କନକ ବ୍ୟୁରୋ: ଭାରତ-ଚୀନ ସେମାରେ ଉତେଜନା ନେଇ କେନ୍ଦ୍ର ସରକାରଙ୍କୁ ଘେରିଛନ୍ତି । ପ୍ରଧାନମନ୍ତ୍ରୀ ଏହି ଘଟଣାରେ କାହିଁକି ଚୁପ୍ ବୋଲି ସେ ପ୍ରଶ୍ନ କରିଛନ୍ତି ।  ଚୀନ ଆମ ସେନା ମାରିବାକୁ କିଭଳି ସାହାସ କଲା ବୋଲି ରାହୁଲ ଗାନ୍ଧି ପ୍ରଶ୍ନ କରିଛନ୍ତି । ଟ୍ୱିଟ୍ କରି ରାହୁଲ ଗାନ୍ଧି କହିଛନ୍ତି, ବହୁତ ହୋଇଗଲା, ଆମେ ଜାଣିବା ଦରକାର ପକୃତରେ ସେଠାରେ କଣ ଘଟିଛି । ଏଥିସହ ସେମାନେ କେମିତି ଆମ ସୀମା ଉପରେ କବଜା କରିବାକୁ ସାହସ କରିଛନ୍ତି ସେନେଇ ପ୍ରଶ୍ନ ଉଠାଇଛନ୍ତି । ମୃତ ଯବାନଙ୍କ ପରିବାର ବର୍ଗଙ୍କ ପ୍ରତି ସମବେଦନା ଜଣାଇ ରାହୁଲ କହିଛନ୍ତି, ସେମାନଙ୍କ ସହ ଆମେ ସମସ୍ତେ ଠିଆ ହୋଇଛୁ ।

Advertisment

ଅନ୍ୟପଟେ, ଭାରତ ଚୀନ୍ ସୀମାରେ ଉତେଜନା ପରେ ସହିଦ ହୋଇଥିବା ବୀର ଯବାନଙ୍କ ଉଦ୍ଦେଶ୍ୟରେ ଶ୍ରଦ୍ଧାଂଜଳି ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଜାତୀୟ ଏକତା ପାଇଁ କାମ କରି ସହିଦ ହୋଇଥିବା ଯବାନଙ୍କ ପାଇଁ ଗଭୀର ସମବେଦନା ଜଣାଇବା ସହ ଗଲୱାନ ଘାଟୀରେ ସହିଦ ହୋଇଥିବା ସାହସୀ ଯବାନଙ୍କୁ ସାଲ୍ୟୁଟ ବୋଲି ନିଜ ଟ୍ୱିଟରେ ଉଲ୍ଲେଖ କରିଛନ୍ତି ମୁଖ୍ୟମନ୍ତ୍ରୀ । ଏହାସହ ସହିଦଙ୍କ ପରିବାରକୁ ସମବେଦନା ଜଣାଇଛନ୍ତି ।

ଭାରତ-ଚୀନ ସୀମାରେ ଉତେଜନା ପରେ ଟ୍ୱିଟ କରିଛନ୍ତି ଅମିତାଭ ବଚ୍ଚନ । ବୀର ଜବାନଙ୍କ ବଳିଦାନରେ ଦେଶ ଦୁଃଖୀ ହୋଇଛି । ଏହି ସମୟରେ ସୁପରଷ୍ଟାର ଅମିତଭା ବଚ୍ଚନ ଜବାନଙ୍କ ନାଁରେ ଟ୍ୱିଟ କରିଛନ୍ତି । ଏଥିରେ ସେ ଲେଖିଛନ୍ତି, ଦେଶର ଯବାନମାନେ ଆମକୁ ଓ ଦେଶକୁ ସୁରକ୍ଷିତ ରଖିବା ଲାଗି ନିଜ ଜୀବନକୁ ବଳିଦାନ ଦେଇଛନ୍ତି । ଭାରତୀୟ ଯବାନ ଓ ଅଧିକାରୀଙ୍କୁ ସାଲ୍ୟୁଟ ।