୩୦୦ ଜଣଙ୍କ ମୃତ୍ୟୁର ପ୍ରତିଶୋଧ ନେବାକୁ ୮୦,୦୦୦ ଲୋକଙ୍କୁ ହତ୍ୟା କରିଥିଲେ ପୁଟିନ ।

୧୯୯୧  ରେ, ଭ୍ଲାଡିମିର୍ ପୁଟିନ୍ ଜଣେ ଲେଫ୍ଟନାଣ୍ଟ କର୍ଣ୍ଣେଲ ହୋଇଥିଲେ ଏବଂ ଆନାଟୋଲି ସୋବାକ୍ ରୁଷର ବୃହତ୍ତମ ସହର ସେଣ୍ଟ ପିଟର୍ସବର୍ଗର ମେୟର ଭାବରେ ଆନାତୋଲି ସୋବଚକ କାର୍ଯ୍ୟ କାରୁଥିଲେ । ପୁଟିନ ସୋବଚକଙ୍କୁ ଭେଟି ପରେ ସେ ସେଣ୍ଟ ପିଟର୍ସବର୍ଗର ଡେପୁଟି ମେୟର ହୋଇ ପାରିଥିଲେ । ଏହା ପରେ ସେ ଜାତୀୟ ସ୍ତରକୁ ଯାଇ ପ୍ରସିଦ୍ଧି ଲାଭ କରିଥିଲେ ।

ଏବେ  ପୁଟିନ ପଞ୍ଚମ ଥର ପାଇଁ ରୁଷର ରାଷ୍ଟ୍ରପତି ଭାବରେ ଶପଥ ଗ୍ରହଣ କରିଛନ୍ତି। ଏହି ସମୟ ମଧ୍ୟରେ ପୁଟିନ ବିଶ୍ୱକୁ ବାର୍ତ୍ତା ମଧ୍ୟ ଦେଇଛନ୍ତି ଯେ ସେ ଗତ କିଛି ବର୍ଷ ଧରି ସେ ରୁଷର ସବୁଠାରୁ ବଡ ନେତା ଥିଲେ ଏବଂ ଏବେ ବି ଅଛନ୍ତି ଓ ଭବିଷ୍ୟତରେ ଆହୁରି କିଛି ବର୍ଷ ପର୍ଯ୍ୟନ୍ତ ରହିବେ । ୧୯୯୨ ରୁ ୨୦୨୪ ପର୍ଯ୍ୟନ୍ତ ପୁଟିନ ନିଜକୁ ଜଣେ ନେତା ଭାବରେ ପ୍ରତିଷ୍ଠିତ କରିଛନ୍ତି ଯିଏ ୟୁରୋପ ଏବଂ ଆମେରିକା ସହିତ ପ୍ରତିଦ୍ୱନ୍ଦ୍ୱିତା କରୁଛନ୍ତି । ପୁଟିନ ଜଣେ ଗୁପ୍ତଚର ହୋଇ କେଜିବିରେ ଥିବାବେଳେ ଅନେକ କାର୍ଯ୍ୟ କରିଥିଲେ । ୧୯୯୧ ରେ ସୋଭିଏତ୍ ୟୁନିଅନ୍ ବିଲୋପ ପରେ ଅନେକ କେଜିବି ଏଜେଣ୍ଟ ପାଶ୍ଚାତ୍ୟ ଦେଶମାନଙ୍କ ପାଇଁ କାମ କରିବା ଆରମ୍ଭ କରିଥିଲେ ଏବଂ ଅନେକେ ଡବଲ୍ ଏଜେଣ୍ଟ ଭୂମିକାରେ ଆସିଥିଲେ କିନ୍ତୁ ପୁଟିନ୍ ତାଙ୍କ ଦେଶ ପ୍ରତି ବିଶ୍ୱାସଘାତକତା କରିନଥିଲେ ଏବଂ ତାଙ୍କ ଅନ୍ତରାତ୍ମା  ​​ତାଙ୍କୁ ରାଜନୀତିକୁ ଆଣିଥିଲା ।

