ଗଜପତିଙ୍କ ଟାର୍ଗେଟରେ ସରକାର । କହିଲେ, ଶ୍ରୀମନ୍ଦିର ପରିଚାଳନାକୁ ଦିଆଯାଉ ପ୍ରାଥମିକତା । ମନ୍ଦିର ପ୍ରଶାସକ କହିଲେ, ଦୋଷୀଙ୍କ ବିରୋଧରେ ହେବ କାର୍ଯ୍ୟାନୁଷ୍ଠାନ
କନକ ବ୍ୟୁରୋ: ଶ୍ରୀମନ୍ଦିର ବିଭ୍ରାଟକୁ ନେଇ ରାଜ୍ୟ ସରକାରଙ୍କୁ ଟାର୍ଗେଟ କଲେ ଗଜପତି ମହାରାଜ । ବିଭ୍ରାଟ ପାଇଁ ସେ ପରୋକ୍ଷରେ ସରକାରଙ୍କୁ ଦାୟି କରିଛନ୍ତି । ଗଣମାଧ୍ୟମ ଆଗରେ କହିଛନ୍ତି ବର୍ତମାନର ଶାସକଙ୍କ ଯୋଗୁଁ ଧର୍ମ ଅବକ୍ଷୟ ମୁଖୀ ହେଉଛି । କାରଣ ସେମାନେ ଧର୍ମ ରକ୍ଷାକୁ ନିଜ ଦାୟିତ୍ୱ ବୋଲି ଭାବୁ ନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ଯଦି ଏପରି ଚାଲେ ତେବେ ଧର୍ମର ପ୍ରଚାର ପ୍ରସାର କିଏ କରିବ ବୋଲି ପ୍ରଶ୍ନ କରିଛନ୍ତି ଗଜପତି ମହାରାଜ ଦିବ୍ୟସିଂହ ଦେବ । କିଛି ମୁଷ୍ଟିମେୟ ସଂସ୍ଥା ଯୋଗୁଁ ଜଗନ୍ନାଥ ଚେତନା ଦୀପ ପ୍ରଜ୍ଜଳ୍ୱିତ ହୋଇ ରହିଛି । ଗଜପତିମାନେ ଜଗନ୍ନାଥ ମନ୍ଦିର ପରିଚାଳନା ଓ ଧର୍ମକୁ ନିଜର ରାଜଧର୍ମ ପରି ପାଳନ କରୁଥିଲେ । ତେଣୁ ବର୍ତମାନ ସରକାର ଶ୍ରୀମନ୍ଦିର ପରିଚାଳନାକୁ ନିଜର ପ୍ରାଥମିକତା ଯୋଜନାରେ ସାମିଲ କରିବା ଦରକାର ବୋଲି କହିଛନ୍ତି ଗଜପତି ମହାରାଜ ।
ଅନ୍ୟପଟେ, ଗତକାଲି ଶ୍ରୀମନ୍ଦିରରେ ହୋଇଥିବା ବିଶୃଙ୍ଖଳାକୁ ନେଇ ପ୍ରତିକ୍ରିୟା ରଖିଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ । ଗତକାଲିର ଘଟଣା ଦୁଃଖଦ ଓ ଏଥିପାଇଁ ସେ ଦୁଃଖିତ ବୋଲି କହିଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ ପ୍ରଦୀପ ମହାପାତ୍ର । ଏଥିସହ ସେ କହିଛନ୍ତି ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
ସେବାୟତଙ୍କ ଦାହି ଗ୍ରହଣ ଯୋଗ୍ୟ ନୁହେଁ । ଏହି ପ୍ରସଙ୍ଗ ଛତିଶାନିଯୋଗ ଓ ପରିଚାଳନା କମିଟି ବୈଠକରେ ଉଠାଇ ଆଲୋଚନା କରିଯିବ । ସେବାୟତମାନେ ମନ୍ଦିର ପ୍ରଶାସନର କଥା ଶୁଣୁ ନାହାନ୍ତି ବୋଲି କହିଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ ।