ଦୀର୍ଘ ଗୋଟିଏ ବର୍ଷ ପରେ ଖୋଲିଲା ପୁରୀ ନିକଟସ୍ଥ ବ୍ଲୁ ସ୍ପୋର୍ଟ୍ସ ୱାଟର ପାର୍କ : ପର୍ଯ୍ୟଟକଙ୍କୁ ଆକର୍ଷିତ କରିବା ପାଇଁ ସଂସ୍ଥା ପକ୍ଷରୁ ରଖାଯାଇଛି ଆକର୍ଷଣୀୟ ଅଫର
ପ୍ରଥମ ଦିନରେ ୱାଟର ପାର୍କରେ ଜମିଲା ସ୍ଥାନୀୟ ଲୋକ ଓ ପର୍ଯ୍ୟଟକଙ୍କ ଭିଡ଼
କନକ ବ୍ୟୁରୋ : କୋଭିଡ୍ କଟକଣାର ଦୀର୍ଘ ଗୋଟିଏ ବର୍ଷ ପରେ ଖୋଲିଛି ପୁରୀ ବେଲଦଳରେ ଥିବା ବ୍ଲୁ ସ୍ପୋର୍ଟ୍ସ ୱାଟର ପାର୍କ । କରୋନା କାରଣରୁ ବନ୍ଦ ଥିବା ପାର୍କ ଖୋଲିବା ପରେ ପର୍ଯ୍ୟଟକ ଓ ସ୍ଥାନୀୟ ଲୋକଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ୱାଟର ପାର୍କ ସାଙ୍ଗକୁ ଜଙ୍ଗଲ କ୍ୟାମ୍ପର ମଜା ନେଇଛନ୍ତି ପର୍ଯ୍ୟଟକ । ଏହି ୱାଟର ପାର୍କ ପୁଣି ଥରେ ଚଳଚଂଚଳ ହୋଇ ଉଠିଛି । ପର୍ଯ୍ୟଟନ ଦୃଷ୍ଟିରୁ ପୁରୀ ପର୍ଯ୍ୟଟକଙ୍କର ଏକ ପ୍ରମୁଖ କେନ୍ଦ୍ର ହୋଇଥିବା ବେଳେ ୱାଟର ପାର୍କ ସେମାନଙ୍କ ଆଗ୍ରହକୁ ଦୁଇ ଗୁଣିତ କରିଦେଉଛି ।
Kanak News is now on WhatsApp
Join and get latest news updates delivered to you via WhatsApp
ବଡ଼ କଥା ହେଉଛି ଏଠାରେ ୪୦ ପ୍ରକାରର ମନୋରଂଜନ କାର୍ଯ୍ୟକ୍ରମ ସମେତ ଜଙ୍ଗଲ କ୍ୟାମ୍ପର ମଜା ଉଠାଇବାର ସମସ୍ତ ସୁବିଧା ରହିଛି । ବୋଟିଂ, ପାଡେଲିଂ, ରାଇଫଲ ସୁଟିଂ ଭଳି ବିଭିନ୍ନ ମନୋରଂଜନ ଭିତିକ ଉପକରଣ ଓ କାର୍ଯ୍ୟକ୍ରମର ସୁବିଧା ରହିଛି । କୋଭିଡ୍ କାରଣରୁ ଯୋଗୁଁ ବନ୍ଦ ଥିବା ଏହି ୱାଟର ପାର୍କ ଗତକାଲିଠାରୁ ପୁଣି ଥରେ ସ୍ୱାଭାବିକ ଚାଲିବ ବୋଲି ପାର୍କର ପରିଚାଳନା ନିର୍ଦ୍ଦେଶକ ସୂଚନା ଦେଇଛନ୍ତି ।