ପଞ୍ଜାବ ମୁଖ୍ୟମନ୍ତ୍ରୀଙ୍କ ବଡ ଘୋଷଣା । ଶତ ପ୍ରତିଶତ ଟିକାକରଣ ହୋଇଥିବା ଗାଁକୁ ମିଳିବ ୧୦ ଲକ୍ଷ ଟଙ୍କାର ବିଶେଷ ସହାୟତା ରାଶି
କନକ ବ୍ୟୁରୋ : ଗାଁରେ କରୋନା ଟିକାକରଣକୁ ପ୍ରୋତ୍ସାହିତ କରିବାକୁ ମଙ୍ଗଳବାର ଦିନ ପଞ୍ଜାବ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂ ଏକ ମହତ୍ୱପୂର୍ଣ୍ଣ ଘୋଷଣା କରିଛନ୍ତି । ମୁଖ୍ୟମନ୍ତ୍ରୀ କହିଛନ୍ତି କି ଯେଉଁ ଗାଁ ଶତ ପ୍ରତିଶତ ଟିକାକରଣ ଟାର୍ଗେଟ୍ ଫିଲପ କରିବ ସେହି ଗ୍ରାମକୁ ରାଜ୍ୟ ସରକାରଙ୍କ ତରଫରୁ ୧୦ ଲକ୍ଷ ଟଙ୍କାର ବିଶେଷ ସହାୟତା ରାଶି ପ୍ରଦାନ କରାଯିବ । ପଞ୍ଜାବ ସରକାର ‘କରୋନା ମୁକ୍ତ ଗାଁ’ ଅଭିଯାନ ଅଧିନରେ ଏଭଳି ଘୋଷଣା କରିଛନ୍ତି । ଏହାସହ ଗ୍ରାମ ମୁଖିଆ ଓ ସରପଂଚ ମାନଙ୍କୁ ଟିକାକରଣ, ସଚେତନତା, କରୋନା ଟେଷ୍ଟିଂ ଆଦିକୁ ଲୋକମାନଙ୍କ ପାଖରେ ପହଂଚାଇବାକୁ ଆହ୍ୱାନ ଦେଇଛନ୍ତି ମୁଖ୍ୟମନ୍ତ୍ରୀ । ଏନେଇ ୨ ହଜାରରୁ ଅଧିକ ପଂଚାୟତ ମୁଖିଆଙ୍କ ସହ ସେ ଭର୍ଚୁଆଲି ଆଲୋଚନା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହାସହ କରୋନା ପାଇଁ ଜଣେ ସରପଂଚ ଦୈନିକ ପଞ୍ଚାୟତ ପାଣ୍ଠିରୁ ୫ ହଜାର ଟଙ୍କା ଜରୁରୀକାଳୀନ ଖର୍ଚ୍ଚ କରିବାକୁ ସେ ଅନୁମତି ଦେଇଛନ୍ତି । କହିରଖୁ କି, ପଞ୍ଜାବରେ ଏପର୍ଯ୍ୟନ୍ତ ୫ ଲକ୍ଷରୁ ଅଧିକ କରୋନା ସଂକ୍ରମିତ ଚିହ୍ନଟ ହୋଇସାରିଛନ୍ତି । ଏହାସହ ଏବେ ପଞ୍ଜାବରେ ଆକ୍ଟିଭ କେସ୍ ୭୩.୬୧୬ ରହିଛି । ଅନ୍ୟପଟେ କରୋନା ସଂକ୍ରମଣରେ ରାଜ୍ୟରେ ମୋଟ ୧୨ ହଜାର ଲୋକଙ୍କ ଜୀବନ ଯାଇଛି ।
Interacted with Sarpanches of Punjab today to seek their active support in fighting #Covid19 together and increasing pace of testing & vaccination in all our villages. Fulfilling our promise, have announced a special grant of Rs. 10 lakh to villages getting 100% vaccinated. pic.twitter.com/x3AGYoGIOj
— Capt.Amarinder Singh (@capt_amarinder) May 18, 2021
ସେପଟେ ଦେଶରେ କରୋନା ସଂକ୍ରମଣ କମିବାରେ ଲାଗିଛି ଓ ସୁସ୍ଥକଙ୍କ ସଂଖ୍ୟା ବଢିବାରେ ଲାଗିଛି । ଗତ ୨୪ ଘଂଟାରେ ଦେଶରେ ୨.୬୩,୫୩୩ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ୪,୩୨୯ ଜଣ କରୋନା ସଂକ୍ରମଣରେ ପ୍ରାଣ ହରାଇଛନ୍ତି ।