କନକ ବ୍ୟୁରୋ: ଆସନ୍ତାବର୍ଷ ପାକିସ୍ତାନରେ ହେବାକୁ ଥିବା ଏସିଆକପକୁ ନେଇ ଦୁଇ ଦେଶ ମଧ୍ୟରେ ବିବାଦ ଜାରି ରହିଥିବା ବେଳେ ରବିବାର ଟି-୨୦ ବିଶ୍ୱକପରେ ପାକିସ୍ତାନକୁ ଭେଟିବ ଭାରତ । ଅଷ୍ଟ୍ରେଲିଆର ମେଲବର୍ଣ୍ଣ ଷ୍ଟାଡିୟମରେ ଦୁଇ ପାରମ୍ପାରିକ ପ୍ରତିଦ୍ୱନ୍ଦୀ ନିଜର ପ୍ରଥମ ମ୍ୟାଚ ଖେଳିଳେ । ମ୍ୟାଚକୁ ନେଇ ଉଭୟ ଦେଶର ଦର୍ଶକଙ୍କ ମଧ୍ୟରେ ଉତ୍କଣ୍ଠା ବଢିବାରେ ଲାଗିଛି । ହେଲେ ବର୍ଷା ମ୍ୟାଚ ଖେଳାଯାଇପାରିକ କି ନାହିଁ ତାକୁ ନେଇ ଏବେବି ଆଶଙ୍କା ରହିଛି । ରବିବାର ମେଲବର୍ଣ୍ଣ ସହରରେ ପ୍ରବଳ ବର୍ଷା ନେଇ ସେଠାକାର ପାଣିପାଗ ସଂସ୍ଥା ଆକଳନ କରିଛି ।
Kanak News is now on WhatsApp
Join and get latest news updates delivered to you via WhatsApp
ପାକିସ୍ତାନରେ ହେବାକୁ ଏସିଆକପ ଖେଳିବାକୁ ଭାରତ ଯିବନାହିଁ ବୋଲି ବିସିସିଆଇ ସମ୍ପାଦକ ଜୟ ଶାହଙ୍କ ବୟାନ ପରେ ପାକିସ୍ତାନର କ୍ରିକେଟରମାନେ ଭାରତରେ ହେବାକୁ ଥିବା ଦିନିକିଆ ବିଶ୍ୱକପ ଖେଳିବା ପାଇଁ ନଆସିବାକୁ ଚେତାବନୀ ଦେଇଛନ୍ତି । ଏପରିକି କିଛି ପାକିସ୍ତାନୀ କ୍ରିକେଟର ଭାରତ ସହ ଆଦୌ ମ୍ୟାଚ ନଖେଳିବାକୁ ଦାବି କରୁଛନ୍ତି ।
ଶାହଙ୍କ ମନ୍ତବ୍ୟକୁ ନେଇ ଏବେ ଦୁଇ ଦେଶ ମୁହାଁମୁହିଁ ପରିସ୍ଥତିକୁ ଆସିଥିବା ବେଳେ ଚାଲିଥିବା ଟି-୨୦ ବିଶ୍ୱକପରେ ଭାରତ ସହ ମ୍ୟାଚ ନଖେଳିବାକୁ ଦାବି କରିଛନ୍ତି ମୁସଲିମ ନେତା ତଥା ଏଆଇଏମଆଇଏମ ମୁଖ୍ୟ ଅସଦୁଦ୍ଦିନ ଓୱେସୀ । କାହିଁକି ବିଶ୍ୱକପରେ ପାକିସ୍ତାନ ସହ ଖେଳିବ ପ୍ରଙଶ୍ନ କରିଛନ୍ତି ଓୱେସୀ । ଆମେ ପାକିସ୍ତାନ ଯିବା ନାହିଁ କିନ୍ତୁ ଅଷ୍ଟ୍ରେଲିଆରେ ପାକିସ୍ତାନ ସହ ମ୍ୟାଚ ଖେଳିବା କି ପ୍ରକାରର ଭଲପାଇବା ବୋଲି ୱବେସୀ ପ୍ରଶ୍ନ କରିଛନ୍ତି । ଏହି ବିବାଦକୁ ନେଇ ଭାରତୀୟ ଦଳର ଅଧିନାୟକ ରୋହିତ ଶର୍ମା କହିଛନ୍ତି ଭାରତ ଖେଳିବାକୁ ଯିବ କି ନାହିଁ ତାହା ବିିସିସିଆଇ ନିଷ୍ପତି ନେବ, ଆମେ ଏବେ ବିଶ୍ୱକପରେ ଧ୍ୟାନ ଦେଉଥିବା ସେ କହିଛନ୍ତି ।
ଟି-୨୦ ବିଶ୍ୱକପରେ ଭାରତ ଏବଂ ପାକିସ୍ତାନ ୬ ଥର ମୁହାଁମୁହିଁ ହୋଇଥିବା ବେଳେ ପାକିସ୍ତାନ ଗୋଟିଏ ମ୍ୟାଚ ଜିତିବାରେ ସଫଳ ହୋଇଛି । କିନ୍ତୁ ଗତ ବିଶ୍ୱକପରେ ପାକିସ୍ତାନଠୁ ଭାରତ ହାରିଥିବାରୁ ଏଥର ଭାରତୀୟ ଖେଳାଳୀଙ୍କ ଉପରେ ଚାପ ରହିପାରେ । ପାକିସ୍ତାନର ପେସ ବୋଲର ସାହୀନ ଆଫ୍ରିଦୀ ଦଳକୁ ଫେରିଥିବାରୁ ଭାରତ ଅପେକ୍ଷା ବୋଲିଂରେ ପାକିସ୍ତାନର ପଲା ଭାରି ରହିବ । କିନ୍ତୁ ଦୃଢ ବ୍ୟାଟିଂ ଲାଇନଅପ ଥିବା ଭାରତର ବ୍ୟାଟରମାନେ ପାକିସ୍ତାନ ବୋଲରଙ୍କୁ କିପରି ସାମ୍ନା କରୁଛନ୍ତି ତାହା ଉପରେ ସମସ୍ତଙ୍କର ନଜର ରହିଛି ।