କନକ ବ୍ୟୁରୋ : କେବେ ସୋନିଆ ଗାନ୍ଧୀଙ୍କ ସହ ଫଟୋ ତ କେବେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂଙ୍କ ସହ । ଜଣେ ପତ୍ରକାରଙ୍କ ଫଟୋକୁ ନେଇ ପଞ୍ଜାବ ରାଜନୀତି ସରଗରମ ହୋଇଥିବା ବେଳେ ସଂପୃକ୍ତ ପାକିସ୍ତାନୀ ପତ୍ରକାର ଏବେ ମୁହଁ ଖୋଲିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କ୍ୟାପଟେନ ଅମରିନ୍ଦର ସିଂ ପଞ୍ଜାବ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ପରେ ଏବେ ପାକିସ୍ତାନୀ ପ୍ରତକାର ଅରୋସା ଆଲମଙ୍କୁ ନେଇ ଚର୍ଚ୍ଚା ଜୋର ଧରିଛି । କଂଗ୍ରେସ ନେତାମନେ ଅରୋସା ଅଲାମଙ୍କ ନାମକୁ ନେଇ କ୍ୟାପଟେନ ଅମରିନ୍ଦର ସିଂଙ୍କୁ ଟାର୍ଗେଟ କରିଛନ୍ତି । ସେପଟେ କ୍ୟାପଟେନ ବି ସୋନିଆଙ୍କ ସହ ଅରୋସାଙ୍କ ଏକ ଫଟୋ ସୋସିଆଲ ମିଡିଆରେ ସେୟାର କରି କଂଗ୍ରେସକୁ ହରଡଘଣାରେ ପକାଇଛନ୍ତି । ଏହାରି ମଧ୍ୟରେ ଖୁଦ ଅରୋସା ଅଲାମ ମୁହଁ ଖୋଲିଛନ୍ତି । ସେ କହିଛନ୍ତି କି କଂଗ୍ରେସ ନେତାମାନଙ୍କ ବୟାନ ଶୁଣି ସେ ବେସ୍ ଦୁଃଖିତ ଅଛନ୍ତି ଓ ଏଭଳି ବୟାନ ଶୁଣିବା ପରେ ସେ ଆଉ କେବେ ଭାରତ ଆସିବେ ନାହିଁ ବୋଲି କହିଛନ୍ତି ।
କହିରଖୁ କି ଗତ ସପ୍ତାହରେ ପଞ୍ଜାବ ଉପ ମୁଖ୍ୟମନ୍ତ୍ରୀ ସୁଖଜିନ୍ଦର ସିଂ ରନ୍ଧୱା କହିଥିଲେ କି ଅରୋସା ଅଲମଙ୍କ ଆଇଏସଆଇ ସହିତ ଥିବା ସଂପୃକ୍ତ ନେଇ ଯାଂଚ କରାଯିବ । ଅନ୍ୟପଟେ ଅମରିନ୍ଦର ସିଂ ଆଲମଙ୍କୁ ସୁରକ୍ଷା ଦେବା ଆଳରେ ଏକ ଟ୍ୱିଟ୍ କରି କହିଛନ୍ତି କି ଆଲମଙ୍କୁ ଭାରତ ସରକାରଙ୍କ ଅନୁମତି ମିଳିବା ପରେ ସେ ୧୬ ବର୍ଷ ହେବ ଭାରତ ଆସୁଛନ୍ତି ।
ଏକ ଜାତୀୟ ଗଣମାଧ୍ୟମ ସହ ଆଲୋଚନା ବେଳେ ଆଲମ କହିଛନ୍ତି ଯେ “ ମୋର ବିଶ୍ୱାସ ହେଉନାହିଁ ସୁଖଜିନ୍ଦର ସିଂ ରନ୍ଧୱା ଏତେ ତଳକୁ ଖସିଯିବେ, କ୍ୟାପଟେନଙ୍କୁ ଅଡୁଆରେ ପକାଇବାକୁ ସେମାନେ ମୋ ନାମକୁ ବ୍ୟବହାର କରୁଛନ୍ତି ” । କହିରଖୁ କି ଅରୁସା ଆଲମ କ୍ୟାପଟେନ୍ ଅମରିନ୍ଦରସିଂଙ୍କର ଜଣେ ଘନିଷ୍ଟ ବନ୍ଧୁ ଓ କ୍ୟାପଟେନ ମୁଖ୍ୟମନ୍ତ୍ରୀ ଥିବା ବେଳେ ସେ କିଛିବର୍ଷ ପଞ୍ଜାବରେ ଅତିବାହିତ କରିଥିଲେ ।