ଶ୍ରମିକ ମୃତ୍ୟୁ ନେଇ ଅଧା ତଥ୍ୟ ଦେଲେ କେନ୍ଦ୍ର ସରକାର: ରାଜ୍ୟସଭାରେ ରେଳମନ୍ତ୍ରୀ କହିଲେ, ଶ୍ରମିକ ଟ୍ରେନରେ ପ୍ରବାସୀଙ୍କ ସ୍ଥାନାନ୍ତର ବେଳେ ଯାଇଛି ୯୭ ଶ୍ରମିକଙ୍କ ଜୀବନ
ଟିଏମସି ସାଂସଦଙ୍କ ଲିଖତ ପ୍ରଶ୍ନର ଉତରରେ ତଥ୍ୟ ରଖିଲେ ପିୟୁଷ ଗୋଏଲ ଅଧା ତଥ୍ୟ ଦେଲେ ସରକାର
କନକ ବ୍ୟୁରୋ: ଲକଡାଉନ୍ ସମୟରେ କେତେ ଶ୍ରମିକଙ୍କ ମୃତ୍ୟୁ ହୋଇଛି ତାକୁ ନେଇ ବିରୋଧୀ ବାରମ୍ବାର ମୋଦି ସରକାରଙ୍କୁ ଘେରିଥିବା ବେଳେ ଗତକାଲି ସଂସଦରେ ଅଧା ତଥ୍ୟ ଦେଇଛନ୍ତି କେନ୍ଦ୍ର ସରକାର । ରାଜ୍ୟସଭାରେ ରେଳମନ୍ତ୍ରୀ ପିୟୁଷ ଗୋଏଲ କହିଛନ୍ତି – ଶ୍ରମିକ ଟ୍ରେନ୍ରେ ପ୍ରବାସୀଙ୍କ ସ୍ଥାନାନ୍ତର ବେଳେ ୯୭ ଶ୍ରମିକଙ୍କ ମୃତ୍ୟୁ ହୋଇଛି । ଟିଏମ୍ସି ସାଂସଦଙ୍କ ଲିଖତ ପ୍ରଶ୍ନର ଉତରରେ ଏହି ତଥ୍ୟ ଦେଇଛନ୍ତି ପିୟୁଷ ଗୋଏଲ । ଏହି ୯୭ ମୃତ୍ୟୁ ଭିତରୁ ୮୭ ଜଣ ଶ୍ରମିକଙ୍କ ମୃତଦେହ ରାଜ୍ୟ ପୁଲିସ୍ ଗୁଡ଼ିକର ସହାୟତାରେ
ସେମାନଙ୍କ ପରିବାରକୁ ପଠାଇ ଦିଆଯାଇଥିବା ନେଇ ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୋଟ୍ ୫୭ ମୃତ ପ୍ରବାସୀ ଶ୍ରମିକମାନଙ୍କ ମଧ୍ୟରୁ ୫୧ ଜଣ ହୃତଘାତ, ହୃତରୋଗ, ମସ୍ତିସ୍କ ରକ୍ତସ୍ରାବ ଏବଂ ସେମାନଙ୍କଠାରେ ଥିବା ପୂର୍ବ ରୋଗ କାରଣରୁ ହୋଇଥିବା ନେଇ ମନ୍ତ୍ରୀ ସୂଚନା ଦେଇଛନ୍ତି । ବିଭିନ୍ନ ରାଜ୍ୟରେ ଲକ୍ଡାଉନ୍ ଯୋଗୁଁ ଫଶି ରହିଥିବା ଶ୍ରମିକଙ୍କ ପାଇଁ ମେ ୧ ତାରିଖରୁ ଅଗଷ୍ଟ ୩୧ ତାରିଖ ଯାଏଁ ଶ୍ରମିକ ଟ୍ରେନ୍ ବ୍ୟବସ୍ଥା କରାଯାଇଥିଲା । ଆଉ ଏହା ଦ୍ୱାରା ୬୩ ଲକ୍ଷ ୧୯ ହଜାର ଶ୍ରମିକଙ୍କ ନିଜ ନିଜ ରାଜ୍ୟକୁ ପଠାଇବାର ବ୍ୟବସ୍ଥା କରାଯାଇଥିବା ନେଇ ସୂଚନା ଦେଇଛନ୍ତି ପିୟୁଷ ଗୋଏଲ ।