ଚର୍ଚ୍ଚାରେ ରାହୁଲଙ୍କ ଏହି ଆବ୍ସ ଏବଂ ବାଇସେପ୍ସ ଫଟୋ । ସୋସିଆଲ ମିଡିଆରେ ହେଉଛି ଭାଇରାଲ, ଅନେକ ନେତା-ମନ୍ତ୍ରୀ କରୁଛନ୍ତି ପ୍ରଶଂସା
ଗତ କିଛିଦିନ ତଳେ କଂଗ୍ରେସ ନେତା ରାହୁଲ ଗାନ୍ଧି ସମୁଦ୍ରରେ ମତ୍ସ୍ୟଜୀବିଙ୍କ ସହ ପହଁରୁଥିବାର ନଜର ଆସିଥିଲେ । ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଥିଲା । ଆଉ ଏବେ ରାହୁଲ ଗାନ୍ଧିଙ୍କ ଆଉ ଏକ ଫଟୋ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ଯେଉଁ ଫଟୋରେ ରାହୁଲଙ୍କ ବାଇସେପ୍ସ ଏବଂ ଆବ୍ସକୁ ନେଇ ଚର୍ଚ୍ଚା ଜୋର ଧରିଛି । କଂଗ୍ରସର ଅନେକ ନେତା ଏହି ଫଟୋକୁ ସେୟାର କରି ରାହୁଲଙ୍କ ପ୍ରଶଂସା କରିଛନ୍ତି । ଏବଂ ତାଙ୍କୁ ଭାରତର ସବୁଠୁ ଫିଟ୍ ନେତା ବୋଲି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କଂଗ୍ରେସର ପୂର୍ବତ୍ତନ ସାଂସଦ ଏବଂ ମନ୍ତ୍ରୀ ରାଜୀବ ଶୁକ୍ଳା ଏହି ଫଟୋକୁ ଟ୍ୱିଟରରେ ସେୟାର କରି ଲେଖିଛନ୍ତି, ଏହି ଫଟୋକୁ ଭଲରେ ଦେଖନ୍ତୁ, ରାହୁଲ ଗାନ୍ଧିଙ୍କର ବି ଆବ୍ସ ଅଛି ।
ସେହିଭଳି କଂଗ୍ରେସ ନେତା ବିଜେନ୍ଦ୍ର ସିଂ ଫଟୋକୁ ସେୟାର କରି ଲେଖିଛନ୍ତି, ଜଣେ ବକ୍ସର ଆବ୍ସ ଯେଉଁଭଳି, ରାହୁଲ ଗାନ୍ଧିଙ୍କ ଆବ୍ସ ଠିକ୍ ସେହିଭଳି ଅଛି । ରାହୁଲ ଗାନ୍ଧି ହେଉଛନ୍ତି ଜଣେ ସାହସୀ ଯୁବ ନେତା ।
କୁହାଯାଉଛି ରାହୁଲ ଗାନ୍ଧି କାହାକୁ କିଛି ନକହି ହଠାତ୍ ସମୁଦ୍ରକୁ ଡେଇଁପଡିଥିଲେ । ଯାହାକୁ ନେଇ ତାଙ୍କର ସୁରକ୍ଷାକର୍ମୀ ମଧ୍ୟ ଡରିଯାଇଥିଲେ । ଆଉ ଏହି ଫଟୋ ସେହି ସମୟର, ଯେଉଁ ସମୟରେ ରାହୁଲ ଗାନ୍ଧି ମତ୍ସ୍ୟଜୀବିଙ୍କ ସହ ସମୁଦ୍ରରେ ପହଁରୁଥିଲେ । ରାହୁଲ ଗାନ୍ଧି ଅଚାନକ ସମୁଦ୍ରକୁ ଡେଇଁପଡି ମତ୍ସ୍ୟଜୀବିଙ୍କ ସହ ପହଁରିଥିଲେ । ଯାହାକୁ ନେଇ ମତ୍ସ୍ୟଜୀବିମାନେ ବେଶ୍ ଖୁସି ବ୍ୟକ୍ତ କରିଥିଲେ ।