ସ୍ୱାମୀଙ୍କ ମୃତ୍ୟୁ ପରେ ରାଧିକା ଚଲାଉଥିଲେ ଆମ୍ବୁଲାନ୍ସ ! ଏବେ ହାସଲ କଲେ ବଡ ସଫଳତା ।
ଏପରି ଜଣେ ମହିଳା ଯିଏ ପ୍ରମାଣ କରିଛନ୍ତି କଠିନ ପରିଶ୍ରମ ଦ୍ୱାରା ଯେକୌଣସି ପରିସ୍ଥିତିରେ ମଧ୍ୟ ସଫଳତା ହାସଲ କରାଯାଇପାରିବ । ମଙ୍ଗଲୋରରେ ବାସ କରୁଥିବା ରାଧିକା ଦୁଇଜଣ ଛୁଆଙ୍କର ମା’ ଅଟନ୍ତି । ୨୦୦୨ ମସିହାରେ ତାଙ୍କ ସ୍ୱାମୀଙ୍କର ମୃତ୍ୟୁ ହୋଇଥିଲା । ସ୍ୱାମୀଙ୍କ ମୃତ୍ୟୁ ପରେ ସେ ଏକୁଟିଆ ହୋଇଯାଇଥିଲେ । ପିଲାମାନଙ୍କର ଦାୟିତ୍ୱ ମଧ୍ୟ ତାଙ୍କ ଉପରେ ହିଁ ଥିଲା । ୪୭ ବର୍ଷୀୟ ରାଧିକା ବେଶି ପାଠ ପଢିନାହାନ୍ତି । ସେ କେବଳ ଷଷ୍ଠ ଶ୍ରେଣୀ ପର୍ଯ୍ୟନ୍ତ ପାଠ ପଢିଛନ୍ତି । ସ୍ୱାମୀଙ୍କ ବିନା ଘର ଚଳେଇବା ତାଙ୍କ ପାଇଁ ଅତ୍ୟନ୍ତ କଷ୍ଟକର ହୋଇପଡିଥିଲା । ଏହା ପର ସେ ପରିବାର ପ୍ରତିପୋଷଣ ପାଇଁ ଆମ୍ବୁଲାନ୍ସ ଚଲାଇବାକୁ ନିଷ୍ପତ୍ତି ନେଇଥିଲେ । ଆଉ ଆଜି ସେ Cauvery Ambulance Serviceର ମାଲିକ ଅଟନ୍ତି ।
Kanak News is now on WhatsApp
Join and get latest news updates delivered to you via WhatsApp
ରାଧିକା ପରିବାର ପ୍ରତିପୋଷଣ ପାଇଁ ଆମ୍ବୁଲାନ୍ସ ଚଲାଇବା ଆରମ୍ଭ କରିଥିଲେ କିନ୍ତୁ ଆଜି ସେହି କାମ ହିଁ ତାଙ୍କ ପରିଚୟ ହୋଇଯାଇଛି । ସେ କହିଛନ୍ତି ଯେ, ତାଙ୍କ ସ୍ୱାମୀ ତାଙ୍କୁ ଆମ୍ବୁଲାନ୍ସ ଚଲାଇବା ଶିଖାଇଥିଲେ । ତାଙ୍କର ଏହି କାମରେ ଇଚ୍ଛା ନଥିଲେ ମଧ୍ୟ ସେ କେବେହେଲେ ଭାବିନଥିଲେ ଯେ, ଏହି କାମ ତାଙ୍କୁ ପରିବାର ପ୍ରତିପୋଷଣ କରିବାରେ ସହାୟକ ହେବ ।
ରାଧିକା କର୍ଣ୍ଣାଟକ ନିବାସୀ ଅଟନ୍ତି । ମେଙ୍ଗଲୁରୁର ସୁଦେଶଙ୍କ ସହ ତାଙ୍କର ବିବାହ ହୋଇଥିଲା । ତାଙ୍କ ସ୍ୱାମୀ ଆମ୍ବୁଲାନ୍ସ ଚଲାଉଥିଲେ । କିନ୍ତୁ ପରେ ସୁଦେଶ ଲିଭର କ୍ୟାନ୍ସରରେ ପିଡୀତ ହୋଇଥିଲେ ଏବଂ ୨୦୦୨ ମସିହାରେ ତାଙ୍କର ମୃତ୍ୟୁ ହୋଇଯାଇଥିଲା । ଏହାପରେ ରାଧିକା ଅତିକଷ୍ଟରେ ପରିବାର ପ୍ରତିପୋଷଣ କରିଥିଲେ । ସେ ଦିନ ରାତି ପରିଶ୍ରମ କରି ଆମ୍ବୁଲାନ୍ସ ଚଲାଉଥିଲେ । ଏବେ ରାଧିକା ତାଙ୍କ ଝିଅକୁ ଇଞ୍ଜିନିୟରିଂ କରାଉଥିବା ବେଳେ ରାଧିକା କହିଛନ୍ତି ଆଗାମୀ ସମୟରେ ତାଙ୍କ ସମ୍ପୂର୍ଣ୍ଣ ବ୍ୟବସାୟ ତାଙ୍କ ଝିଅ ସମ୍ଭାଳିବେ ।