କନକ ବ୍ୟୁରୋ : ପଞ୍ଜାବର ହୁସେନିବାଲା ଠାରେ ବୁଧବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସୁରକ୍ଷା ଢିଲା ପ୍ରସଙ୍ଗରେ ବିଜେପି ଓ କଂଗ୍ରେସ ପରସ୍ପର ଉପରେ ଆରୋପ ପ୍ରତ୍ୟାରୋପ ଲଗାଇବାରେ ଲାଗିଛନ୍ତି । ଏହାରି ମଧ୍ୟରେ ପଞ୍ଜାବ କଂଗ୍ରେସ ଅଧ୍ୟକ୍ଷ ନବଜ୍ୟୋତ ସିଂ ସିଦ୍ଧୁ ଏକ ଲଜ୍ଜାଜନକ ବୟାନ ଦେଇ ଏହାକୁ ଡ୍ରାମା ବୋଲି କହିଛନ୍ତି । ସିଦ୍ଧୁ କହିଛନ୍ତି ପ୍ରଧାନମନ୍ତ୍ରୀଙ୍କ ସୁରକ୍ଷା ଢିଲା ଏକ ଡ୍ରାମା ଥିଲା । କେବଳ ରାଲିରେ ଲୋକ ଭିଡ ହୋଇ ନଥିବାରୁ ପ୍ରଧାନମନ୍ତ୍ରୀ ଏଭଳି ନିଷ୍ପତ୍ତି ନେଇଥିଲେ ବୋଲି ସିଦ୍ଧୁ କହିଛନ୍ତି ।
ଅନ୍ୟପଟେ ପଞ୍ଜାବ ଏଡିଜିପିଙ୍କ ଚିଠି ମୁତାବକ ପଞ୍ଜାବ ସରକାର କୃଷକଙ୍କ ଧାରଣା ବାବଦରେ ପ୍ରଥମରୁ ପଞ୍ଜାବ ସରକାରଙ୍କ ପାଖରେ ସୂଚନା ଥିଲା । ଏଡିଜିପି ତାଙ୍କ ଚିଠିରେ ଲେଖିଥିଲେ କି ୫ ତାରିଖ ଦିନ ବର୍ଷା ହେବାର ଅନୁମାନ କରାଯିବା ସହ କୃଷକମାନେ ଧାରଣା ଦେବା ନେଇ ସମ୍ଭାବନା ଥିଲା । ଏନେଇ ସ୍ୱତନ୍ତ୍ର ସୁରକ୍ଷା ବ୍ୟବସ୍ଥା କରାଯିବାର ଆବଶ୍ୟକ ରହିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଏଡିଜିପି ପୂର୍ବରୁ ପଞ୍ଜାବ ସରକାରଙ୍କୁ ଚିଠି ଲେଖି ଏସବୁ ଜଣାଇଥିବା ବେଳେ ପଞ୍ଜାବ ସରକାର ଏହା ଉପରେ କାର୍ଯ୍ୟାନୁଷ୍ଠାନ ନନେବା ସରକାରଙ୍କର ଭିନ୍ନ ଉର୍ଦ୍ଦେଶ୍ୟକୁ ପ୍ରତିପାଦିତ କରୁଛି । କହିରଖୁ କି ଗତକାଲିର ଘଟଣା ପରେ ମୁଖ୍ୟମନ୍ତ୍ରୀ ଚରଣଜିତସିଂ ଚନ୍ନି ଦାବି କରିଥିଲେ କି ପ୍ରଧାନମନ୍ତ୍ରୀ ସଡକ ପଥରେ ଆସୁଥିବା ନେଇ ତାଙ୍କ ପାଖରେ କୌଣସି ସୂଚନା ନଥିଲା । ଅନ୍ୟପଟେ ସୁରକ୍ଷାରେ କୌଣସି ବ୍ୟତିକ୍ରମ ହୋଇ ନଥିବା କଥା ଚନ୍ନି ସ୍ପଷ୍ଟ କରିଥିଲେ ।
ପଞ୍ଜାବ ଗସ୍ତ ବେଳେ ସୁରକ୍ଷା କାରଣରୁ ପ୍ରଧାନମନ୍ତ୍ରୀ ଫେରିବା ନେଇ ରାଷ୍ଟ୍ରପତି ରାମନାଥ କୋବିନ୍ଦ ଚିନ୍ତାପ୍ରକଟ କରିଛନ୍ତି । ଏହାପରେ ପ୍ରଧାନମନ୍ତ୍ରୀ ରାଷ୍ଟ୍ରପତିଙ୍କୁ ଭେଟିବାକୁ ତାଙ୍କର ଅଧିକାରୀକ ଆବାସରେ ପହଂଚିଛନ୍ତି ।