ଭାରତ ଇତିହାସରେ ପ୍ରଥମଥର ପାଇଁ ଜଣେ ମହିଳା ଖେଳାଳୀଙ୍କ ନାମରେ ନାମିତ ହେଲା ଷ୍ଟାଡିୟମ, ଜାଣନ୍ତୁ କିଏ ଏହି ମହିଳା ଖେଳାଳୀ

କନକ ବ୍ୟୁରୋ : ଉତ୍ତର ପ୍ରଦେଶର ରାୟବରେଲୀ ଠାରେ ଥିବା ହକି ଷ୍ଟାଡିୟମକୁ ଭାରତୀୟ ଟିମର ଷ୍ଟାର ଖେଳାଳୀ ରାନୀ ରାମପାଲଙ୍କ ନାମରେ ନାମିତ କରାଯାଇଛି । ଏଭଳି ଉପଲବ୍ଧି ପାଇବାରେ ରାନୀ ହେଉଛନ୍ତି ପ୍ରଥମ ଭାରତୀୟ ମହିଳା ଖେଳାଳୀ । ଏନସିଏଫ ରାୟବରେଲି ହକି ଷ୍ଟାଡିୟମର ନାମ ବଦଳାଇ ‘ରାନୀଜୀ ଗର୍ଲସ୍ ହକିଟର୍ଫ’ ନାମରେ ନାମିତ କରାଯାଇଛି ।

ଉତ୍ତର ପ୍ରଦେଶ ସରକାର ଏଭଳି ଘୋଷଣା କରିବା ପରେ ରାନୀ ରାମପାଲଙ୍କ ତରଫରୁ ଏହି ଷ୍ଟାଡିୟମରେ ନିଜର ଅନୁଭୂତିକୁ ନେଇ କିଛି ଫଟୋ ସୋସିଆଲ ମିଡିଆରେ ସେୟାର କରିଛନ୍ତି । ଏହାସହ ରାନୀ ରାମପାଲ ଏହି ଷ୍ଟାଡିୟମ ଉଦଘାଟନ କରୁଥିବାର ଫଟୋ ମଧ୍ୟ ସେୟାର କରିଛନ୍ତି । ଏନେଇ ରାନୀ ତାଙ୍କ ଟ୍ୱିଟରରେ ଲେଖିଛନ୍ତି କି, ‘ମୁଁ ଆପଣ ସମସ୍ତଙ୍କୁ କହିବାକୁ ଚାହୁଁଛି ଯେ, ଏମସିଏଫ ରାୟବରେଲୀ ତରଫରୁ ମୋର ଯୋଗଦାନକୁ ସମ୍ମାନ ଦେଇ ମୋ ନାମରେ ହକି ଷ୍ଟାଡିୟମ କରିଛନ୍ତି । ଏଣୁ ରାଜ୍ୟ ସରକାରଙ୍କୁ ଧନ୍ୟବାଦ ଦେବାକୁ ମୋ ପାଖରେ ବହୁତ କମ ଶବ୍ଦ ରହିଛି ’

କେବଳ ସେତିକି ନୁହେଁ ରାନୀ ରାମପାଲ ତାଙ୍କ ଟ୍ୱିଟରରେ ଲେଖିଛନ୍ତି କି, ଏହା ମୋ ପାଇଁ ଗର୍ବର ବିଷୟ । କାରଣ ଭାରତର ପ୍ରଥମ ମହିଳା ଖେଳାଳୀ ଭାବେ ମୋ ନାମରେ ଏକ ଷ୍ଟାଡିୟମ ନାମିତ କରାଯାଇଛି । ଏହାସହ ସେ ଏହି ଷ୍ଟାଡିୟମକୁ ଭାରତୀୟ ମହିଳା ହକି ଖେଳାଳୀଙ୍କ ନାମରେ ସମର୍ପିତ କରିଛନ୍ତି ।