ରକ୍ତଭଣ୍ଡାରରେ ପଶିଲା ବର୍ଷା ପାଣି । ସୁନ୍ଦରଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଥିବା ରକ୍ତଭଣ୍ଡାରରେ ପଶିଲା ବର୍ଷା ପାଣି ।

କନକ ବ୍ୟୁରୋ: ସୁନ୍ଦରଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଥିବା ରକ୍ତଭଣ୍ଡାରରେ ପଶିଲା ବର୍ଷା ପାଣି । ଗତକାଲିଠାରୁ ଜିଲ୍ଲାରେ ବର୍ଷା ଲାଗିଛି । ଆଜି ସକାଳୁ ରକ୍ତ ଭଣ୍ଡାର ଖୋଲା ହେବା ବେଳକୁ ବର୍ଷା ପାଣି ପଶି ଯାଇଥିବା ଦେଖିବାକୁ ମିଳିଥିଲା । ସଫେଇ କର୍ମଚାରୀ ଯାଇ ରକ୍ତ ଭଣ୍ଡାର ଭିତରୁ ପାଣି ବାହାର କରିଥିଲେ । ହେଲେ କିଛି ସମୟ ପାଇଁ ରକ୍ତ ଭଣ୍ଡାରର କାମ ବାଧାପ୍ରାପ୍ତ ହୋଇଥିଲା । ଗତକାଲି ସଂଧ୍ୟାରୁ ଲାଗି ରହିଥିବା ବର୍ଷା ପ୍ରଭାବରେ ସହରର ବିଭିନ୍ନ ଅଞ୍ଚଳରେ ପାଣି ଜମି ଯାଇଛି ।