ମାସ ୨୫ ତାରିଖ ଦିନ ବିଜେଡିରେ ମିଶିଥିଲେ ବିଜେପିର ଏହି ହେଭିୱେଟ ନେତା ତଥା ରାଜ୍ୟ ବିଜେପିର ପୂର୍ବତନ ଉପସଭାପତି । ବିଜେପିରେ ତାଙ୍କୁ ଅଣଦେଖା କରାଯାଇଥିବା ଅଭିଯୋଗ ଆଣି ସେ ଦଳ ଛାଡିଥିଲେ । ମୟୂରଭଞ୍ଜ ରାଜନୀତିରେ ବିଜେପିର ଜଣେ ବଡ ଚେହେରା ଥିଲେ ରାଜକିଶୋର । ମୟୂରଭଞ୍ଜର ଏହି ଟାଣୁଆ ନେତା ବିଜେପି ସହ ଦୀର୍ଘ ୪୦ ବର୍ଷ ଧରି ରହି ଆସିଥିଲେ । ଏପରିକି ମୟୂରଭଞ୍ଜରେ ବିଜେପିର ମଙ୍ଗ ଧରି ଆସୁଥିଲେ ରାଜକିଶୋର ।
Kanak News is now on WhatsApp
Join and get latest news updates delivered to you via WhatsApp
ତେବେ ଚଳିତ ନିର୍ବାଚନରେ ମୋରଡା ଆସନରେ ପ୍ରାର୍ଥୀ ହେବାକୁ ମନ ବଳାଇଥିବା ରାଜଶେଖରଙ୍କୁ ବିଜେପି ପକ୍ଷରୁ ସେଭଳି କୌଣସି ସଂକେତ ମିଳିନଥିଲା । ଫଳରେ ଟିକେଟ ଘୋଷଣା ପୂର୍ବରୁ ଦୀର୍ଘ ୪୦ ବର୍ଷର ସର୍ମ୍ପକ ଛିନ୍ନ କରି ବିଜେପିକୁ ବାଏ ବାଏ କରିଥିଲେ ରାଜକିଶୋର । ସେପଟେ ୨୦୧୪ ନିର୍ବାଚନରେ ମୋରଡା ବିଧାନସଭା ଆସନରୁ ପ୍ରବୀଣ ଭଞ୍ଜଦେଓଙ୍କୁ ପ୍ରାର୍ଥୀ କରିଥିଲା ବିଜେଡି । ତେବେ ଆଜି ବିଜେଡିରୁ ଇସ୍ତଫା ଦେଇଥିଲେ ପ୍ରବୀଣ । ଆଉ ରାଜକିଶୋର ଦାସଙ୍କୁ ମୋରଡା ଭାର ଦେଇଛନ୍ତି ବିଜେଡି ସୁପ୍ରିମୋ ।