ଥାନାରେ ଶୁଖିଗଲେଣି କଂଗ୍ରେସ ନେତା ପି.ଚିଦାମ୍ବରମ୍ ! ୩ ମାସରେ କମିଲା ୧୦ କିଲୋ ଓଜନ , ସାକ୍ଷାତ କରିବା ପାଇଁ ପହଁଚିଲେ ରାହୁଲ୍ ଏବଂ ପ୍ରିୟଙ୍କା
ଦଳୀୟ ସହକର୍ମୀ ଓ ପୂର୍ବତନ ଅର୍ଥମନ୍ତ୍ରୀ ପି.ଚିଦାମ୍ବରମଙ୍କୁ ଭେଟିବାକୁ କଂଗ୍ରେସ ନେତା ରାହୁଲ୍ ଗାନ୍ଧୀ ଓ ଭଉଣୀ ପ୍ରିୟଙ୍କା ଗାନ୍ଧୀ ଭଦ୍ରା ଦିଲ୍ଲୀର ତିହାର ଜେଲରେ ପହଞ୍ଚିଥିଲେ। କଂଗ୍ରେସ ସାମୟିକ ମୁଖ୍ୟ ସୋନିଆ ଗାନ୍ଧୀ ଏବଂ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ ଚିଦାମ୍ବରମଙ୍କୁ ଭେଟିବାର ପ୍ରାୟ ମାସକ ପରେ ରାହୁଲ୍ ଓ ପ୍ରିୟଙ୍କା ତାଙ୍କୁ ଭେଟିବାକୁ ଆସିଥିଲେ।
Kanak News is now on WhatsApp
Join and get latest news updates delivered to you via WhatsApp
ଆଇଏନଏକ୍ସ ଗଣମାଧ୍ୟମ ମାମଲାରେ ଜାମିନ ଅଗ୍ରାହ୍ୟ କରି ଦିଲ୍ଲୀ ହାଇକୋର୍ଟଙ୍କ ବିରୋଧରେ ଚ୍ୟାଲେଞ୍ଜ୍ କରିଥିବା ପି.ଚିଦାମ୍ବରମଙ୍କ ଆବେଦନର ଆଜି ସୁପ୍ରିମ୍ କୋର୍ଟ ଶୁଣାଣି କରିବେ। ପ୍ରବର୍ତ୍ତନ ନିର୍ଦ୍ଦେଶାଳୟର ପ୍ରତିନିଧିତ୍ୱ କରୁଥିବା ସଲିସିଟର୍ ଜେନେରାଲ୍ ତୁଷାର ମେହେଟା ଅନ୍ୟ ଏକ ଖଣ୍ଡପୀଠରେ ଯୁକ୍ତି କରିବାରେ ବ୍ୟସ୍ତ ଥିବାରୁ ଜଷ୍ଟିସ୍ ଆର୍ ବାନୁମତୀଙ୍କ ନେତୃତ୍ୱାଧୀନ ଖଣ୍ଡପୀଠ ମଙ୍ଗଳବାର ଦିନ ଏହି ମାମଲାକୁ ନଭେମ୍ବର ୨୭ ତାରିଖ ନିମନ୍ତେ ପୋଷ୍ଟ୍ କରିଥିଲେ।
୭୪ ବର୍ଷିୟ ଚିଦାମ୍ବରମଙ୍କ ଜେଲ୍ ରହଣି ୯୦ ଦିନରୁ ଅଧିକ ହୋଇଯାଇଥିବା ଦର୍ଶାଇ ତାଙ୍କ ଓକିଲ କପିଳ ସିବଲ କହିଲେ, ଅଦାଲତ ଅଧିକ ମୁଲତବୀକୁ ଅନୁମତି ନ ଦେଉ। ଦଳୀୟ ନେତାମାନଙ୍କ କହିବା ଅନୁସାରେ, ଏକାଧିକ ରୋଗରେ ରୋଗାକ୍ରାନ୍ତ ଚିଦାମ୍ବରମ୍ ଙ୍କ ସ୍ୱାସ୍ଥ୍ୟବସ୍ତା ଖରାପ ହେଲାଣି ସେ ୩ ମାସ ମଧ୍ୟରେ ୧୦ କିଲୋ ଓଜନ କମି ଗଲେଣି।