୧୯୫୨  ମସିହାରେ ଏକ ସାଧାରଣ ପରିବାରରେ ଜନ୍ମଗ୍ରହଣ କରିଥିବା ଭ୍ଲାଦିମିର ପୁଟିନଙ୍କ ପିତା ସୋଭିଏତ ୟୁନିଅନର ନୌସେନାରେ କାର୍ଯ୍ୟ କରୁଥିଲେ ଏବଂ ତାଙ୍କ ମା ଏକ ଛୋଟ କାରଖାନାରେ କାର୍ଯ୍ୟ କରୁଥିଲେ । ୧୯୭୫ ରେ ରୁଷର ଗୁପ୍ତଚର ଏଜେନ୍ସି କେଜିବିରେ ଯୋଗ ଦେଇ ଭ୍ଲାଡିମିର୍ ପୁଟିନ୍ ଜଣେ ଗୁପ୍ତଚର ଅଧିକାରୀ ହୋଇଥିଲେ । ତାଙ୍କ ଜୀବନର ସବୁଠାରୁ ବଡ ପରିବର୍ତ୍ତନ ଯେତେବେଳେ ଜର୍ମାନୀ ୧୯୮୯ ରେ ରୁଷକୁ ବିରୋଧ କରିବା ଆରମ୍ଭ କଲା ।  ଜର୍ମାନୀରେ  ପୂର୍ବରୁ ରୁଷର ଢେର ପ୍ରଭାବ ଥିଲା କିନ୍ତୁ ବର୍ଲିନ୍  ୱାଲର ପତନ ପରେ ଏହା ଆମେରିକାର ପ୍ରଭାବକୁ ଆସି ଯାଇଥିଲା ।

ରୁଷ  ସେତେବେଳେ ସୋଭିଏତ୍ ୟୁନିଅନ୍ ଥିଲା ଏବଂ ଏଥିରେ ୧୫ ଟି ଦେଶ ରହିଥିଲା ପରେ ସେମାନେ ସବୁ  ବିଚ୍ଛିନ୍ନ ହୋଇଯାଇଥିଲେ । ସେହି ସମୟରେ ୟୁଏସଆରଏସରେ ଇଷ୍ଟୋନିଆ, ଲାଟଭିଆ, ଲିଥୁଆ, ୟୁକ୍ରେନ, ମଲଡୋଭା, ବେଲାରୁଷ, ଜର୍ଜିଆ, ଆର୍ମେନିଆ, ଆଜେରବାଇଜାନ, କାଜାଖସ୍ତାନ, କିର୍ଗିଜସ୍ଥାନ, ତାଜିକିସ୍ତାନ, ତୁର୍କମେନିସ୍ତାନ ଏବଂ ଉଜବେକିସ୍ତାନ ଅନ୍ତର୍ଭୁକ୍ତ ଥିଲା ।

ଗୋର୍ବାଚୋଭ ସବୁଠାରୁ ଅସଫଳ ରାଷ୍ଟ୍ରପତି ଥିଲେ

ଯେତେବେଳେ ରୁଷ ୧୫ ଭାଗରେ ବିଭକ୍ତ ହେଲା, ସେତେବେଳେ ରୁଷର ରାଷ୍ଟ୍ରପତି ଥିଲେ ମିଖାଇଲ୍ ଗୋର୍ବାଚୋଭ ଏବଂ ତାଙ୍କୁ ରୁଷର ସବୁଠାରୁ ଅସଫଳ ରାଷ୍ଟ୍ରପତି ବୋଲି ବିବେଚନା କରାଯାଏ । ୧୯୯୯ ରେ ସେ ତାଲିବାନକୁ ନିୟନ୍ତ୍ରଣ କରିବା ପାଇଁ ଆଫଗାନିସ୍ତାନକୁ ସେନା ପଠାଇଥିଲେ, କିନ୍ତୁ ସେଠାରୁ ସେନାକୁ ଫେରେଇ ଆଣିବାକୁ ସେ ବାଧ୍ୟ ହେଇଥିଲେ । ବର୍ଲିନ୍ ୱାଲ ଭାଙ୍ଗିଗଲା, ସେମାନେ ମଧ୍ୟ ଏହାକୁ ନିୟନ୍ତ୍ରଣ କରିପାରିଲେ ନାହିଁ ଏବଂ ୧୯୯୧ ରେ ୟୁଏସଆର ବିଚ୍ଛିନ୍ନ ହେଲା । ତାଙ୍କୁ ତାଙ୍କ ପଦରୁ ଇସ୍ତଫା ଦେବାକୁ ପଡିଲା ଏବଂ ତାଙ୍କ ସ୍ଥାନରେ ବୋରିସ୍ ୟେଲସିନ୍ ରୁଷର ରାଷ୍ଟ୍ରପତି ହୋଇଥିଲେ।

