କୃଷି ବିଲକୁ ନେଇ ଅସନ୍ତୁଷ୍ଟ ଜାହିର କଲେ ରାହୁଲ ଗାନ୍ଧୀ : କହିଲେ, କୃଷକଙ୍କୁ ସରକାର ଗୋଲାମ ବନାଉଛନ୍ତି ଦେଶ ବିଦେଶନ୍ୟୁଜ୍ By Kanak News Bureau On Sep 20, 2020 - 5:02 PM 1,464 Share କନକ ବ୍ୟୁରୋ : ଲୋକସଭାରେ ପାରିତ ହେବା ପରେ ରାଜ୍ୟସଭାରେ ପାରିତ ହୋଇସାରିଛି କୃଷି ବିଲ୍ । ହେଲେ ସଡକ ଠାରୁ ସଂସଦ ଯାଏ ଏହି ବିଲକୁ ବିରୋଧ କରାଯାଉଥିବା ଦେଖିବାକୁ ମିଳିଛି । ଏହି ବିଲକୁ ନେଇ କଂଗ୍ରେସର ପୂର୍ବ ଅଧ୍ୟକ୍ଷ ରାହୁଲ ଗାନ୍ଧୀ ବି ନିଜର ଅସନ୍ତୁଷ ଜାହିର କରିଛନ୍ତି । ସେ କହିଛନ୍ତି କି ଏହି ବିଲ ସହାୟତାରେ ମୋଦି ସରକାର କୃଷକ ମାନଙ୍କୁ ପୁଞ୍ଜିପତି ମାନଙ୍କର ଗୋଲାମ ବନାଇବାକୁ ଚାହୁଁଛନ୍ତି । Kanak News is now on WhatsApp Join and get latest news updates delivered to you via WhatsApp Join Now କୃଷି ବିଲକୁ ନେଇ ରାଜ୍ୟସଭାରେ ଯୁକ୍ତି ତର୍କ ଚାଲିଥିବା ବେଳେ ରାହୁଲ ଗାନ୍ଧୀ ତାଙ୍କ ଟ୍ୱିଟର ପେଜରେ ଲେଖିଛନ୍ତି କି ମୋଦିସରକାରଙ୍କ କୃଷି ବିରୋଧୀ କଳା କାନୁନ୍ କୃଷକ ମାନଙ୍କର କୃଷି ବଜାରକୁ ଶେଷ କରିଦେବ । କୃଷକର ବଜାର ଶେଷ ହୋଇଗଲେ କିଭଳି ମିଳିବ ସର୍ବନିମ୍ନ ସହାୟକ ଦର । ଏହି ବିଧେୟକରେ ସର୍ବନିମ୍ନ ସହାୟକ ମୂଲ୍ୟର ଗ୍ୟାରେଣ୍ଟି କାହିଁକି ରଖାଯାଇ ନାହିଁ ? । ଏହି ବିଲ୍ ମାଧ୍ୟମରେ ମୋଦିଜୀ କୃଷକ ମାନଙ୍କୁ ପୁଞ୍ଜିପତି ମାନଙ୍କର ଗୋଲାମ ବନାଇବାକୁ ଯାଉଛନ୍ତି । ଯାହାଦ୍ୱାରା ଦେଶକୁ କେବେ ସଫଳତା ମିଳିବ ନାହିଁ ବୋଲି ସେ ଲେଖିଛନ୍ତି । ଏହାସହ ନିର୍ବାଚନ ପୂର୍ବରୁ ନରେନ୍ଦ୍ର ମୋଦି କୃଷକ ମାନଙ୍କୁ ଯେଉଁ କଥା ଦେଇଥିଲେ କି ତାଙ୍କ ସରକାର ଆସିଲେ କୃଷକ ମାନଙ୍କର ଆୟ ଦ୍ୱିଗୁଣିତ ହେବ ତାହା ଉପରେ ନିସାନା ଲଗାଇଛନ୍ତି ରାହୁଲ ଗାନ୍ଧୀ । ସେ ଲେଖିଛନ୍ତି କି ମୋଦି କୃଷକ ମାନଙ୍କ ପାଇଁ ଯେଉଁ କଳା କାନୁନ ଆଣିବାକୁ ଯାଉଛନ୍ତି ତା ଦ୍ୱାରା କୃଷକ ମାନଙ୍କର ଆୟ ଦ୍ୱିଗୁଣିତ ହେବା ପରିବର୍ତ୍ତେ କୃଷକ, ଶ୍ରମିକ ମାନେ କେବଳ ଆର୍ଥିକ ଶୋଷଣରେ ଶିକାର ହେବେ । 1,464 Share FacebookTwitterGoogle+WhatsAppTelegramEmailPrint