କନକ ବ୍ୟୁରୋ : ରାଫେଲ ଡିଲର ଯାଂଚ କରିବେ ଫ୍ରାନ୍ସ ସରକାର । ଏନେଇ ସରକାରଙ୍କ ପକ୍ଷରୁ ଜଣେ ସ୍ୱତନ୍ତ୍ର ଜଜ୍ ନିଯୁକ୍ତ କରାଯାଇଛି । ଫ୍ରାନ୍ସର ପବ୍ଲିକ ପ୍ରସିକ୍ୟୁଟର ସର୍ଭିସେଜ (ପିଏନଏଫ) ର ଫାଇନାନସିଆଲ କ୍ରାଇମବ୍ରାଞ୍ଚ କହିଛି କି ରାଫେଲ ଡିଲକୁ ନେଇ ଉଠିଥିବା ଦୁର୍ନୀତି ଓ ପକ୍ଷପାତିତା ଉପରେ ଯାଂଚ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ଫ୍ରାନ୍ସ ଏମିତି ସମୟରେ ରାଫେଲ ଡିଲ ଉପରେ ଯାଂଚ ନିର୍ଦ୍ଦେଶ ଦେଇଛି ଯେତେବେଳେ କି, ଫ୍ରାନ୍ସର ସେରପା ନାମରେ ଏକ ବେସରକାରୀ ସେବା ସଂସ୍ଥା ରାଫେଲ ଡିଲକୁ ନେଇ ଅଭିଯୋଗ ଆଣିଥିଲା ଓ ଫ୍ରେଞ୍ଚ ପବ୍ଲିକସେନ ମିଡିଆ ପାର୍ଟ ଏନେଇ ବାରମ୍ବାର ରିପୋର୍ଟ ପ୍ରକାଶ କରିଥିଲା । କହିରଖୁ କି ରାଫେଲ ଡିଲରେ ଦୁର୍ନୀତି ହୋଇଥିବା ନେଇ ୨୦୧୮ ମସିହାରେ ସେରପା ଅଭିଯୋଗ ଆଣିଥିଲା । ମାତ୍ର ପିଏନଏଫ୍ ଏହାକୁ ଖାରଜ କରିଦେଇଥିଲା । ସୂଚନା ଥାଉକି ରାଫେଲ ଯୁଦ୍ଧ ବିମାନର ଡିଲ ୭.୮ ବିଲିୟନ ୟୁରୋ ।
ଶୁକ୍ରବାର ଦିନ ଫ୍ରେଞ୍ଚ ପବ୍ଲିକେସନ ମିଡିଆପାର୍ଟ କହିଥିଲା କି ଜୁନ ୧୪ ତାରିଖରେ ଜଣେ ମାଜିଷ୍ଟେଟଙ୍କ ଦ୍ୱାରା ଏହି ମାମଲାର ଯାଂଚ ଆରମ୍ଭ କରିଥିଲା । ଏହି ମାମଲାରେ ଫ୍ରାନ୍ସର ପୂର୍ବତନ ରାଷ୍ଟ୍ରପତି ଫ୍ରାନ୍ସବା ଔଲାଦ (ଜିଏ କି ରାଫାଲ ଡିଲ ଉପରେ ହସ୍ତାକ୍ଷର କରିଥଲେ) ଏହା ସହ ବର୍ତମାନର ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରୋନ (ରାଫେଲ ଡିଲ ସମୟରେ ଅର୍ଥମନ୍ତ୍ରୀ) ଙ୍କ କାର୍ଯ୍ୟକାରିତାକୁ ନେଇ ପ୍ରଶ୍ନ ପଚରାଯିବ । ଅନ୍ୟପଟେ ସେତେବେଳେ ଫ୍ରାନ୍ସର ରକ୍ଷାମନ୍ତ୍ରୀ ଥିବା ଓ ଏବେ ବୈଦେଶିକ ମନ୍ତ୍ରୀ ଜୀନ-ୟବେସ ଲେ ଡ୍ରିୟାନା ବି ଏହି ତଦନ୍ତ ପରିସରକୁ ଆସିବେ ବୋଲି ଫ୍ରେଞ୍ଚ ପବ୍ଲିକେସନ ମିଡିଆପାର୍ଟ କହିଛି।
ଏସବୁ ପରେ ରାଫେଲ ଯୁଦ୍ଧ ବିମାନ ପ୍ରସ୍ତୁତ କରିଥିବା ଡାସଲ୍ଡ ଏଭିଏସନ ପକ୍ଷରୁ କୌଣସି ପ୍ରତିକ୍ରିୟା ମିଳିପାରି ନାହିଁ । କିନ୍ତୁ ଏହାପୂର୍ବରୁ ଏହି ଅଭିଯୋଗକୁ ନେଇ ଡାସଲ୍ଡ ଏଭିଏସନ ପକ୍ଷରୁ ସ୍ପଷ୍ଟ କରାଯାଇଥିଲା କି ରାଫେଲକୁ ନେଇ ଇଣ୍ଡୋ-ଫ୍ରେଞ୍ଚ ଡିଲରେ କୌଣସି ଦୁର୍ନୀତି ହୋଇ ନାହିଁ ।