କନକ ବ୍ୟୁରୋ: ରାହୁଲ ଗାନ୍ଧୀଙ୍କ ବିବାଦୀୟ ବୟାନ ମାମଲା, କୋର୍ଟରେ ପହଂଚିବା ପରେ ହାଜର ହୋଇଛନ୍ତି ରାହୁଲ । ୪ ବର୍ଷ ତଳର ଏହି ମାମଲାରେ ରାହୁଲ ଗାନ୍ଧୀଙ୍କୁ ଦୋଷୀ ସାବ୍ୟସ୍ତ କରିବା ସହ, ୨ ବର୍ଷର ଜେଲ ଦଣ୍ଡାଦେଶ କରିଛନ୍ତି କୋର୍ଟ । ଅବଶ୍ୟ ରାହୁଲ ଗାନ୍ଧୀଙ୍କୁ ୧୦ ହଜାର ଟଙ୍କାର ବ୍ୟକ୍ତିଗତ ମୁଚାଲିକାରେ ଜାମିନ ପ୍ରଦାନ କରାଯାଇଛି । କିନ୍ତୁ ରାହୁଲ ଗାନ୍ଧୀଙ୍କ ପାଇଁ ବଡ ସମସ୍ୟ ସୃଷ୍ଟି କରିଛି କୋର୍ଟଙ୍କ ଆଭିମୁଖ୍ୟ ।
Kanak News is now on WhatsApp
Join and get latest news updates delivered to you via WhatsApp
୨୦୧୯ରେ କର୍ଣ୍ଣାଟକରେ ଏକ ନିର୍ବାଚନୀ ରାଲିକୁ ସମ୍ବୋଧନ କରି ‘ମୋଦୀ ସରନେମ’କୁ ନେଇ ବିବାଦୀୟ ବୟାନ ଦେଇଥିଲେ ରାହୁଲ । ଠକେଇ ଅଭିଯୁକ୍ତ ନୀରବ ମୋଦୀ, ଲଳିତ ମୋଦୀଙ୍କ ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନାଁକୁ ଯୋଡି କହିଥିଲେ । ଏହା ବିରୋଧରେ କୋର୍ଟଙ୍କ ଦ୍ୱାରସ୍ଥ ହୋଇଥିଲେ ଗୁଜରାଟର ପୂର୍ବତନ ମନ୍ତ୍ରୀ ପୂର୍ଣ୍ଣେସ ମୋଦୀ । ରାହୁଲଙ୍କ ବାୟନ ପୂରା ମୋଦୀ ସମାଜ ପାଇଁ ଅପମାନ ବୋଲି ସେ ଅଭିଯୋଗ କରିଥିଲେ ।
ରାହୁଲ ଗାନ୍ଧୀ ଦୋଷୀ ସାବ୍ୟସ୍ତ ହେବା ପରେ ୨୦୨୪ ନିର୍ବାଚନ ଲଢିବା ନେଇ ଆଶଙ୍କା ସୃଷ୍ଟି ହୋଇଛି । କାରଣ ଜନପ୍ରତିନିଧି ଆଇନ ଅନୁସାରେ
– କୌଣସି ମାମଲାରେ ୨ ବର୍ଷ କିମ୍ବା ଅଧିକ ସଜା ହେଲେ ସଦସ୍ୟତା ରଦ୍ଦ ହେବ
– ଅର୍ଥାତ ସାଂସଦ କିମ୍ବା ବିଧାୟକଙ୍କ ସଭ୍ୟ ପଦ ରଦ୍ଦ କରିବେ ବାଚସ୍ପତି
– ସଜା ଶେଷ ହେବା ପରେ ମଧ୍ୟ ୬ ବର୍ଷ ଯାଏଁ ଲଢିପାରିବେନି ନିର୍ବାଚନ
ଆଇନଜୀବୀଙ୍କ ମତରେ ସେସନ୍ସ କୋର୍ଟଙ୍କ ରାୟକୁ ଉପର କୋର୍ଟରେ ଚ୍ୟାଲେଞ୍ଜ କରିପାରିବେ ରାହୁଲ ଗାନ୍ଧୀ । ଏଥିପାଇଁ ତାଙ୍କୁ ମଧ୍ୟ ୩୦ ଦିନର ମହଲତ ମିଳିଛି । ଉପରକୋର୍ଟ ଦଣ୍ଡାଦେଶ ଉପରେ ରହିତାଦେଶ ଜାରି କଲେ ଆଗାମୀ ନିର୍ବାଚନ ଲଢିପାରିବେ କଂଗ୍ରେସ ସାଂସଦ । ନହେଲେ ସଭ୍ୟ ପଦ ରଦ୍ଧ କରିବାକୁ ନିଷ୍ପତି କରିପାରନ୍ତି ଲୋକସଭା ବାଚସ୍ପତି । ରାହୁଲ ଚାହିଁଲେ ହାଇକୋର୍ଟ କିମ୍ବା ସୁପ୍ରିମକୋର୍ଟକୁ ଯିବାର ବିକଳ୍ପ ମଧ୍ୟ ରହିଛି ।
ପୂର୍ବରୁ ପିପୁଲ୍ସ ରିପ୍ରେଜେଂଟଟିଭ ଆକ୍ଟ ବା ଜନପ୍ରତିନିଧି ଆଇନରେ ଦେଷୀଙ୍କୁ ନିଜକୁ ନିର୍ଦ୍ଦୋଶ ସାବ୍ୟସ୍ତ କିରିବା ପାଇଁ ୩ ମାସ ସମୟ ମିଳୁଥିଲା । ୨୦୧୩ରେ ସୁପ୍ରିମକୋର୍ଟ ଏହାକୁ ପରିବର୍ତନ କରିଛନ୍ତି । ଫଳରେ ଜଣେ ଦୋଷୀ ହେବାମାତ୍ରେ ତାଙ୍କ ସଭ୍ୟ ପଦ ରଦ୍ଦ ହୋଇପାରିବ ।