କ୍ଷମତାକୁ ଆସିବା ପରେ ବୋରିସ୍ ୟେଲଟସିନ୍ ଅନୁଭବ କଲେ ଯେ ରୁଷିଆର  ସରକାରୀ ବ୍ୟବସ୍ଥା ଅଦରକାରୀ ଏବଂ ଏହି କାରଣରୁ ସରକାରଙ୍କ ଉପରେ ବହୁତ ଚାପ ରହିଛି । ବୋରିସ୍ ଅନୁଭବ କଲେ ଯେ ଯଦି ଆମେ ଆମେରିକା ଭଳି ଆଗକୁ ବଢିବାକୁ ଚାହୁଁ, ତେବେ ଘରୋଇ କ୍ଷେତ୍ରକୁ ପ୍ରୋତ୍ସାହନ ଦେବକୁ ପଡ଼ିବ । ବୋରିସ୍ ୟେଲସିନ୍ ସରକାରୀ କଳ ସବୁ ବନ୍ଦ କରି ଘରୋଇ କ୍ଷେତ୍ର ଆରମ୍ଭ କରିଥିଲେ ଏବଂ ଏହି କାରଣରୁ ପୂର୍ବରୁ ଚାଲୁଥିବା ଅର୍ଥନୀତି ଚାଲିପାରିଲା ନାହିଁ । ଲୋକମାନେ ଚାକିରୀ ହରାଇବାକୁ ଲାଗିଲେ ଏବଂ ସେମାନେ ସରକାରଙ୍କୁ ବିରୋଧ କରିବାକୁ ଲାଗିଲେ। ଏହି ଘଡିସନ୍ଧି ସମୟରେ  ଭ୍ଲାଡିମିର୍ ପୁଟିନ୍ ଙ୍କର ରାଜନୀତିରେ ପ୍ରବେଶ ହେଲା ।

୧୯୯୧ ରେ, ଭ୍ଲାଡିମିର୍ ପୁଟିନ୍ ଜଣେ ଲେଫ୍ଟନାଣ୍ଟ କର୍ଣ୍ଣେଲ ହୋଇଥିଲେ ଏବଂ ସେହି ସମୟରେ ଆନାଟୋଲି ସୋବାକ୍ ରୁଷର ବୃହତ୍ତମ ସହର ସେଣ୍ଟ ପିଟର୍ସବର୍ଗର ମେୟର ଭାବରେ କାର୍ଯ୍ୟ କରୁଥିଲେ ।  ପୁଟିନ ସୋବଚକଙ୍କୁ ଭେଟିଥିଲେ ଏବଂ  ତାଙ୍କ ସମ୍ପର୍କ ଧୀରେ ଧୀରେ ନିବିଡ଼ ହେବାକୁ ଲାଗିଲା । ପରେ ପୁଟିନ ସେଣ୍ଟ ପିଟର୍ସବର୍ଗର ଡେପୁଟି ମେୟର ମଧ୍ୟ ହୋଇଥିଲେ । ସେ ଡେପୁଟି ମେୟର ହେବା ମାତ୍ରେ ସେ ସେଠାରେ ଦୁର୍ନୀତି ଶେଷ କରି ବ୍ୟବସ୍ଥାରେ ଉନ୍ନତି ଆଣିଥିଲେ। ଏହି ପରିବର୍ତ୍ତନ ଲୋକଲୋଚନକୁ ଆସିବା ପରେ ସେ ଖୁବ ପ୍ରସିଦ୍ଧି ଲାଭ କରିଥିଲେ । ଏବଂ ସେ ସେଣ୍ଟ ପିଟର୍ସବର୍ଗରୁ ଧୀରେ ଧୀରେ ରାଷ୍ଟ୍ର ସ୍ତରରେ ପହଞ୍ଚି ଯାଇଥିଲେ ।  ସେହି ସମୟରେ ରାଷ୍ଟ୍ରପତିଙ୍କ ପରାମର୍ଶଦାତା ଥିଲେ ଭାଲେଣ୍ଟାଇନ୍ ବୋରିସୋଭିଚ୍ ୟୁମାଶେଭ୍ ଏବଂ ସେ ବୋରିସ୍ ଙ୍କ  ଜ୍ବାଇଁ ଥିଲେ। ସେ ପୁଟିନଙ୍କୁ ଡାକି ରାଷ୍ଟ୍ରପତି ବୋରିସଙ୍କ ପରାମର୍ଶଦାତା କରିଥିଲେ। ଏହିପରି ପୁଟିନ ଏବଂ ବୋରିସ୍ ବନ୍ଧୁ ହେଲେ | ଧୀରେ ଧୀରେ ପୁଟିନ ଜାତୀୟ ସ୍ତରକୁ ଉନ୍ନୀତ ହେଲେ ଏବଂ ତାଙ୍କର ସ୍ଥିତି ବୃଦ୍ଧି ପାଇଲା ।

