ରାଫେଲ୍ ପ୍ରସଙ୍ଗରେ ମୋଦିଙ୍କୁ ଘେରିଲେ ରାହୁଲ ! କହିଲେ, ରାଫେଲ୍ ଆଣିବାରେ ବିଜେପି କରିଛି ବିଳମ୍ବ ।
କନକ ବ୍ୟୁରୋ : ରାଫେଲ ପ୍ରସଙ୍ଗକୁ ନେଇ ରାଜନୀତି ତେଜିବାରେ ଲାଗିଛି । ରାଫେଲକୁ ନେଇ ମୁହାଁମୁହିଁ ହୋଇଛନ୍ତି ଉଭୟ କଂଗ୍ରେସ ଓ ବିଜେପି । ଗତକାଲି ଇଣ୍ଡିଆ ଟୁଡେ କନକ୍ଲେଭରେ ଯୋଗ ଦେଇ ରାଫେଲ୍ ପ୍ରସଙ୍ଗ ଉଠାଇବା ସହ କଂଗ୍ରେସ ଉପରେ ବର୍ଷିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ମୋଦିଙ୍କ ସମାଲୋଚନାର ଜବାବ ରଖିଛନ୍ତି କଂଗ୍ରେସ ଅଧ୍ୟକ୍ଷ । ରାହୁଲ କହିଛନ୍ତି ରାଫେଲ୍ ଆଣିବାରେ ବିଜେପି ସରକାର ହିଁ ବିଳମ୍ବ କରିଛି । ତେବେ ଏନେଇ ଗତକାଲି ଟ୍ୱିଟ୍ କରି ପ୍ରଧାନମନ୍ତ୍ରୀଙ୍କୁ ଲାଜ ନାହିଁ ବୋଲି ପ୍ରଶ୍ନ କରିଥିଲେ ରାହୁଲ ।
Kanak News is now on WhatsApp
Join and get latest news updates delivered to you via WhatsApp
ରାହୁଲ କହିଛନ୍ତି, ମୋଦି ୩୦ ହଜାର କୋଟି ଟଙ୍କା ଚୋରି କରିଛନ୍ତି ଏବଂ ତାଙ୍କୁ ବନ୍ଧୁ ଅନିଲ ଅମ୍ବାନୀଙ୍କୁ ସେହି ଟଙ୍କା ଦେଇଛନ୍ତି । ଏବଂ ବିଜେପି ସରକାର ପାଇଁ ହିଁ ରାଫେଲ୍ ବିମାନ ଆସିବାରେ ବିଳମ୍ବ ହେଉଛି ବୋଲି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି କହିଛନ୍ତି । ଆଉ ସବୁଠାରୁ ବଡ କଥା ହେଉଛି, ମୋଦିଙ୍କ ପାଇଁ ଅଭିନନ୍ଦନଙ୍କ ଭଲି ବୀର ପାଇଲଟଙ୍କୁ ପୁରୁଣା ବିମାନ ଉଡାଇବା ସହ ନିଜ ଜୀବନକୁ ବିପଦରେ ପକାଇବାକୁ ପଡୁଛି ବୋଲି ପ୍ରଧାନମନ୍ତ୍ରୀଙ୍କୁ ସମାଲୋଚନା କରିଛନ୍ତି କଂଗ୍ରେସ ଅଧ୍ୟକ୍ଷ । ସୂଚନା ଅନୁଯାୟୀ, ବିଗତ କିଛି ମାସ ଧରି ରାଫେଲ୍ ପ୍ରସଙ୍ଗରେ ବିଜେପି ଏବଂ କଂଗ୍ରେସ ମୁହାଁମୁହିଁ ହେଉଛନ୍ତି । ରାଫେଲ୍ ଆସିବାରେ ହେଉଥିବା ବିଳମ୍ବ ପାଇଁ ଉଭୟ ଉଭୟଙ୍କୁ ଟାର୍ଗେଟ କରୁଛନ୍ତି ।