‘ରାଜନୀତି ଛାଡି ଦେବି’: କାହିଁକି ଟ୍ୱିଟରରେ ଏମିତି ଲେଖିଲେ ସିଦ୍ଧୁ?
କନକ ବ୍ୟୁରୋ: ପଞ୍ଜାବ କଂଗ୍ରେସ ଅଧ୍ୟକ୍ଷ ନବଜ୍ୟୋତ ସିଂ ସିଦ୍ଧୁ ଶିରୋମଣି ଅକାଳି ଦଳର ମୁଖ୍ୟ ଶୁଖବୀର ସିଂ ବାଦଲଙ୍କୁ ପାଲଟା ଜବାବ ଦେଇଛନ୍ତି । ସେ କହିଛନ୍ତି, ଡିଜିପିଙ୍କ ସହ ସାକ୍ଷାତକାର କରି ପୋଲିସ ଉପରେ ଚାପ ପକାଇବା କଥା ଯଦି ସତ ପ୍ରମାଣ ହୁଏ ତେବେ ମୁଁ ରାଜନୀତି ଛାଡି ଦେବି । ଏହି ସିଦ୍ଧୁଙ୍କ ଏହି ଟ୍ୱିଟ ପରେ ଏବେ ଚର୍ଚ୍ଚା ଜୋର ଧରିଛି ।
Kanak News is now on WhatsApp
Join and get latest news updates delivered to you via WhatsApp
ନବଜ୍ୟୋତ ସିଂ ସିଦ୍ଧୁ ଟ୍ୱିଟ କରି ଲେଖିଛନ୍ତି, ମୁଁ ରାଜନୀତି ଛାଡି ଦେବି ଯଦି ସୁଖବିନ୍ଦର ସିଂ ବାଦଲ ପ୍ରମାଣିତ କରିଦେବେ କି ମୁଁ ଡିଜିପିଙ୍କ ସହ ବନ୍ଦ କୋଠରୀରେ ବୈଠକ କରିଥିଲି । ଯିଏ ୨୦୧୫ରେ ନିର୍ଦ୍ଦୋଶ ଶିଖ ଯୁବକମାନଙ୍କୁ ହାଜତରେ ପୂରାଇଥିଲେ । ସେହି ବାଦଲଙ୍କୁ ମଧ୍ୟ କ୍ଲିନଚିଟ ଦିଆଯାଇଥିଲା, ନୂତନ ସରକାର ଗଠନ ପରଠୁ ପୂର୍ବତନ ଡିଜିପିଙ୍କ ଘନିଷ୍ଠ ଥିଲେ ।
ସୁଖବିନ୍ଦର ସିଂ ବାଦଲ ପୂର୍ବରୁ ଅଭିଯୋଗ କରିଥିଲେ, ମୁଖ୍ୟମନ୍ତ୍ରୀ ଚନ୍ନୀ ସିଦ୍ଧୁ ଓ ଉପମୁଖ୍ୟମନ୍ତ୍ରୀଙ୍କୁ ଭ୍ଟେିବା ପରେ ଡିଜିପିଙ୍କୁ ଅକାଳୀ ଦଳର ସିନିୟର ନେତା ବିକ୍ରମ ସିଂଙ୍କ ବିରୋଧରେ ମିଛ ମାମଲା ଦାୟର କରିବାକୁ କହିଥିଲେ । ଫଳରେ ଅକାଳୀ ଦଳ ବିପକ୍ଷରେ ବଦଲା ନେଇପାରିବେ ।