ଚେଚେନ୍ୟା ଯୁଦ୍ଧ ପରେ ହିରୋ ପାଲଟିଗଲେ

ପ୍ରାୟ ୧୫ ଟି ଦେଶ ୟୁଏସଆରଏସରୁ ଅଲଗା ଯାଇଥିଲେ ଏବଂ ୧୯୯୯ ରେ ପୁଟିନ ପ୍ରଧାନମନ୍ତ୍ରୀ ହେବା ପରେ ଚେଚେନ୍ୟା ମଧ୍ୟ ରୁଷ ଠାରୁ ଅଲଗା ହେବାକୁ ଚାହୁଁଥିଲା । ଏହି ସମୟ ମଧ୍ୟରେ ଅଗଷ୍ଟରୁ ସେପ୍ଟେମ୍ବର ପର୍ଯ୍ୟନ୍ତ ରୁଷର ମସ୍କୋ ସହରରେ ସିରିଏଲ ବିସ୍ଫୋରଣ ଆରମ୍ଭ ହୋଇଥିଲା ଏବଂ ମୃତ୍ୟୁ ସଂଖ୍ୟା ୩୦୦ ରେ ପହଞ୍ଚିଥିଲା । ରୁଷର ଲୋକମାନେ ଆଉ ଚେଚେନ୍ୟାକୁ ପସନ୍ଦ କରୁନଥିଲେ ଏବଂ ବିରୋଧ କରିବା ଆରମ୍ଭ କରି ଦେଇଥିଲେ ।  ଏହି ବିଷୟରେ ଦେଶର ଲୋକଙ୍କ ମଧ୍ୟରେ ବହୁତ କ୍ରୋଧୀତ ମଧ୍ୟ ହୋଇଥିଲା। ବୋରିସ୍ ୟେଲସିନ୍ ବହୁ ସମୟରେ ମଦ୍ୟପାନ ନିଶାରେ ରହୁଥିଲେ ଏବଂ ପୁଟିନଙ୍କୁ ଏହି ସମସ୍ୟାର ମୁକାବିଲା କରିବାର ଦାୟିତ୍ଵ ଦେଇଥିଲେ । ଏହା ପରେ ପୁଟିନ ଚେଚେନ୍ୟା  ବିରୋଧରେ ସେନା ନିୟୋଜିତ କରିଥିଲେ ଏବଂ ପ୍ରତ୍ୟେକ ସୈନିକଙ୍କ ହେଲମେଟରେ କ୍ୟାମେରା ଲଗାଇ ଏହି କାର୍ଯ୍ୟର ଲାଇଭ ଟେଲିକଷ୍ଟ ଦେଖାଇଥିଲେ। ୩୦୦ ଲୋକଙ୍କ ମୃତ୍ୟୁର ପ୍ରତିଶୋଧ ନେବାକୁ ପୁଟିନ ପ୍ରାୟ ୮୦ ହଜାର ଲୋକଙ୍କୁ ହତ୍ୟା କରିଥିଲେ । ଯେତେବେଳେ ଲୋକମାନେ ଦେଖିଲେ ଯେ ପୁଟିନ ଲୋକଙ୍କ ମୃତ୍ୟୁର ପ୍ରତିଶୋଧ ନେଇଛନ୍ତି, ସେତେବେଳେ ତାଙ୍କର ମୂଲ୍ୟାୟନ ବହୁତ ବୃଦ୍ଧି ପାଇଥିଲା । ୧୯୯୯ ରେ ପ୍ରଧାନମନ୍ତ୍ରୀ ଥିବା ପୁଟିନ ରାଷ୍ଟ୍ରପତିଙ୍କ ଅପେକ୍ଷା ଅଧିକ ପ୍ରସିଦ୍ଧ ହେବାରେ ଲାଗିଲେ ଏବଂ ବୋରିସ୍ ଦୁର୍ନୀତି ଅଭିଯୋଗରେ ବଦନାମ ହେବା ଆରମ୍ଭ ହେଇଥିଲେ ।

