ଆସାମରେ ବିଜେପି ବିରୋଧରେ ଗର୍ଜିଲେ ରାହୁଲ । ୨ ଶହ ୟୁନିଟ୍ ମାଗଣା ବିଜୁଳି ,୫ ଲକ୍ଷ ରୋଜଗାର ଦେବାକୁ ଦେଲେ ପ୍ରତିଶ୍ରୁତି ।
କନକ ବ୍ୟୁରୋ: କଂଗ୍ରେସ ନେତା ରାହୁଲ ଗାନ୍ଧୀ ଆଜି ଆସାମର ଡିବ୍ରୁଗଡରେ ଜନସଭା କରିବା ସହିତ ବିଜେପି ଉପରେ ଟାର୍ଗେଟ କରିଛନ୍ତି । ଏଥିସହ ଆଗାମୀ ଆସାମ ନିର୍ବାଚନରେ ଯଦି କଂଗ୍ରେସ ସେଠାରେ ସରକାର ଗଠନ କରେ ତେବେ ତାଙ୍କ ସରକାର ସେଠାକାର ଲୋକଙ୍କୁ ୫ ଲକ୍ଷ ଚାକିରି ଦେବାକୁ ରାହୁଲ ଆଜି ପ୍ରତିଶ୍ରୁତି ଦେଇଛନ୍ତି । ଅନ୍ୟପଟେ ଆସାମରେ କଂଗ୍ରେସ ସରକାର ଗଢିଲେ, ସେଠାରେ କଦାପି ସିଏଏ ଲାଗୁ ହେବ ନାହିଁ ଏବଂ ସେଠାକାର ଲୋକଙ୍କୁ ସରକାର ୨ ଶହ ୟୁନିଟ୍ ଯାଏଁ ମାଗଣା ବିଜୁଳି ଦେବେ ବୋଲି ରାହୁଲ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
BJP promised Rs 351, but gives Rs 167 to Assam tea workers. I’m not Narendra Modi, I don’t lie. Today, we give you 5 guarantees; Rs 365 for tea workers, we’ll stand against CAA, 5 lakh jobs, 200 units free electricity &Rs 2000 for housewives: Congress MP Rahul Gandhi in Dibrugarh pic.twitter.com/48vCA5HLdK
— ANI (@ANI) March 19, 2021
ରାହୁଲ ଜନସଭାକୁ ସମ୍ବୋଧିତ କରି କହିଛନ୍ତି, ବିଜେପି ଚା ବଗିଚାରେ କାମ କରୁଥିବା ଲୋକଙ୍କୁ ୩୫୧ ଟଙ୍କା ଦେବାକୁ ଭରସା ଦେଇଥିଲା । ହେଲେ ଦେଲା ମାତ୍ର ୧୬୭ । ଏବେ କଂଗ୍ରେସ ଆସାମରେ ସରକାର ଗଠନ କଲେ ଚା ବଗିଚାରେ କାମ କରୁଥିବା ଲୋକଙ୍କୁ ୩୬୫ ଟଙ୍କା ଦିଆଯିବ । ଏଥିସହ ପ୍ରତି ଗୃହିଣୀଙ୍କୁ ୨ ହଜାର ଲେଖାଏଁ ଟଙ୍କା ଦିଆଯିବ ବୋଲି ରାହୁଲ କହିଛନ୍ତି ।
ବିଜେପି ଉପରେ ଟାର୍ଗେଟ କରି ରାହୁଲ ଆହୁରି ମଧ୍ୟ କହିଛନ୍ତି ଯେ, ମୋଦି ମେଡ୍ ଇନ୍ ଇଣ୍ଡିଆ କଥା କହିଥିଲେ, ହେଲେ ଆଜି ବି ମୋବାଇଲ୍ ଫୋନ ପଛରେ ମେଡ୍ ଇନ୍ ଚାଇନା ଲେଖା ଥିବା ଦେଖିବାକୁ ମିଳୁଛି । ବିଜେପି ଯୁବକମାନଙ୍କୁ ରୋଜଗାର ଦେବାରେ ସଫଳ ହୋଇନି । କେବଳ ସମାଜକୁ ବାଣ୍ଟିବାକୁ ବିଜେପି ଚେଷ୍ଟା କରୁଛି ବୋଲି ରାହୁଲ କହିଥିଲେ ।