ସଦସ୍ୟତା ରଦ୍ଦ ପରେ ସଂସଦରେ ରାହୁଲ ଗାନ୍ଧୀ। ଦଳୀୟ ନେତାଙ୍କ ବୈଠକରେ ସାମିଲ।
କନକ ବ୍ୟୁରୋ: ରାହୁଲ ଗାନ୍ଧୀଙ୍କ ସଦସ୍ୟତା ରଦ୍ଦ ହେବା ପରେ ରାଜନୀତି ସରଗରମ ରହିଛି । ଉଭୟ ବିଜେପି ଓ କଂଗ୍ରେସ ପରସ୍ପର ଉପରକୁ ଆରୋପ ପ୍ରତ୍ୟାରୋପ ଲଗାଉଛନ୍ତି । ଲୋକସଭାରୁ ଅଯୋଗ୍ୟ ଘୋଷିତ ହେବା ପରେ ରାହୁଲ ଗାନ୍ଧୀ ପ୍ରଥମଥର ସଂସଦରେ ପହଞ୍ଚିନ୍ତି । ରାହୁଲ ଗାନ୍ଧୀ ସିପିପି କାର୍ଯ୍ୟାଳୟରେ ଲୋକସଭା ଓ ରାଜ୍ୟସଭାର କଂଗ୍ରେସ ସାଂସଦଙ୍କ ସହ ବୈଠକରେ ସାମିଲ ହୋଇଛନ୍ତି । ସେଠାରେ ପ୍ରାୟ ୨୦ ମିନିଟ୍ ଧରି ରାହୁଲ ରହିଥିଲେ । ପରେ ନିଜ ମା’ ଓ କଂଗ୍ରେସ ସଂସଦୀୟ ଦଳର ମୁଖ୍ୟ ସୋନିଆ ଗାନ୍ଧୀଙ୍କ ସହ ସେଠାରୁ ଚାଲିଆସିଥିଲେ । ସେପଟେ ସୁରତ ସେସନ୍ସ କୋର୍ଟଙ୍କ ନିଷ୍ପତିକୁ ଚ୍ୟାଲେଞ୍ଜ କରିବେ ରାହୁଲ ଗାନ୍ଧୀ । ଆଗାମୀ ୪୮ ଘଣ୍ଟା ଭିତରେ ରାହୁଲ ଗାନ୍ଧୀ ସୁରତ କୋର୍ଟରେ ଆବେଦନ ଦାଖଲ କରିବା ନେଇ ସୂଚନା ରହିଛି ।
Kanak News is now on WhatsApp
Join and get latest news updates delivered to you via WhatsApp
ଏହାରି ଭିତରେ ରାହୁଲ ଗାନ୍ଧୀ ସାବରକର ବିବାଦକୁ ନେଇ ଶିବସେନା ଉଦ୍ଧବ ଗୋଷ୍ଠୀର ନେତା ସଂଜୟ ରାଉତଙ୍କୁ ଭେଟିଛନ୍ତି । ରାହୁଲ ଓ ସୋନିଆଙ୍କ ସହ ସାକ୍ଷାତ ନେଇ ସଂଜୟ ଟ୍ୱିଟ୍ କରିଛନ୍ତି । ଆଉ ଲେଖିଛନ୍ତି, ସୋନିଆ ଓ ରାହୁଲ ଗାନ୍ଧୀଙ୍କ ସହ ଆଲୋଚନା କରିଛି । ଅନେକ ଗୁରୁତ୍ୱପୂର୍ଣ୍ଣ ବିଷୟରେ ଆଲୋଚନା ହୋଇଛି । ଏବେ ସବୁକିଛି ଠିକ ଅଛି । ଚିନ୍ତା କରିବାର କୌଣସି ଆବଶ୍ୟକ ନାହିଁ । ରାହୁଲ ଗାନ୍ଧୀଙ୍କ ଦ୍ୱାରା ସାବରକର ମନ୍ତବ୍ୟକୁ ନେଇ ମହାବିକାଶ ଅଘାଡ଼ି ମେଣ୍ଟରେ ଅସନ୍ତୋଷ ଦେଖା ଦେଇଥିଲା । ତେବେ ଏନସିପି ମୁଖ୍ୟ ଶରଦ ପାୱାରଙ୍କ ହସ୍ତକ୍ଷେପ ପରେ କଂଗ୍ରେସ ନେତାଙ୍କୁ ଏ ପ୍ରସଙ୍ଗରେ ପରାମର୍ଶ ଦେଇଥିଲେ । ଆଉ ପାୱାରଙ୍କ ବୁଝାସୁଝା ପରେ ରାହୁଲ ପରବର୍ତୀ ସମୟରେ ସାବରକରଙ୍କ ବିଷୟରେ କୌଣସି ମନ୍ତବ୍ୟ ଦେବେ ବୋଲି କହିଛନ୍ତି ।
ରାହୁଲଙ୍କ ସହ କଂଗ୍ରେସର ପୂର୍ବତନ ଅଧ୍ୟକ୍ଷା ସୋନିଆ ଗାନ୍ଧୀ ଉପସ୍ଥିତ ଥିଲେ । କଂଗ୍ରେସ ସାଂସଦ ମଣିକମ ଟାଗୋର ବୁଧବାର ଲୋକସଭାରେ ଆଦାନୀ ପ୍ରସଙ୍ଗ ଓ ରାହୁଲଙ୍କ ସଦସ୍ୟତା ରଦ୍ଦ ପ୍ରସଙ୍ଗରେ ମୁଲତବୀ ଆଗତ କରିଥିଲେ ।