ଏହି ସମୟରେ, ୨୦୦୦ ମସିହାରେ ପୁଟିନ ପ୍ରଥମ ଥର ପାଇଁ ରାଷ୍ଟ୍ରପତି ନିର୍ବାଚନରେ ​​ଜିତିଥିଲେ ।

ପ୍ରତ୍ୟେକ ଥର ସେ କ୍ଷମତା ନିଜ ପାଖରେ ରଖୁଥିଲେ

ରୁଷ ପରି ଏକ ବଡ ଦେଶର ସମ୍ପୂର୍ଣ୍ଣ ଶକ୍ତି ସେ ସମୟରେ ପୁଟିନଙ୍କ ହାତରେ ଥିଲା । ସେ ୨୦୦୦ ମସିହାରେ ନିର୍ବାଚନରେ ​​ଜିତିଥିଲେ ଏବଂ ସେହି ସମୟ ପର୍ଯ୍ୟନ୍ତ ରୁଷର ସମ୍ବିଧାନ ଅନୁଯାୟୀ କୌଣସି ବ୍ୟକ୍ତି କ୍ରମାଗତ ଦୁଇ ଥର ରାଷ୍ଟ୍ରପତି ହୋଇପାରିବେ ନାହିଁ । ସମ୍ବିଧାନ ଅନୁଯାୟୀ ଏଠାରେ ରାଷ୍ଟ୍ରପତିଙ୍କ କାର୍ଯ୍ୟକାଳ ୪ ବର୍ଷ ଥିଲା । ୨୦୦୪ ରେ ଯେତେବେଳେ ସେ ରାଷ୍ଟ୍ରପତି ଭାବରେ ନିର୍ବାଚିତ ହୋଇଥିଲେ, ଏହି କାର୍ଯ୍ୟକାଳ ମଧ୍ୟରେ ସେ ତାଙ୍କର ଘନିଷ୍ଠ ଲୋକଙ୍କୁ ଅଖଣ୍ଡ କ୍ଷମତା ଦେଇ ରଖିଥିଲେ ଏବଂ କ୍ରେମଲିନ୍ କୁ  ସମ୍ପୂର୍ଣ୍ଣ ଭାବେ ନିଜ କବଜାରେ ରଖିଥିଲେ । ସେ ତାଙ୍କର ପ୍ରଥମ କାର୍ଯ୍ୟକାଳରେ ଅତୁଳନୀୟ କାର୍ଯ୍ୟ କରିଥିଲେ ଏବଂ ରୁଷର ଜିଡିପି ୯୩ ପ୍ରତିଶତ ହାରରେ ବୃଦ୍ଧି ପାଇଥିଲା । ଏହା ପରେ ସେ ୨୦୦୪ ରୁ ୨୦୦୮ ପର୍ଯ୍ୟନ୍ତ ଦ୍ୱିତୀୟ ଥର ପାଇଁ ରାଷ୍ଟ୍ରପତି ରହିଲେ ଏବଂ ଏହା ପରେ ୨୦୦୮ ରେ ପୁଣି ଥରେ ପ୍ରଧାନମନ୍ତ୍ରୀ ହୋଇଥିଲେ । ସେ ବର୍ତ୍ତମାନ ରୁଷର ରାଷ୍ଟ୍ରପତି ରହିଛନ୍ତି ଏବଂ ପ୍ରଧାନମନ୍ତ୍ରୀ ଥିବା ସମୟରେ ସେ ତାଙ୍କର ଘନିଷ୍ଠ ବନ୍ଧୁ ଦିମିତ୍ରୀ ମେଡଭେଡେଭଙ୍କୁ ରାଷ୍ଟ୍ରପତି ନିର୍ବାଚନରେ ​​ଜିତାଇଥିଲେ ।

