କନକ ବ୍ୟୁରୋ : କେରଳ ୱାଇନାଡରୁ ସାଂସଦ ଥିବା ରାହୁଲ ଗାନ୍ଧୀଙ୍କ ପାଇଁ ଅଡୁଆ କମିବାର ନାଁ ନେଉନି । ମୋଦୀ ସାଙ୍ଗିଆକୁ ନେଇ ଦେଇଥିବା ବୟାନ ଉପରେ ପ୍ରଥମେ ସୁରତ କୋର୍ଟ ରାହୁଲଙ୍କୁ ଦୋଷୀ ସାବ୍ୟସ୍ତ କରି ୨ ବର୍ଷ ଜେଲ ଦଣ୍ଡରେ ଦଣ୍ଡିତ କରିଥିଲା । ଏହାର କିଛି ସମୟ ପରେ ରାହୁଲ ଗାନ୍ଧୀଙ୍କୁ ଜାମିନ ମିଳିଯାଇଥିଲା । ହେଲେ କୋର୍ଟଙ୍କ ଦଣ୍ଡବିଧାନ କ୍ରମରେ ସଂସଦ ସଚିବାଳୟ ପକ୍ଷରୁ ରାହୁଲଙ୍କ ସାଂସଦ ପଦ ରଦ୍ଦ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଯଦି ଆମେ ଇତିହାସକୁ ନଜର ପକାଇବା ତେବେ ଗାନ୍ଧୀ ପରିବାରର କେବଳ ରାହୁଲ ଗାନ୍ଧୀ ନୁହଁନ୍ତି ତାଙ୍କ ପୂର୍ବରୁ ତାଙ୍କ ମା’ସୋନିଆ ଗାନ୍ଧୀ ଓ ଜେଜେ ମା’ ଇନ୍ଦିରା ଗାନ୍ଧୀଙ୍କର ମଧ୍ୟ ସଂସଦ ସଦସ୍ୟତା ପଦ ରଦ୍ଦ ହୋଇଥିଲା । ହେଲେ ଏକ ସମୟ ଏଭଳି ଥିଲା କି ଇନ୍ଦିରା ଗାନ୍ଧୀଙ୍କ ସାଂସଦ ପଦ ରଦ୍ଦ ହେବା ତାଙ୍କପାଇଁ ଶୁଭଙ୍କର ହୋଇଥିଲା ।
ଇନ୍ଦିରା ଗାନ୍ଧୀଙ୍କ ସଦସ୍ୟତା ରଦ୍ଦ ହେବା ପୂର୍ବରୁ ବିରୋଧୀଦଳମାନେ ଏକଜୁଟ ହୋଇଥିଲେ । ଇନ୍ଦିରା ଗାନ୍ଧୀ ସରକାରୀ କର୍ମଚାରୀଙ୍କୁ ଅପମାନିତ କରିବା ଓ ନିଜ ପଦର ଦୂରୋପଯୋଗ କରିବା ମାମଲାରେ ସେତେବେଳେ ପ୍ରଧାନମନ୍ତ୍ରୀ ମୋରାଜୀ ଦେଶାଇ ଇନ୍ଦିରା ଗାନ୍ଧୀଙ୍କ ବିରୋଧରେ ପ୍ରସ୍ତାବ ଆଣିଥିଲେ । ୭ଦିନର ଆଲୋଚନା ପରେ ଇନ୍ଦିରା ଗାନ୍ଧୀଙ୍କ ବିରୋଧରେ ବିଶେଷଅଧିକାର ସମିତି ଗଠନ କରାଯାଇଥିଲା । ଏହି କମିଟି ଯାଞ୍ଚ ରିପୋର୍ଟରେ ଦର୍ଶାଇଥିଲା କି ଇନ୍ଦିରାଙ୍କ ବିରୋଧରେ ଆସିଥିବା ଅଭିଯୋଗ ସତ୍ୟ ଅଟେ । ଏହାପରେ ଇନ୍ଦିରା ଗାନ୍ଧୀଙ୍କ ସାଂସଦ ପଦ ରଦ୍ଦ ହୋଇଥିଲା ।
ସେହିଭଳି ୨୦୦୬ ମସିହାରେ ସୋନିଆ ଗାନ୍ଧୀଙ୍କୁ ମଧ୍ୟ ସମାନ ଅବସ୍ଥା ଭୋଗିବାକୁ ପଡିଥିଲା । ସେ ସାଂସଦ ଥାଇ ଏକ ଲାଭଜନକ ପଦବୀରେ ଥିବା ଅଭିଯୋଗରେ ତାଙ୍କ ସଦସ୍ୟତା ରଦ୍ଦ ହୋଇଥିଲା । ସେତେବେଳେ ସୋନିଆ ଗାନ୍ଧୀ ରାଏବରେଲୀରୁ ସାଂସଦ ଥିଲେ ଓ ୟୁପିଏ ସରକାର ସମୟରେ ଗଠିତ ରାଷ୍ଟ୍ରୀୟ ପରାମର୍ଶଦାତା ପରିଷଦର ଚେୟାରମ୍ୟାନ ମଧ୍ୟ ଥିଲେ । ଏହି କାରଣରୁ ସୋନିଆ ଗାନ୍ଧୀଙ୍କୁ ଲୋକସଭା ସଦସ୍ୟତା ପଦରୁ ଇସ୍ତଫା ଦେବାକୁ ପଡିଥିଲା ।