ସାମ୍ ପିଟ୍ରୋଡାଙ୍କ ବୟାନକୁ ନେଇ ବିବାଦ : ଅମିତ ଶାହ କହିଲେ, ରାହୁଲ ଗାନ୍ଧୀ କ୍ଷମା ମାଗନ୍ତୁ
କଂଗ୍ରେସ ନେତା ସାମ ପିଟ୍ରୋଡାଙ୍କ ପୁଲୱାମା ଆକ୍ରମଣକୁ ନେଇ ମୋଦି ସରକାରଙ୍କ କାର୍ଯ୍ୟାନୁଷ୍ଠାନ ଉପରେ ପ୍ରଶ୍ନକୁ ନେଇ ବିବାଦ ଜଟିଳ ହେବାରେ ଲାଗିଛି । ଏକ ସାମ୍ବାଦିକ ସମ୍ମିଳନୀରେ ବିଜେପି ରାଷ୍ଟ୍ରୀୟ ସଭାପତି ଅମିତ ଶାହ କହିଛନ୍ତି ଯେ, କଂଗ୍ରେସ ସହିଦ ଯବାନଙ୍କୁ ଅପମାନ କରୁଛି। କେବଳ ତାଙ୍କ ଦଳ ହିଁ ଦେଶର ସୁରକ୍ଷା ସୁନିଶ୍ଚିତ କରିପାରିବ ବୋଲି ଶାହ ଦୃଢ଼ୋକ୍ତି ବାଢ଼ିଛନ୍ତି। ପିଟ୍ରୋଡା ଦେଶର ସେନା ଓ ସହିଦ ପରିବାରକୁ ଅପମାନିତ କରିଥିବାରୁ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ କ୍ଷମା ମାଗନ୍ତୁ ବୋଲି ଶାହ ଦାବି କରିଛନ୍ତି।
Kanak News is now on WhatsApp
Join and get latest news updates delivered to you via WhatsApp
ପିଟ୍ରୋଡ଼ାଙ୍କ ବୟାନକୁ ନେଇ ଶନିବାର ଶାହ କଂଗ୍ରେସ ପ୍ରତି ଆକ୍ରମଣାତ୍ମକ ଆଭିମୁଖ୍ୟ ଗ୍ରହଣ କରିବା ସହ ସୁରକ୍ଷା ବାହିନୀର କାର୍ଯ୍ୟାନୁଷ୍ଠାନ ଉପରେ ଅପମାନଜନକ ବୟାନକୁ ଜନତା ବରଦାସ୍ତ କରିବେ ନାହିଁ ବୋଲି କହିଛନ୍ତି। ପିଟ୍ରୋଡ଼ା କହିଥିଲେ ଯେ, ପୁଲୱାମା ଆକ୍ରମଣ ଭଳି ଅନେକ ଆକ୍ରମଣ ହେଉଛି ଏବଂ ସେଥିପାଇଁ ପାକିସ୍ତାନକୁ ଦାୟୀ କରି କାର୍ଯ୍ୟାନୁଷ୍ଠାନ ଗ୍ରହଣ କରିବା ଉଚିତ ନଥିଲା। ଶାହ ପ୍ରଶ୍ନ କରିଛନ୍ତି ଯ. କଂଗ୍ରେସ ର୍କଣ ବିଶ୍ୱାସ କରୁଛି ଯେ ଦେଶରେ ଯେଉଁ ଆତଙ୍କବାଦୀ ଆକ୍ରମଣ ହେଉଛି ସେଥିପାଇଁ ପାକିସ୍ତାନ କିମ୍ବା ପାକିସ୍ତାନର ସେନା ଦାୟୀ ନୁହେଁ ? ତେଣୁ ରାହୁଲ ନିଜ ଦଳର ଆଭିମୁଖ୍ୟ ସ୍ପଷ୍ଟ କରନ୍ତୁ ବୋଲି ଶାହ କହିଛନ୍ତି।