ପୁରୀ ସତ୍ୟବାଦୀ ବ୍ଲକରେ ଘର ଆବଣ୍ଟନକୁ ନେଇ ଉତ୍ତେଜନା । ବିଡିଓଙ୍କୁ ଘେରିଲେ ଲୋକେ,ବ୍ଲକ ଅଫିସରେ ହୋହାଲ୍ଲା
ବାତ୍ୟା କ୍ଷତିଗ୍ରସ୍ତ ଲୋକଙ୍କୁ ଘର ଆବଂଟନରେ ହେରଫେର ହୋଇଥିବା ଅଭିଯୋଗ
କନକ ବ୍ୟୁରୋ: ପୁରୀ ଜିଲ୍ଲା ସତ୍ୟବାଦୀ ବ୍ଲକରେ ଫନୀ ବାତ୍ୟାରେ ଘର ଅବଂଟନକୁ ନେଇ ଉତେଜନା । ବିଡିଓଙ୍କୁ ଘେରିଲେ ଶହ ଶହ ଲୋକ । ବ୍ଲକ ଅଫିସରେ ହୋ ହଲ୍ଲା । ଗତ ଫନୀ ବାତ୍ୟାରେ କ୍ଷତିଗ୍ରସ୍ତ ଲୋକଙ୍କୁ ଘର ଆବଂଟନରେ ହେରଫେର ହୋଇଥିବା ନେଇ ଅଭିଯୋଗ ଆଣିଛନ୍ତି କ୍ଷତିଗ୍ରସ୍ତ ଲୋକେ । ଘର ଆବଂଟନରେ ପ୍ରକୃତ କ୍ଷତିଗ୍ରସ୍ତଙ୍କୁ ଏଯାଏଁ ଘର ଦିଆଯାଇନଥିବା ବେଳେ ଯେଉଁମାନଙ୍କର କୋଠା ଘର ରହିଛି ସେମାନଙ୍କୁ ଘର ଦିଆଯାଇଥିବା ନେଇ ସେମାନେ ସାଂଘାତିକ ଅଭିଯୋଗ ଆଣିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ପୁରୀ ଜିଲ୍ଲାର ଅସ୍ତରଙ୍ଗ ବ୍ଲକ୍ ଅନ୍ତର୍ଗତ ତାଳଦା ପଞ୍ଚାୟତ ଏଡ଼ବାଂଶରେ ଅବକାରୀ ବିଭାଗର ପ୍ରସ୍ତାବିତ ମଦ ଦୋକାନକୁ ତୀବ୍ର ବିରୋଧ କରାଯାଉଛି । ଏ ନେଇ ଗତ କିଛି ଦିନ ହେବ ରାଜ୍ୟର ବିଭିନ୍ନ ମହଲରେ ତୀବ୍ର ପ୍ରତିକ୍ରିୟା ଦେଖା ଦେଇଛି । ଆଜି ତାଳଦା ବିକାଶ ପରିଷଦର ସମସ୍ତ ସଭ୍ୟ, ସ୍ଥାନୀୟ ମହିଳା ଗୋଷ୍ଠୀ, ଯୁବ ଗୋଷ୍ଠୀ, ଅସ୍ତରଙ୍ଗର ଯୁବ ବିଜେପି ଗୋଷ୍ଠୀ ଏବଂ ଅନ୍ୟାନ୍ୟ ଅଞ୍ଚଳର ବିଭିନ୍ନ ସଂଗଠନର କର୍ମକର୍ତ୍ତା ଏକାଠି ହେବା ଦେଖିବାକୁ ମିଳିଥିଲା । ପୂର୍ବାହ୍ନ ୧୧ଟାରୁ ଏକାଠି ହୋଇ ଏମାନେ ଜନଜାଗରଣ ଯାତ୍ରା ଆରମ୍ଭ କରି ସଚେତନତା ସୃଷ୍ଟି କରିଥିଲେ ।
ସ୍ଥାନୀୟ ବୁଦ୍ଧେଶ୍ବର ମନ୍ଦିର ନିକଟରୁ ଏକ ବିରାଟ ଶୋଭାଯାତ୍ରାରେ ଏମାନେ ବାହାରି ଗାଁଗଣ୍ଡା ପରିକ୍ରମା କରିବା ସହ ସାଇ ମନ୍ଦିର ନିକଟରେ ପହଞ୍ଚିଥିଲେ । ମଦ ବିରୋଧୀ ସଚେତନତା ଥିବା ବାର୍ତ୍ତା ଥିବା ପ୍ଲାଏ କାର୍ଡ,ବ୍ୟାନର ଧରି ସ୍ୱର ଉତ୍ତୋଳନ କରିଥିଲେ । ସରକାରଙ୍କ ବିରୋଧରେ ନାରାବାଜି ଦେଇଥିଲେ । ମଦ ବିରୋଧରେ ଆମର ଏ ଆନ୍ଦୋଳନ, ଓଡ଼ିଶାରେ ନ ରହୁ ଆଉ ମଦ ଦୋକାନ, ଯୋଜନା ଉପରେ ଯୋଜନା କରି , ଶାସନ କରୁ ଆମ ସଂସାର ମାରି,ମଦୁଆ ସରକାର-ହାଏ-ହାଏ ଆଦି ସ୍ଲୋଗାନ୍ ଦେଇଥିବା ଦେଖିବାକୁ ମିଳିଥିଲା ।