ସାମ୍ନାକୁ ଆସିଲା ସମ୍ବେଦନଶୀଳ ଚିତ୍ର : ମୃତ୍ୟୁ ପୂର୍ବରୁ ହୃଦଘାତ ଦୃଶ୍ୟରେ ଅଭିନୟ କରିଥିଲେ ରବି ମିଶ୍ର; ଦିନଟିଏ ପରେ ସତ ହୋଇଗଲା ଅଭିନୟ
କନକ ବ୍ୟୁରୋ : ହୃଦଘାତରେ ପରପାରିକୁ ଚାଲିଯାଇଛନ୍ତି ହାସ୍ୟ ଅଭିନେତା ରବି ମିଶ୍ର । ଜାଣିଲେ ଆଶ୍ଚର୍ଯ୍ୟ ହେବେ, ସତ ହୋଇଯାଇଛି ଶେଷ ଅଭିନୟ … ଏ ହେଉଛି ଟିଭି ସିରିଏଲ ହେ ପ୍ରଭୁର ଏକ ଦୃଶ୍ୟ । ଅଭିନେତା ରବି ମିଶ୍ରଙ୍କ ଶେଷ ଦୃଶ୍ୟ । କାହାଣୀର ଆବଶ୍ୟକତା ଅନୁସାରେ ସିରିଏଲର ଏକ ହୃଦଘାତର ଦୃଶ୍ୟ ରଖାଯାଇଥିଲା । ଆଉ ନିଜ ଅଭିନୟକୁ ଜୀବନ୍ତ କରିବା ପାଇଁ ହୃଦଘାତର ଏହି ଦୃଶ୍ୟ କଲାବେଳେ କିଛି ସମୟ ପାଇଁ ନିଜ ପ୍ରଶ୍ୱାସକୁ ରୋକିଦେଇଥିଲେ ଅଭିନେତା ରବି ମିଶ୍ର ।
Kanak News is now on WhatsApp
Join and get latest news updates delivered to you via WhatsApp
ତାଙ୍କ ସାଥୀ କଳାକାରଙ୍କ କହିବା ଅନୁଯାୟୀ, ରବି ମିଶ୍ରଙ୍କ ଭଳି ବର୍ଷିଆନ ଅଭିନେତା ନିଜ ଚରିତ୍ରକୁ ଲୋକପ୍ରିୟ କରିବା ପାଇଁ ଏହିଭଳି ବାସ୍ତବତାର ଛୁଙ୍କ ଦେଇଥାନ୍ତି । ହେଲେ କେହି କେବେ କଳ୍ପନା କରିଥିଲେ , ପୂର୍ବଦିନ ସୁଟିଂ ସେଟରେ କରିଥିବା ଅଭିନୟ ପରଦିନ ସତ ହୋଇଯିବ । ହୃଦଘାତର ଅଭିନୟ କରିଥିବା ରବି ମିଶ୍ର ପରଦିନ ହୃଦଘାତରେ ହିଁ ସିନେମା ଜଗତରୁ ବିଦାୟ ନେଇଛନ୍ତି । ଯାହା ତାଙ୍କ ସାଥୀ କଳାକାରଙ୍କୁ ଗଭୀର ଆଘାତ ଦେଇଛି ।