ବେହାଲ କଲା ଅଦିନିଆ ବର୍ଷା । ଭୁବନେଶ୍ୱରରେ ଭାସିଲା କାର୍, ଭିଜିଲା ପଶ୍ଚିମ ଓ ଉପକୂଳ ଓଡ଼ିଶା ।
କନକ ବ୍ୟୁରୋ : ବର୍ଷାରେ ଭିଜିଲା ଓଡ଼ିଶା । ଅଦିନିଆ ବର୍ଷାରେ ବେହାଲ ହୋଇଛି ରାଜଧାନୀ ସମେତ ପଶ୍ଚିମ ଓ ଉପକୂଳ ଓଡିଶା । ବର୍ଷାର ପ୍ରଭାବରେ ରାଜଧାନୀ ଇସ୍କନ ମନ୍ଦିର ଆଗରେ କାର ଭାସିଥିବା ବେଳେ କମିଶନରେଟ ପୁଲିସ ଅଫିସ ଆଗରେ ଆଣ୍ଠୁଏ ଉଚ୍ଚର ପାଣି ଲହଡି ମାଡୁଥିଲା । ଚାନ୍ଦବାଲିରେ ସର୍ବାଧିକ ୧୦ ଦଶମିକ ଦୁଇ ମିଲିମିଟର ବର୍ଷା ରେକର୍ଡ ହୋଇଥିବା ବେଳେ ଭୁବନେଶ୍ୱରରେ ୧୦ ମିଲିମିଟର ଏବଂ କଟକରେ ୯ ମିଲିମିଟର ବର୍ଷା ରେକର୍ଡ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଆଜି ଅପରାହ୍ନରେ ଆଞ୍ଚଳିକ ପାଣିପାଗ କେନ୍ଦ୍ର କହିଥିଲା ପଶ୍ଚିମା ଝଡ ସହ ଜଡିତ ମେଘ ଖଣ୍ଡ ପଶ୍ଚିମରୁ ପୂର୍ବକୁ ଗତି କରିବ । ଆଭ୍ୟନ୍ତରୀଣରୁ ଉପକୂଳ ଓଡିଶାର କିଛି କିଛି ସ୍ଥାନରେ ଅଳ୍ପ କିଛି ଘଣ୍ଟା ମଧ୍ୟରେ ବିଜୁଳି-ଘଡଘଡି ସହ ବର୍ଷା ହେବ । ଉତ୍ତର ଓଡିଶାର ଜିଲ୍ଲା ଗୁଡିକରେ କିଛି ସ୍ଥାନରେ ଏବଂ ଦକ୍ଷିଣ ଉପକୂଳ ଓଡିଶାର ଜିଲ୍ଲା ଗୁଡିକରେ ଗୋଟିଏ କିମ୍ବା ଦୁଇଟି ସ୍ଥାନରେ ହାଲୁକାରୁ ମଧ୍ୟମ ଧରଣର ବର୍ଷା କିମ୍ବା ବଜ୍ରପାତ ହେବାର ସମ୍ଭାବନା ରହିଥିବା ଆକଳନ କରିଥିଲା ପାଣିପାଗ କେନ୍ଦ୍ର ।