କନକ ବ୍ୟୁରୋ: କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ତାଙ୍କ ବିବାହକୁ ନେଇ ଅନେକ ସମୟରେ ପ୍ରଶ୍ନ କରାଯାଏ । ଏବେ ଖୋଦ୍ ରାହୁଲ ଗାନ୍ଧୀ ଏହାର ଜବାବ ଦେଇଛନ୍ତି । ବୁଦ୍ଧିମାନ ଝିଅ ମିଳିଲେ ନିଶ୍ଚୟ କରିବେ ବୋଲି ରାହୁଲ ଗାନ୍ଧୀ କହିଛନ୍ତି । ଏକ ସାକ୍ଷାତକାରରେ ଏଭଳି ବୟାନ ଦେଇ ଚର୍ଚ୍ଚାକୁ ଆସିଛନ୍ତି ରାହୁଲ ଗାନ୍ଧୀ । ଏହାର ଭିଡିଓ ମଧ୍ୟ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି । କର୍ଲି ଟେଲ୍ସ ସହ ସାକ୍ଷାତକାରରେ ଉପସ୍ଥାପିକା କାମ୍ୟା ଜାନି ରାହୁଲଙ୍କୁ ବିବାହ ସମ୍ବନ୍ଧିତ ପ୍ରଶ୍ନ ପଚାରିଥିଲେ । କାମ୍ୟା ରାହୁଲଙ୍କ ପ୍ରଶ୍ନ କରିଥିଲେ ଯେ ଆପଣ କୌଣସି ମୁହୂର୍ତରେ ବିବାହ କରିବାକୁ ଯୋଜନା କରୁଛନ୍ତି କି?
Kanak News is now on WhatsApp
Join and get latest news updates delivered to you via WhatsApp
ଜବାବରେ ରାହୁଲ କହିଥିଲେ, ସଠିକ୍ ଜୀବନସାଥୀ ମିଳିଲେ, ନିଶ୍ଚୟ ବିବାହ କରିବି । ବିବାହ ପାଇଁ କୌଣସି ମାନଦଣ୍ଡ ଥିବା ପ୍ରଶ୍ନରେ ରାହୁଲ କହିଥିଲେ, ବିବାହ ପାଇଁ ଜଣେ ବୁଦ୍ଧିମାନ ବ୍ୟକ୍ତି ଦରକାର, ଯିଏ ସମସ୍ତଙ୍କୁ ସ୍ନେହ କରୁଥିବ । ଏହା ପୂର୍ବରୁ ମଧ୍ୟ ରାହୁଲ ତାଙ୍କ ବିବାହକୁ ନେଇ ବୟାନ ଦେଇସାରିଛନ୍ତି । ଡିସେମ୍ବରରେ ଏକ ୟୁଟ୍ୟୁବ ଚ୍ୟାନେଲକୁ ଦେଇଥିବା ସାକ୍ଷାତକାରରେ ରାହୁଲ ଗାନ୍ଧୀ କହିଥିଲେ ଯେ ମା’ ସୋନିଆ ଗାନ୍ଧୀ ଓ ଜେଜେମା’ ଇନ୍ଦିରା ଗାନ୍ଧୀଙ୍କ ଗୁଣ ଥିବା ଝିଅ ତାଙ୍କର ଜୀବନସାଥୀ ହୋଇପାରିବେ । ବର୍ତମାନ ରାହୁଲ ଗାନ୍ଧୀ ଜମ୍ମୁ-କାଶ୍ମୀରରେ ଭାରତ ଯୋଡ଼ରେ ସାମିଲ ଅଛନ୍ତି ।