୯ ସେକେଣ୍ଡରେ ୧୩ ଥର ପୁସଅପ୍ସ ମାରିବା ସହ ଛାତ୍ରଛାତ୍ରୀଙ୍କ ସହ ଡ୍ୟାନ୍ସ କଲେ ରାହୁଲ । ସେପଟେ ଆସାମରେ ଆଦିବାସୀ ଡାନ୍ସ କଲେ ପ୍ରିୟଙ୍କା ଗାନ୍ଧୀ ।
କନକ ବ୍ୟୁରୋ: ତାମିଲନାଡୁରେ ନିର୍ବାଚନ ପ୍ରଚାର ବେଳେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ଭିନ୍ନ ଅନ୍ଦାଜ ଦେଖିବାକୁ ମିଳିଛି । କନ୍ୟାକୁମାରୀରେ ରୋଡ ସୋ କରିବା ପରେ ସେଟଂ ଜୋଶେଫ ସ୍କୁଲରେ ପହଁଚି ଛାତ୍ରଛାତ୍ରୀଙ୍କ ସହ କଥାବାର୍ତା ହୋଇଥିଲେ ରାହୁଲ । ଛାତ୍ରଛାତ୍ରୀଙ୍କୁ ସମ୍ବୋଧିତ କରିବା ପରେ ଜଣେ ଛାତ୍ରୀଙ୍କ ପୁସ୍ଅପ୍ସ ଚ୍ୟାଲେଞ୍ଜ ଗ୍ରହଣ କରିଥିଲେ । ଦଶମ ଶ୍ରେଣୀ ଛାତ୍ର ମେରୋଲିନ ସେନିଘାଙ୍କ ଠାରୁ ଚ୍ୟାଲେଞ୍ଜ ଗ୍ରହଣ କରି ୯ ସେକେଣ୍ଡରେ ୧୩ ଥର ପୁସଅପ୍ସ ମାରିଥିଲେ ରାହୁଲ ।
Kanak News is now on WhatsApp
Join and get latest news updates delivered to you via WhatsApp
ମଂଚ ଉପରେ ପୁସଅପ୍ସ ମାରିବା ପରେ ଗୋଟିଏ ହାତରେ ମଧ୍ୟ ପୁସଅପ୍ସ ମାରି ଫିଟନେସର ମନ୍ତ୍ର ଦେଇଥିଲେ ରାହୁଲ । କେବଳ ଏତିକି ନୁହେଁ ୯ ସେକେଣ୍ଡରେ ୧୩ ଥର ପୁସଅପ୍ସ କରି ଛାତ୍ରୀଙ୍କୁ ଗୋଟିଏ ହାତରେ ପୁସଅପ୍ସ କରିବା ପାଇଁ ପାଲଟା ଚ୍ୟାଲେଞ୍ଜ ଦେଇଥିଲେ । ପୁସଅପ୍ସ ସହ ରାହୁଲ ଆଇକିଡୋ ମଧ୍ୟ କରିଛନ୍ତି । ଗତ କିଛି ଦିନ ତଳେ କେରଳରେ ନିଜର ସିକ୍ସ ପ୍ୟାକ ଆବ୍ସ ମଧ୍ୟ ଦେଖାଇଥିଲେ ରାହୁଲ । କେରଳରେ ମତ୍ସଜୀବୀଙ୍କ ସହ ସମୁଦ୍ରକୁ ଯାଇ ତାଙ୍କ ସମସ୍ୟା ସମ୍ପର୍କରେ ଅବଗତ ହେବା ସହ ସମୁଦ୍ର ଭିତରେ ପହଂରିଥିଲେ । ନିର୍ବାଚନୀ ପ୍ରଚାର ବେଳେ ସାଧାରଣ ଲୋକଙ୍କ ସହ ଆଲୋଚନା କରିବା ସହ ତାଙ୍କ ସହ ମିଶି ଚା ପିଇବା ଓ ତାଳସଜ ଖାଇବା ପରି ଦୃଶ୍ୟ ଦେଖିବାକୁ ମିଳିଛି । ଆଗକୁ ନିର୍ବାଚନ ଥିବା ବେଳେ ଏବେ କଂଗ୍ରେସର ଫୋକସରେ ରହିଛି ଦକ୍ଷିଣ ଭାରତୀୟ ରାଜ୍ୟ । କେରଳ, ତାମିଲନାଡୁ ଓ ପୁଡୁଚେରୀରେ ରାହୁଲ ଗାନ୍ଧୀ ଜୋରଦାର ନିର୍ବାଚନ ପ୍ରଚାର କରୁଛନ୍ତି । ଏହି ସମୟରେ ତାଙ୍କ ଭିନ୍ନ ଅନ୍ଦାଜ ଦେଖିବାକୁ ମିଳୁଛି ।
ଅନ୍ୟପଟେ ସ୍କୁଲ ଛାତ୍ରଛାତ୍ରୀଙ୍କ ସହ କିଛି ସମୟ ପାଇଁ ପାଦରେ ପାଦ ମିଶାଇ ନୃତ୍ୟ ମଧ୍ୟ କରିଥିଲେ ରାହୁଲ । ସୋସିଆଲ ମିଡିଆରେ ରାହୁଲଙ୍କ ଏହି ଡ୍ୟାନ୍ସ ବେଶ ଧ୍ୟାନ ଆର୍କଷଣ କରିଛି । ରାହୁଲ ଗାନ୍ଧୀ ନିର୍ବାଚନୀ ପ୍ରଚାରରେ ବିରୋଧୀଙ୍କ ବିରୋଧରେ ବୟାନ ଦେଇ ଯେତିକି ଚର୍ଚ୍ଚାରେ ରହୁଛନ୍ତି ତାଠାରୁ ତାଙ୍କୁ ଅଧିକ ଚର୍ଚ୍ଚାରେ ରଖୁଛି ତାଙ୍କର ଡ୍ୟାନ୍ସ, ମତ୍ସ୍ୟଜୀବୀଙ୍କ ସହ ମାଛ ଧରିବା, ସମୁଦ୍ରରେ ପହଁରିବା ସହ ଏଭଳି ଅନେକ କିଛି ।
ଦକ୍ଷିଣରେ ରାହୁଲ ଗାନ୍ଧୀ ନିର୍ବାଚନ ପ୍ରଚାର କରୁଥିବା ବେଳେ ପୂର୍ବ ରାଜ୍ୟ ଆସାମରେ ଭୋଟରଙ୍କୁ ଆକୃଷ୍ଟ କରିବା ପାଇଁ ପ୍ରୟାସ ଚଳାଇଛନ୍ତି କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା । ଆସାମ ଗସ୍ତରେ ପ୍ରିୟଙ୍କା ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଇଛନ୍ତି । ଗୁଆହାଟୀରେ କାମାକ୍ଷ ମନ୍ଦିରରେ ପୂଜାର୍ଚ୍ଚନା କରିବା ପରେ ଲକ୍ଷ୍ମୀପୁରରେ ପହଁଚିଥିଲେ ପ୍ରିୟଙ୍କା । ଏହି ସମୟରେ ସେଠାକାର ଆଦିବାସୀଙ୍କ ସହ ପାରମ୍ପାରିକ ନୃତ୍ୟ ଝୁମୁର ଡ୍ୟାନ୍ସ କରିଥିଲେ ପ୍ରିୟଙ୍କା । ଆଦିବାସୀ ଯୁବତୀଙ୍କ ସହ ବେଶ କିଛି ସମୟ ଧରି ଡ୍ୟାନ୍ସ କରିଥିଲେ ପ୍ରିୟଙ୍କା ।