ପୁଣି କଂଗ୍ରେସର ମଙ୍ଗ ଧରିବେ କି ରାହୁଲ ଗାନ୍ଧୀ? ଦିଲ୍ଲୀର ୧୦ ନଂବର ଜନପଥରେ ଦଳର ମାନସ ମନ୍ଥନ; ବରିଷ୍ଠ ନେତା କହିଲେ ରାହୁଲଙ୍କୁ ଦଳର ଦାୟିତ୍ୱ ଦିଆଯାଉ

କନକ ବ୍ୟୁରୋ: ପୁଣି ଥରେ କଂଗ୍ରେସର ମଙ୍ଗ ସମ୍ଭାଲିବେ ରାହୁଲ ଗାନ୍ଧୀ । ଗୋଟିଏ ପରେ ଗୋଟିଏ ନିର୍ବାଚନରେ ପରାଜୟ ପରେ ନୂଆ ରଣନୀତି ପ୍ରସ୍ତୁତି ଓ ଅସନ୍ତୁଷ୍ଟ ନେତାଙ୍କୁ ମନାଇବା ପାଇଁ ବୈଠକ କରିଥିଲେ ସୋନିଆ ଗାନ୍ଧୀ । ଦିଲ୍ଲୀ ୧୦ ନଂବର ଜନପଥରେ ହୋଇଥିବା ବୈଠକରେ ବରିଷ୍ଠ କଂଗ୍ରେସ ନେତା ସାମିଲ ହୋଇଥିଲେ । ବୈଠକରେ ପୁଣି ରାହୁଲ ଗାନ୍ଧୀଙ୍କୁ ଅଧ୍ୟ କ୍ଷ କରିବାକୁ ଦାବି ହୋଇଥିଲା । ଅନ୍ୟପଟେ ଅସନ୍ତୁଷ୍ଟ ନେତା ନିବ ର୍ାଚନ ସପ କ୍ଷରେ ଯୁକ୍ତି ବାଢିଥିବା ଜଣାପଡିଛି । ରାହୁଲ ଗାନ୍ଧୀ ବୈଠକରେ କହିଛନ୍ତି ଦଳ ତାଙ୍କୁ ଯାହା ଦାୟିତ୍ୱ ଦେବ, ତୁଳାଇବେ । ରାହୁଲଙ୍କ ଏହି ବୟାନ ପରେ ସେ ପୁଣି ଥରେ ଦଳର କମାଣ ସମ୍ଭାଳିବେ ବୋଲି ଚର୍ଚ୍ଚା ଚାଲିଛି ।

ପ୍ରାୟ ୫ ଘଂଟାରୁ ଅଧିକ ସମୟ ଧରି ଦିଲ୍ଲୀରେ ୧୦ ଜନପଥରେ ଥିବା ସୋନିଆଙ୍କ ବାସଭବନରେ ବସିଥିଲା କଂଗ୍ରେସର ଅସନ୍ତୁଷ୍ଟ ନେତାଙ୍କ ବୈଠକ । ବୈଠକରେ ସାମିଲ ହୋଇଥିଲେ ଦଳର ୨୩ ପ୍ରମୁଖ ଅସନ୍ତୁଷ୍ଟ ନେତା । ଆଉ ସମସ୍ତ ଅସନ୍ତୁଷ୍ଟଙ୍କ କଥାକୁ ଧୀର ସ୍ଥିର ଭାବରେ ଶୁଣିଥିଲେ ସୋନିଆ । ଯାହାର ଯାହା କହିବାର ଅଛି, ଯେଉଁ ନେତା ଯାହା ବି ପରାମର୍ଶ ଦେଇଛନ୍ତି ସବୁକୁ ଲେଖି ରଖିଛନ୍ତି ସୋନିଆ । ବୈଠକ ସରିବା ପରେ ଗଣମାଧ୍ୟମକୁ ବୈଠକ ସମ୍ପର୍କରେ ସୂଚନା ଦେଇଥିଲେ ଦଳର ବରିଷ୍ଠ ନେତା ହରିଶ ରାୱାତ, ପୃଥ୍ୱୀରାଜ ଚଭନ ପ୍ରମୁଖ । ଚାଷୀ ପ୍ରସଙ୍ଗରୁ ନେଇ ୨୦୨୧ରେ କିଛି ରାଜ୍ୟରେ ହେବାକୁ ଥିବା ବିଧାନସଭା ନିର୍ବାଚନ ଯାଏଁ ଦଳ ସବୁ ପ୍ରସଙ୍ଗରେ ଚର୍ଚା କରିଥିବା କହିଛନ୍ତି ଚଭନ । ଆଗକୁ ଏହିପରି ବୈଠକ ବସିବ । ଦଳ ଭିତରେ ଥିବା ସମସ୍ତ ଅସନ୍ତୋଷକୁ ଦୂର କରି ନୂଆ ରଣନୀତିରେ ଆଗକୁ ବଢିବ ଦଳ ।

ସୋନିଆଙ୍କ ଏହି ଜି ୨୩ ବୈଠକରେ ଆଲୋଚନାର ପ୍ରମୁଖ ପ୍ରସଙ୍ଗ ଭିତରେ ରହିଥିଲା ସୋନିଆଙ୍କ ପରେ କାହା ହାତକୁ ଯିବ ନେତୃତ୍ୱ । ଆଗକୁ ୨୦୨୧ରେ ତାମିଲନାଡୁ, କେରଳ, ପଶ୍ଚିମବଙ୍ଗ, ପୁଡୁଚେରୀ ଏବଂ ଆସାମରେ ହେବ ବିଧାନସଭା ନିର୍ବାଚନ । ଅସନ୍ତୁଷ୍ଟ ନେତୃତ୍ୱ ରାହୁଲଙ୍କ ହାତକୁ ଆଗାମୀ ନେତୃତ୍ୱ ଦେବାକୁ ଇସାରା କରିଥିବା ଜଣାପଡିଛି । ଏହି ପରି ଏକାଧିକ ବୈଠକ କରି ସୋନିଆ ଦଳ ଭିତରେ ଅସନ୍ତୁଷ୍ଟଙ୍କୁ ମନାଇବାକୁ ଉଦ୍ୟମ କରିବେ ବୋଲି ଜଣାପଡିଛି ।