ରଥଯାତ୍ରା ବନ୍ଦ ନେଇ ଜଗଦଗୁରୁ ଶଙ୍କରାଚାର୍ଯ୍ୟଙ୍କ ପ୍ରତିକ୍ରିୟା: କହିଲେ, ଜୁନ ୨୦ରେ ସ୍ୱେଚ୍ଛାକୃତ ଭାବେ ଗ୍ରହଣ କରିପାରିଥାନ୍ତେ ସୁପ୍ରିମକୋର୍ଟ ଆବେଦନ; ରଥ ବନ୍ଦ ପାଇଁ ଏହା ସୁନିୟୋଜିତ ଯୋଜନା
ରଘୁନାଥ ମହାପାତ୍ର କହିଲେ, ରଥଯାତ୍ରା ହେବା ଉଚିତ
କନକ ବ୍ୟୁରୋ: ପୁରୀରେ ରଥଯାତ୍ରା ବନ୍ଦ ହେବା ନେଇ ପୁରୀ ଶଙ୍କରାଚାର୍ଯ୍ୟ ଆଜି ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି, ସୁପ୍ରିମକୋର୍ଟ ଚାହିଁଥିଲେ ୨୦ ଜୁନରେ ଆବେଦନକୁ ସ୍ୱେଚ୍ଛାକୃତ ଭାବେ ଗ୍ରହଣ କରିପାରିଥାନ୍ତେ । ବିଶେଷ ପରିସ୍ଥିତିରେ ବି କୋର୍ଟ ଅବକାଶ ଦିନରେ ଖୋଲିପରିବ । ପରମ୍ପରା ବନ୍ଦ ହେଲେ ଜଗନ୍ନାଥ କ୍ଷମା ଦେବେ କି ବୋଲି ଶଙ୍କରାଚାର୍ଯ୍ୟ ପ୍ରଶ୍ନ କରିଛନ୍ତି । ଶୁକ୍ରବାର ଦିନ କରୋନା ଯୋଗୁଁ ପୁରୀରେ ରଥଯାତ୍ରା ହୋଇପାରିବ ନାହିଁ ବୋଲି ରାୟ ଦେଇଥିଲେ । ଏହାପରେ ରାୟର ପୁନଃବିଚାର ପାଇଁ ଆବଦେନ କରି କୋର୍ଟରେ ୧୭ ପିଟିସନ ଦାୟର ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ, ରଥଯାତ୍ରା ବନ୍ଦ କରିବା ପାଇଁ ୧୮ ତାରିଖରେ ସୁପ୍ରିମକୋର୍ଟ ଦେଇଥିବା ରାୟକୁ ସହଜରେ ଗ୍ରହଣ କରିପାରୁନାହାନ୍ତି ଜଗନ୍ନାଥପ୍ରେମୀ । ସୁପ୍ରିମକୋର୍ଟଙ୍କ ଏହି ରାୟ ଉପରେ ପୁନଃବିଚାର ପାଇଁ କିଛି ବ୍ୟକ୍ତି ଓ ସଙ୍ଗଠନ ପକ୍ଷରୁ ୧୭ଟି ପିଟିସନ ଦାଖଲ ହୋଇଛି । ଶୁକ୍ରବାର ୫ଟି ପିଟିସନ ଦାଖଲ ହୋଇଥିବାବେଳେ ଶନିବାର ଆଉ ୧୨ଟି ପିଟିସନ ଦାଖଲ ହୋଇଛି । ଅନ୍ୟ ସବୁଠାରେ ରଥଯାତ୍ରା ବନ୍ଦ କରି ପୁରୀରେ ରଥଯାତ୍ରା ବନ୍ଦ କରିବାକୁ ସୁପ୍ରିମକୋର୍ଟରେ ଗୋଟିଏ ପରେ ଗୋଟିଏ ମୋଡିଫିକେସନ ପିଟିସନ ଦାଖଲ ହୋଇ ଚାଲିଛି । ଦୁଇଟି ମୋଡିଫିକେସନ ପିଟିସନରେ ଆବଶ୍ୟକସ୍ଥଳେ ପୁରୀକୁ ସଟଡାଉନ କରି ରଥଯାତ୍ରା କରିବାକୁ ଅନୁରୋଧ କରାଯାଇଛି । ଏଥିରେ ରାୟରେ ଆଂଶିକ ପରିବର୍ତନ କରିବାକୁ ବି କୁହାଯାଇଛି । ତେବେ ରଥଯାତ୍ରାକୁ ଆଉ ଗୋଟିଏ ଦିନ ବାକିଥିବାବେଳେ ପିଟିସନଗୁଡିକର କେବେ ଶୁଣାଣି ହେବ ସେ ବିଷୟରେ କିଛି ଜଣାପଡିନାହିଁ ।
ମୋଡିଫିକେସନ ପିଟିସନ ଖୋଲା କୋର୍ଟରେ ହେବାକୁ ଥିବାବେଳେ ରିଭ୍ୟୁ ପିଟିସନ ବିଚାରପତିମାନେ ଚାମ୍ବରରେ ଶୁଣାଣି କରିଥାନ୍ତି । ଯେଉଁ ଖଣ୍ଡପୀଠଦ୍ୱାରା ରାୟ ପ୍ରଦାନ କରାଯାଇଥିବ ସେହି ବେଂଚରେ ହିଁ ମୋଡିଫିକେସନ ପିଟିସନର ଶୁଣାଣି ହେବ । ତେବେ ଗ୍ରୀଷ୍ମକାଳୀନ ଅବକାଶରେ କିଭଳି ଶୁଣାଣି ହେବ ସେ ନେଇ ବଡ ପ୍ରଶ୍ନ ସୃଷ୍ଟି ହୋଇଛି । ଗ୍ରୀଷ୍ମକାଳୀନ ଅବକାଶରେ ଅର୍ଥାତ ଆସନ୍ତାକାଲିଠାରୁ ଦୁଇଟି ଅବକାଶ ବେଂଚ ଜରୁରୀମାମଲାଗୁଡିକର ଶୁଣାଣି କରିବେ । ଏହି ସମୟରେ ଯଦି ମୋଡିଫିକେସନ ପିଟିସନକୁ ଶୁଣାଣି ପାଇଁ ତାଲିକାଭୁକ୍ତ କରାଯାଏ ତାହହେଲେ ପ୍ରଧାନ ବିଚାରପତିଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ବେଂଚ ହି ମାମଲାର ଶୁଣାଣି କରିବେ । ଯଦି ମାମଲାର ଗୁରୁତ୍ୱକୁ ବିଚାରପତି ହୃଦବୋଧ କରି ତୁରନ୍ତ ଶୁଣାଣି ପାଇଁ ରାଜି ହୁଅନ୍ତି, ତାହାହେଲେ ଏହାର ଶୁଣାଣି ହୋଇପାରେ । ତେବେ ଆସନ୍ତାକାଲି ମାମଲାର ଶୁଣାଣି ହେବା ଯଥେଷ୍ଟ ସମ୍ଭାବନା ରହିଛି ।