ପଞ୍ଜାବରେ ମୋଦୀ ସରକାରକୁ ରାହୁଲଙ୍କ ତୀର । କହିଲେ, ସତ୍ତାକୁ ଆସିଲେ କୃଷି ଆଇନକୁ ରଦ୍ଦ କରିଦେବୁ ।
କନକ ବ୍ୟୁରୋ : କଂଗ୍ରେସ ନେତା ରାହୁଲ ଗାନ୍ଧୀ ପୁଣି କୃଷି ଆଇନ ବିରୋଧରେ ମୋଦୀ ସରକାରଙ୍କୁ ଟାର୍ଗେଟ କରିଛନ୍ତି । ପଞ୍ଜାବରେ ଆଜି ‘କ୍ଷେତି ବଚାଓ’ ଅଭିଯାନରେ ଯୋଗ ଦେଇ ରାହୁଲ କହିଛନ୍ତି କି, ଯଦି ତାଙ୍କ ସରକାର ସତ୍ତାକୁ ଆସେ ତେବେ ଏହି ୩ଟି ବିଲକୁ ରଦ୍ଦ କରିଦେବେ । ମୋଦୀ ସରକାର ଚାଷୀଙ୍କ ସହ ଇଂରେଜଙ୍କ ଭଳି ଆଚରଣ କରୁଛନ୍ତି ବୋଲି ସେ କହିଥିଲେ ।
Kanak News is now on WhatsApp
Join and get latest news updates delivered to you via WhatsApp
କୋଭିଡ ସମୟରେ କୃଷକମାନଙ୍କ ପାଇଁ ଏଭଳି ଆଇନ କଣ ପାଇଁ ଆସିଲା? ଯଦି ଆଇନ ଠିକ ତେବେ ତାକୁ ବିରୋଧ କାହିଁକି ହେଉଛି ବୋଲି ପ୍ରଶ୍ନ କରିଥିଲେ ରାହୁଲ । କରୋନା ସମୟରେ ମୋଦୀ ସରକାର ବଡ ବଡ ବ୍ୟବସାୟୀଙ୍କୁ ଟିକସ ଛାଡ କରିଥିଲେ, ହେଲେ ଗରିବଙ୍କ ପାଇଁ କିଛି କରିନଥିଲେ ବୋଲି କହିଥିଲେ ରାହୁଲ ।
ସେ ଆହୁରି ମଧ୍ୟ କହିଥିଲେ ଯେ, ସରକାର ମୋଦୀଙ୍କର ହେଲେ ତାକୁ ଚଲଉଛନ୍ତି ଅମ୍ବାନୀ ଆଉ ଆଦାନୀ । ଯେମିତି ଇଂରେଜମାନେ କୃଷକମାନଙ୍କୁ ଗୁଲାମ କରି ରଖିଥିଲେ । ଏ ସରକାର ମଧ୍ୟ ସେହିଭଳି କରୁଛି ।
କୃଷି ବିଲ ଆସିବା ପରଠୁ ବିରୋଧୀ ଦଳ ବାରମ୍ବାର ସରକାରଙ୍କୁ ଟାର୍ଗେଟ କରି ଆସୁଛି । ଏବେ ହାଥରସ ଘଟଣାକୁ ନେଇ ମଧ୍ୟ ରାହୁଲ ଗାନ୍ଧୀ ମୋଦୀ ସରକାରଙ୍କୁ ଘେରିଛନ୍ତି । ତେବେ ଏହି ସବୁ ଘଟଣାକୁ କେନ୍ଦ୍ର କରି ବିହାର ନିର୍ବାଚନରେ ଏବେ ବିଜେପିକୁ ଟାର୍ଗେଟ କରିପାରେ କଂଗ୍ରେସ ।