ସେହି ସମୟରେ ପୁଟିନ ରାଷ୍ଟ୍ରପତିଙ୍କ କ୍ଷମତା ପ୍ରଧାନମନ୍ତ୍ରୀଙ୍କୁ ହସ୍ତାନ୍ତର କରିବାକୁ ସମ୍ବିଧାନରେ ସଂଶୋଧନ କରିଥିଲେ, ଏହା ପରେ ଦିମିତ୍ରୀ କେବଳ କାର୍ଯ୍ୟକାରୀ ରାଷ୍ଟ୍ରପତି ରହିଥିଲେ ଏବଂ ସମସ୍ତ କ୍ଷମତା ପୁଟିନଙ୍କ ନିକଟରେ ଥିଲା । ଦ୍ୱିତୀୟ କାର୍ଯ୍ୟକାଳ ସମୟରେ ଅନେକ ଦେଶ ଉପରେ ଆକ୍ରମଣ କରିଥିଲେ୨୦୧୨ ରେ ପୁଟିନ ପୁନର୍ବାର ରାଷ୍ଟ୍ରପତି ହୋଇଥିଲେ ଏବଂ ପୁନର୍ବାର ସମ୍ବିଧାନରେ ସଂଶୋଧନ କରି ପ୍ରଧାନମନ୍ତ୍ରୀଙ୍କ ଠାରୁ ସମସ୍ତ କ୍ଷମତା ପ୍ରତ୍ୟାହାର କରି ରାଷ୍ଟ୍ରପତିଙ୍କୁ ଦେଇଥିଲେ। ଏହା ପରେ ୨୦୧୬ ରେ ପୁନର୍ବାର ନିର୍ବାଚନ ଅନୁଷ୍ଠିତ ହୋଇଥିଲା ଏବଂ ପୁଟିନ ୨୦୨୦ ପର୍ଯ୍ୟନ୍ତ ରୁଷର ରାଷ୍ଟ୍ରପତି ଭାବରେ ନିର୍ବାଚିତ ହୋଇଥିଲେ।

ତେବେ ୨୦୨୦ ସୁଦ୍ଧା ପୁଟିନ ସମ୍ବିଧାନରେ ସଂଶୋଧନ କରି ୨୦୩୬ ପର୍ଯ୍ୟନ୍ତ ନିଜକୁ ରାଷ୍ଟ୍ରପତି ରହିବାକୁ ଘୋଷଣା କରିଛନ୍ତି । ୨୦୦୦ ରୁ ୨୦୦୪ ପର୍ଯ୍ୟନ୍ତ ପୁଟିନ ତାଙ୍କ ଦେଶ ପ୍ରତି ସମ୍ପୂର୍ଣ୍ଣ ଧ୍ୟାନ ଦେଇଥିଲେ, କିନ୍ତୁ ଦ୍ୱିତୀୟ ପର୍ଯ୍ୟାୟରେ ସେ ବିପଜ୍ଜନକ କାର୍ଯ୍ୟ କରିବା ଆରମ୍ଭ କରିଥିଲେ ଏବଂ ୨୦୦୮ ରେ ସେ ଜର୍ଜିଆ ଉପରେ ଆକ୍ରମଣ କରିଥିଲେ, କାରଣ ୧୯୯୧  ରେ ସୋଭିଏତ ୟୁନିଅନରୁ ଜର୍ଜିଆ ଭାଙ୍ଗି ଯାଇଥିଲା ଏବଂ ଏହାର ଦୁଇଟି ଅଞ୍ଚଳ ଆନ୍ଦୋଳନ ହୋଇଥିଲା। ୨୦୧୧ ରେ ପୁଟିନ ଲିବିଆ ଉପରେ ଆକ୍ରମଣ କରିଥିଲେ। ଏହା ପରେ ୨୦୧୪ ରେ ୟୁକ୍ରେନକୁ କ୍ରେମଲୀନ ଅକ୍ତିଆର କଲା । ୨୦୧୫ ରେ, ସେମାନେ ସିରିଆରେ ବଶର ଅଲ-ଆସାଦର ସରକାରକୁ ପତନରୁ ରକ୍ଷା କରିଥିଲେ ଏବଂ ୨୦୨୨ ମସିହାରେ ସେମାନେ ପୁନର୍ବାର ୟୁକ୍ରେନ ଉପରେ ସମ୍ପୂର୍ଣ୍ଣ ଆକ୍ରମଣ କରିଥିଲେ।