କନକ ବ୍ୟୁରୋ : ମିଶନ ୨୦୨୪ ପାଇଁ ଆକ୍ସନରେ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ । ଗୁରୁବାର ରାହୁଲଙ୍କ ଭାରତ ଯୋଡୋ ଯାତ୍ରାରେ ସାମିଲ ହୋଇଛନ୍ତି ସୋନିଆ । କର୍ଣ୍ଣାଟକ ମାଣ୍ଡ୍ୟାରେ ଭାରତ ଯୋଡୋ଼ ଯାତ୍ରାରେ ସାମିଲ ହୋଇଥିବା ବେଳେ ଦଳୀୟ କର୍ମୀଙ୍କ ମଧ୍ୟରେ ବେଶ ଉତ୍ସାହ ଦେଖିବାକୁ ମିଳିଛି । ତେବେ ଏହି ପଦଯାତ୍ରା ସମୟରେ ଭିନ୍ନ ଏକ ଦୃଶ୍ୟ ଦେଖିବାକୁ ମିଳିଥିଲା । କେତେବେଳେ ରାହୁଲ ନିଜ ମା’ଙ୍କ କାନ୍ଧରେ ହାତ ରଖି ଆଗକୁ ବଢୁଥିଲେ ତ ପୁଣି କେତେବେଳେ ମା’ଙ୍କ ଜୋତାର ଫିତା ବାନ୍ଧିଥିଲେ । ଯାହାର ଫଟୋ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି । ଆଉ ଏହି ଫଟୋ ଦେଖିବା ପରେ ଲୋକମାନେ ମଧ୍ୟ ରାହୁଲଙ୍କୁ ବେଶ ପ୍ରଶଂସା କରିଛନ୍ତି । ଆଉ ଏହି ଫଟୋ ଏବେ ଶଶୀ ଥରୁର ନିଜ ଟ୍ୱିଟ୍ ପେଜରେ ସେୟାର କରିଛନ୍ତି । ଆଉ ଲେଖିଛନ୍ତି, ସିଏ ନିଶ୍ୱାସ ନେଲେ ବି ଏଥିରେ ଆର୍ଶୀବାଦ ଭରି ରହିଥାଏ । କାରଣ ମା’ ତ ମା’ ହିଁ, ମା’ ଠାରୁ ଆଉ କେହି ବଡ ନୁହେଁ ।
Kanak News is now on WhatsApp
Join and get latest news updates delivered to you via WhatsApp
ସୋନିଆ ଗାନ୍ଧୀ ପଦଯାତ୍ରାରେ ସେତେବେଳେ ସାମିଲ ହୋଇଛନ୍ତି ଯେତେବେଳେ କଂଗ୍ରେସ ଅଧ୍ୟକ୍ଷ ପଦକୁ ନିର୍ବାଚନ ପ୍ରକ୍ରିୟା ଜାରି ରହିଛି । ଆସନ୍ତା ଅକ୍ଟୋବର ୧୭ରେ କଂଗ୍ରେସ ଅଧ୍ୟକ୍ଷ ପଦ ପାଇଁ ନିର୍ବାଚନ ହେବ । ତେବେ ଗୁରୁତ୍ୱପୂର୍ଣ୍ଣ କଥା ହେଲା, ଦୀର୍ଘ ଦିନ ପରେ ପଦଯାତ୍ରାରେ ସୋନିଆ ଗାନ୍ଧୀଙ୍କୁ ଦେଖିବାକୁ ମିଳିଛି । କାରଣ ସ୍ୱାସ୍ଥ୍ୟଗତ କାରଣରୁ ଦୀର୍ଘଦିନ ହେବ ଦଳୀୟ କାର୍ଯ୍ୟକ୍ରମରୁ ନିଜକୁ ଦୂରେଇ ରଖିଥିଲେ ସୋନିଆ ଗାନ୍ଧୀ । ତେବେ ବିଦେଶରୁ ଚିକିତ୍ସିତ ହୋଇ ଫେରିବା ପରେ ପ୍ରଥମ ଥର ପାଇଁ ପଦଯାତ୍ରାରେ ସାମିଲ ହୋଇଛନ୍ତି ସୋନିଆ ଗାନ୍ଧୀ । ତେଣୁ କଂଗ୍ରେସ ପାଇଁ ଏହି ପଦଯାତ୍ରା କେତେ ଗୁରୁତ୍ୱପୂର୍ଣ୍ଣ ତାହା ସୋନିଆଙ୍କ ପଦଯାତ୍ରାରେ ସାମିଲ ହେବା ପରେ ସ୍ପଷ୍ଟ ହୋଇଛି ।
वो साँस भी लेती है तो, उनमें भी दुआएं होती हैं
माँओं का तोड़ नही होता, माएँ तो माएँ होती हैं !🙏#BharatJodoYatra @INCIndia pic.twitter.com/npjsJnCah3— Shashi Tharoor (@ShashiTharoor) October 6, 2022
ସୋନିଆ ଗାନ୍ଧୀ ଏହି ପଦଯାତ୍ରାରେ ସାମିଲ ହେବାକୁ ସୋମବାରଠୁ ମହୀଶୂରରେ ପହଂଚିଯାଇଥିଲେ । ଦଶହରା ପାଇଁ ଦୁଇ ଦିନ ବିରତି ନେଇ ତାପରେ ଆଜି ଗୁରୁବାର ପଦଯାତ୍ରାରେ ସାମିଲ ହୋଇଛନ୍ତି । ଏହି ଯାତ୍ରା ମାଣ୍ଡ୍ୟାରୁ ଆରମ୍ଭ ହୋଇ ପାଣ୍ଡବପୁରାର କେଏସଆରଟିସି ବସ ଷ୍ଟେସନ ନିକଟରେ ଶେଷ ହୋଇଛି ।