ରେଳବାଇ: କେନ୍ଦ୍ର ବଜେଟରେ ଓଡ଼ିଶାକୁ ମିଳିଲା ୪ ହଜାର ୩୭୩ କୋଟି ଟଙ୍କାର ଅନୁଦାନ । ୬ଟି ନୂଆ ପ୍ରକଳ୍ପ ପାଇଁ ମିଳିଲା ୧୨୬୩ କୋଟି ।
କନକ ବ୍ୟୁରୋ: କେନ୍ଦ୍ର ବଜେଟରେ ଓଡ଼ିଶାର ପୂର୍ବତଟ ରେଳବାଇକୁ ମିଳିଲା ମୋଟ୍ ୫ ହଜାର ୮୬୫ କୋଟି ଟଙ୍କାର ଅନୁଦାନ । ତେବେ ଏହାବାଦ୍ ଓଡ଼ିଶାରେ ଚାଲୁ ରହିଥିବା ବିଭିନ୍ନ ରେଳ ପ୍ରକଳ୍ପ ପାଇଁ ମୋଟ୍ ୪ ହଜାର ୩୭୩ ଟଙ୍କା କେନ୍ଦ୍ର ବଜେଟରୁ ମିଳିଛି । ନୂତନ ପ୍ରକଳ୍ପ ଏବଂ କାର୍ଯ୍ୟକ୍ଷମ ଚାଲିଥିବା ପ୍ରୋଜେକ୍ଟ ମଧ୍ୟରୁ ଅନୁଗୁଳ-ସୁକିନ୍ଦା ଲାଇନ୍ ପାଇଁ ୪୫୦ କୋଟି, ହରିଦାସପୁର-ପାରାଦୀପ ପାଇଁ ୧୦୦ କୋଟି, ଖୋର୍ଦ୍ଧା-ବଲାଙ୍ଗୀର ଲାଇନ୍ ପାଇଁ ୫୨୦ କୋଟି, ତାଳଚେର-ବିମଳାଗଡ ପାଇଁ ୧୪୦ କୋଟି, ଜୟପୁର-ମାଲକାନଗିରି ପାଇଁ ୩୩ କୋଟି, ଜୟପୁର-ନବରଙ୍ଗପୁର ପାଇଁ ୨୦ କୋଟି, ଖୋର୍ଦ୍ଧା ରୋଡ୍-ବିଜୟ ନଗରମ୍ ପାଇଁ ୨୦ କୋଟି ଟଙ୍କାର ଅନୁଦାନ ଘୋଷଣା କରିଛନ୍ତି କେନ୍ଦ୍ର ସରକାର ।
Kanak News is now on WhatsApp
Join and get latest news updates delivered to you via WhatsApp
#ପୂର୍ବତଟ_ରେଲୱେକୁ_୫୮୬୫_କୋଟି
କେନ୍ଦ୍ର ବଜେଟରେ ପୂର୍ବତଟ ରେଲୱେକୁ ମୋଟ୍ ୫୮୬୫ କୋଟି ଟଙ୍କାର ଅନୁଦାନ। ଅନୁଗୁଳ-ସୁକିନ୍ଦା ଲାଇନ୍ ପାଇଁ ୪୫୦ କୋଟି, ହରିଦାସପୁର-ପାରାଦୀପ ପାଇଁ ୧୦୦ କୋଟି, ଖୋର୍ଦ୍ଧା-ବଲାଙ୍ଗୀର ଲାଇନ୍ ପାଇଁ ୫୨୦ କୋଟି, ତାଳଚେର-ବିମଳାଗଡ ପାଇଁ ୧୪୦ କୋଟି ଟଙ୍କାର ଅନୁଦାନ ଘୋଷଣା କରିଛନ୍ତି କେନ୍ଦ୍ର ସରକାର #Budget2020 pic.twitter.com/5fItSJW1lV— Kanak News (@kanak_news) February 5, 2020
ସେହିପରି ରେଳ ଲାଇନ୍ ଦୋହରିକରଣ ନେଇ ସମ୍ବଲପୁର-ତାଳଚେର ଲାଇନ୍ ପାଇଁ ୨୯୨ କୋଟି ଟଙ୍କା, ସମ୍ବଲପୁର-ଟିଟିଲାଗଡ଼ ପାଇଁ ୩୮୨ କୋଟି, ଟିଟିଲାଗଡ଼-ବିଜୟନଗରମ ୩୮୦ କୋଟି, ଭଦ୍ରକ-ନିର୍ଗୁଣ୍ଡି ପାଇଁ ୧୦୨ କୋଟି, କୋରାପୁଟ-ସିଙ୍ଗାପୁର ରୋଡ୍ ପାଇଁ ୨୦୧ କୋଟି, ଜଗଦଲପୁର-କୋରାପୁଟ ୧୩୦ କୋଟି ଭଳି ବିଭିନ୍ନ ପ୍ରକଳ୍ପ ପାଇଁ ଅନୁଦାନ ଘୋଷଣା କରିଛନ୍ତି କେନ୍ଦ୍ର ସରକାର ।