ରାହୁଲଙ୍କୁ ନେଇ ଲାଲୁ ଯାଦବଙ୍କ ବଡ଼ ବୟାନ : କହିଲେ, କଂଗ୍ରେସ ଅଧ୍ୟକ୍ଷ ପଦରୁ ଇସ୍ତଫା ଦେବା ହେବ ଆତ୍ମଘାତୀ, ପଦ ଛାଡିଲେ ବିଜେପି ଟ୍ରାପରେ ପଡିଯିବେ ରାହୁଲ
ଲୋକସଭା ନିର୍ବାଚନର ଫଳାଫଳ ଆସିବା ପରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଇସ୍ତଫା ଉପସ୍ଥାପନ କରିଥିଲେ । ରାହୁଲଙ୍କ ଏହି ନିଷ୍ପତ୍ତିକୁ ରାଷ୍ଟ୍ରୀୟ ଜନତା ଦଳ ଅଧ୍ୟକ୍ଷ ଲାଲୁ ପ୍ରସାଦ ଯାଦବ ଆତ୍ମଘାତୀ କହିଛନ୍ତି । ବିହାରର ପୂର୍ବ ମୁଖ୍ୟମନ୍ତ୍ରୀ କହିଛନ୍ତି କି, ରାହୁଲଙ୍କ ଏହି ନିଷ୍ପତ୍ତି ଆତ୍ମଘାତୀ ସାବ୍ୟସ୍ତ ହୋଇପାରେ । ଚାରା ଦୁର୍ନୀତିର ଅନେକ ମାମଲାରେ ଝାରଖଣ୍ଡର ରାଂଚି ଜେଲରେ ଦଣ୍ଡ ଭୋଗୁଥିବା ଲାଲୁ ପ୍ରସାଦ ଯାଦବ ମଙ୍ଗଳବାର ଦିନ ଟ୍ୱିଟ୍ କରି କହିଛନ୍ତି କି, ରାହୁଲ ଗାନ୍ଧୀଙ୍କ ଇସ୍ତଫା ବିଜେପି ପାର୍ଟିର ଷଡଯନ୍ତ୍ରରେ ଫସିବା ଭଳି ହେବ ।
Kanak News is now on WhatsApp
Join and get latest news updates delivered to you via WhatsApp
ସେ କହିଛନ୍ତି, “ରାହୁଲ ଗାନ୍ଧୀଙ୍କ କଂଗ୍ରେସ ଅଧ୍ୟକ୍ଷ ପଦ ଛାଡିବା ପ୍ରସ୍ତାବ ନା କେବଳ ତାଙ୍କ ପାର୍ଟି ପାଇଁ ଆତ୍ମଘାତୀ ହେବ ବରଂ ଏହା ସେହି ସମସ୍ତ ସାମାଜିକ ଓ ରାଜନୈତିକ ଶକ୍ତି ପାଇଁ ମଧ୍ୟ ଝଟକା ହେବ, ଯେଉଁମାନେ ସଂଘ ପରିବାର ବିରୁଦ୍ଧରେ ଲଢ଼େଇ କରୁଛନ୍ତି ।” ସେ ନିଜ ଟ୍ୱିଟ୍ ସହିତ ଏକ ଇଂରାଜୀ ସମାଚାର ପତ୍ରର ଲିଙ୍କ ମଧ୍ୟ ପୋଷ୍ଟ କରିଛନ୍ତି । ଏବେ ଲାଲୁ ରାଂଚିର ରିମ୍ସ ହସପିଟାଲରେ ଭର୍ତ୍ତି ହୋଇଛନ୍ତି । ସେଠି ତାଙ୍କର ଚିକିତ୍ସା ଚାଲିଛି ।