ହିନ୍ଦୁସ୍ତାନ ଜେଲରେ ବନ୍ଦୀ ଥିବା ମାସୁଦ୍ ଆଜହରକୁ ପାକିସ୍ତାନ ପଠାଇଲା କିଏ ? ବିଜେପିକୁ ଟାର୍ଗେଟ୍ କରି କିଛି ଏମିତି ପ୍ରଶ୍ନ ପଚାରିଲେ ରାହୁଲ ଗାନ୍ଧି ।
କନକ ବ୍ୟୁରୋ : ୨୦୧୯ ନିର୍ବାଚନ ଯେତିକି ପାଖେଇ ପାଖେଇ ଆସୁଛି, ନେତାଙ୍କ ମଧ୍ୟରେ ଆରୋପ ପ୍ରତ୍ୟାରୋପର ରାଜନୀତି ସେତିକି ବଢିବାରେ ଲାଗିଛି । ବିଶେଷ କରି ବିଭିନ୍ନ ମୁଦ୍ଦାକୁ ପ୍ରସଙ୍ଗ କରି କେନ୍ଦ୍ରର ମୋଦି ସରକାରଙ୍କୁ ଟାର୍ଗେଟ କରୁଛି କଂଗ୍ରେସ । କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି, ଆତଙ୍କୀ ସଂଗଠନ ଜୈସ-ଏ-ମହମ୍ମଦକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ବିଜେପି ନେତୃତ୍ୱ ଉପରେ ପ୍ରଶ୍ନ ଉଠାଇଛନ୍ତି । ରାହୁଲ ପ୍ରଶ୍ନ କରିଛନ୍ତି ଯେ, ଭାରତ ଜେଲରେ ବନ୍ଦୀ ଥିବା ମାସୁଦ୍ ଅଜହରକୁ କିଏ ମୁକ୍ତ କଲା ? ରାହୁଲ କହିଛନ୍ତି, ଯେତେବେଳେ ମୋଦି ପୁଲୱାମା ଘଟଣା ସମ୍ପର୍କରେ କହୁଛନ୍ତି, ସେତେବେଳେ ଦେଶବାସୀଙ୍କୁ କାହିଁକି କହୁ ନାହାନ୍ତି ଯେ, ଏହି ଆତଙ୍କୀ ହମଲାର ମାଷ୍ଟରମାଇଣ୍ଡ ମୌଲାନା ମାସୁଦ୍ ଅଜହରକୁ ବିଜେପି ଦଳର ନେତା ପାକିସ୍ତାନରେ ଛାଡିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କର୍ଣ୍ଣାଟକର ହାବେରୀ ଠାରେ ଆୟୋଜିତ ଏକ ଜନସଭାକୁ ସମ୍ବୋଧିତ କରି, ବିଜେପି ନେତୃତ୍ୱକୁ ନେଇ ଅନେକ ପ୍ରଶ୍ନ ଉଠାଇଛନ୍ତି କଂଗ୍ରେସ ଅଧ୍ୟକ୍ଷ । ସେ କହିଛନ୍ତି, ପୁଲୱାମା ଆତଙ୍କବାଦୀ ଆକ୍ରମଣରେ ୪୦ ଜଣ ଯବାନ ସହିଦ ହୋଇଥିଲେ । ଆଉ ଏହି ଘଟଣାର ମାଷ୍ଟରମାଇଣ୍ଡ ଥିଲା ଜୈସ-ଏ-ସଂଗଠନର ମୁଖ୍ୟ ମାସୁଦ ଆଜହର । ଆଉ ଏହାକୁ ନେଇ ବିଜେପିକୁ ରାହୁଲ ଗାନ୍ଧି ପ୍ରଶ୍ନ କରିଛନ୍ତି ଯେ, ମାସୁଦ ଆଜହର ହିନ୍ଦୁସ୍ତାନ ଜେଲରୁ ପାକିସ୍ତାନକୁ ଗଲା କେମିତି । ଦର୍ଶକଙ୍କ ତାଳି ମଧ୍ୟରେ ଉତ୍ସାହିତ ନଜର ଆସୁତିବା ରାହୁଲ ଆହୁରି କହିଥିଲେ ଯେ, ଯେଉଁ ଜାହାଜରେ ମାସୁଦ ଆଜହରକୁ କାନ୍ଦାହାର ପଠାଯାଇଥିଲା, ସେହି ଜାହାଜରେ ଜସବନ୍ତ ସିଂହ ଏବଂ ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ମଧ୍ୟ ରହିଥିଲେ । ଏପରିକି ଇଣ୍ଟରନେଟରେ କାନ୍ଦାର ବିମାନବନ୍ଦରରେ ମାସୁଦ ଆଜହର ସହ ଅଜିତ ଡୋଭାଲଙ୍କ ଫଟୋ ରହିଥିବା ମଧ୍ୟ କଂଗ୍ରେସ ଅଧ୍ୟକ୍ଷ କହିଛନ୍ତି ।