ବିପର୍ଯ୍ୟସ୍ତ ଅବସ୍ଥାରେ କାକଟପୁରରେ ବିଶୁଦ୍ଧ ପାନୀୟ ଜଳ ଯୋଗାଣ ପ୍ରକଳ୍ପ । ଅଧିକାରୀଙ୍କ ଦାୟିତ୍ୱହୀନତା ଯୋଗୁଁ ପାଣି ଟାଙ୍କିରେ ଫୁଟିଛି କଇଁ
କନକ ବ୍ୟୁରୋ : ପୁରୀ ଜିଲ୍ଲା ଅସ୍ତରଙ୍ଗ ଓ କାକଟପୁର ବ୍ଲକରେ କାର୍ୟ୍ୟକାରୀ ହେଉଥିବା ରାଜ୍ୟର ସବୁଠାରୁ ବଡ ଗ୍ରାମାଞ୍ଚଳ ବିଶୁଦ୍ଧ ପାନୀୟଜଳ ଯୋଗାଣ ପ୍ରକଳ୍ପ ଏବେ ବିପର୍ଯ୍ୟୟ ଆଡକୁ ଗତିକରୁଛି । କାକଟପୁର ଠାରେ ବୃହତ ପାନୀୟ ଜଳ ବିଶୋଧନ ପ୍ଳାଣ୍ଟ ପରିସର ଅନାବନା ଗଛରେ ପରିପୂର୍ଣ୍ଣ ହୋଇଥିବା ବେଳେ ବିଶୋଧନ ଟାଙ୍କିରୁ ଆବର୍ଜନା ପାଣି ଆସୁଛି । ଟାଙ୍କିରେ କଇଁଫୁଲ ଫୁଟିବା ସହିତ ଦଳରେ ଭର୍ତି ହୋଇରହିଛି ।
Kanak News is now on WhatsApp
Join and get latest news updates delivered to you via WhatsApp
ଅପରପକ୍ଷରେ ଅସ୍ତରଙ୍ଗ ବ୍ଲକ କୁହୁଡି ଠାରେ ଜଳଯୋଗାଣ କାର୍ଯ୍ୟାଳୟ ରହିଥିଲେ ମଧ୍ୟ ଏହି କର୍ଜୟାଳୟକୁ ବିଭାଗୀୟ କନିଷ୍ଠ ଯନ୍ତ୍ରୀ ଆସୁନଥିବାରୁ ବର୍ଷ ବର୍ଷ ଧରି ତାଲା ଝୁଲୁଛି । ପୁରି ଜିଲ୍ଲା ଅସ୍ତରଙ୍ଗ, କାକଟପୁର ବ୍ଲକର ୧୨ଟି ସମୁଦ୍ରକୂଳିଆ ପଂଚାୟତବାସୀଙ୍କୁ ମଧୁର ପାନୀୟଜଳ ଯୋଗାଇ ଦେବାକୁ ଜଳ ଯୋଗାଣ ପ୍ରକଳ୍ପ କାର୍ୟ୍ୟକାରୀ ହେଉଛି । ହେଲେ ଏବେ ଏହି ପ୍ରକଳ୍ପ ବିପର୍ଯ୍ୟୟ ଅବସ୍ଥାରାରେ । ପ୍ରାଚୀ ନଦୀରୁ ପାଇପ ଯୋଗେ ପାଣି ଆଣି ଲୋକଙ୍କୁ ଯୋଗାଇ ଦେବା ଉଦେଶ୍ୟରେ କାକଟପୁରରେ ୧୪ କୋଟି ବ୍ୟୟରେ ଏକ ବିଶୋଧନ ପ୍ଳାଣ୍ଟ ନିର୍ମାଣ କରାଯାଇଛି ।
କିନ୍ତୁ ବିଭାଗୀୟ ଅଧିକାରୀଙ୍କ ଦାୟିତ୍ଵହୀନତା ଯୋଗୁଁ ଏହା ଏବେ ବିପର୍ଯ୍ୟୟ ଅବସ୍ଥାରେ କାର୍ୟ୍ୟ କରୁଛି । ବିଶୋଧନ ପ୍ଲାଣ୍ଟର ଟାଙ୍କି ଗୁଡିକୁ ବର୍ଷ ବର୍ଷ ଧରି ସାଫା କରାନଯିବା କାରଣରୁ ଏଥିରେ ଦଳ, ଅନାବନା ଗଛ, କଇଁଫୁଲ ଫୁଟିଥିବା ଦେଖିବାକୁ ମୁଳୁଛି । ଏହାସହ ଲୋକଙ୍କୁ ପାଇପ ଯୋଗେ ହଳଦିଆ ପାଣି ଯୋଗାଇ ଦିଆଯାଉଛି । ବିଶେଷକରି ଖୋଦ କ୍ରିଡା ଓ ଯୁବବ୍ୟାପାର ମନ୍ତ୍ରୀ ତୃଷାରକାନ୍ତି ବେହେରାଙ୍କ ଗାଁରେ ବି ଲୋକେ ଅଳିଆ ଆବର୍ଜନା ମିଶା ପାଣି ପିଉଥିବା ଅଭିଯୋଗ କରିଛନ୍ତି ।
ଅସ୍ତରଙ୍ଗ ବ୍ଲକ ପାନୀ ୟଜଳ ଯୋଗାଣ ଦାଇତ୍ଵରେ ଥିବା କନିଷ୍ଟ ଜନ୍ତ୍ରୀ ମନୋଜ କୁମାର ସେଠୀ ଅସ୍ତରଙ୍ଗ ସ୍ଥିତ କାର୍ଯ୍ୟାଳୟକୁ ନଆସିବାରୁ ଅଫିସ ପରିସର ଭୂତକୋଠି ପାଲଟିଛି । ଅଫିସରେ ତାଲା ପଡିଛି । ଅଫିସ ପରିସରରେ ଗଛଲତା ମାଡି ଯାଇଛି । ଆଉ ଯନ୍ତ୍ରୀଙ୍କ ଆସିବା ନଆସିବା ସଂପର୍କରେ ପ୍ରତିକ୍ରିୟା ରଖି ଜଣେ କର୍ମଚାରୀ କହିଛନ୍ତି ସାର୍ ସପ୍ତାହକୁ ୨-୩ ଦିନ ଆସିଥାନ୍ତି ।
ରାଜ୍ୟରେ ଫାଇଭ୍ ଟି କାର୍ଯ୍ୟକାରୀ କରାଯାଉଛି । ସରକାରୀ କର୍ମଚାରୀଙ୍କ କାର୍ଯ୍ୟ ଦକ୍ଷତା ମପାଯାଉଛି । ହେଲେ ଏଠାରେ ବାବୁ ସପ୍ତାହକୁ ୨ରୁ ୩ ଦିନ ଅଫିସ ଆସନ୍ତି ଆଉ ବୁଲି ଚାଲି ଯାଆନ୍ତି ବୋଲି ଜଣେ କର୍ମଚାରୀ କହିଛନ୍ତି ।