ପଞ୍ଜାବ ବିଧାନସଭା ନିର୍ବାଚନ ପାଇଁ ପ୍ରାର୍ଥୀ ଘୋଷଣା କଲା କଂଗ୍ରେସ । ଚମକୌର ସାହିବରୁ ଲଢିବେ ଚନ୍ନୀ, ଅମୃତସର ପୂର୍ବରୁ ଲଢିବେ ସିଦ୍ଧୁ
କନକ ବ୍ୟୁରୋ: ପଞ୍ଜାବ ବିଧାନସଭା ନିର୍ବାଚନ ପାଇଁ କଂଗ୍ରେସ ଶନିବାର ୮୬ ପ୍ରାର୍ଥୀଙ୍କ ନାଁ ଘୋଷଣା କରିଛି । ତେବେ ମୁଖ୍ୟମନ୍ତ୍ରୀ ଚରଣଜୀତ୍ ସିଂହ ଚନ୍ନୀ ଏଥର ନିର୍ବାଚନରେ ଚମକୌର ସାହିବରୁ ନିର୍ବାଚନ ଲଢିବେ । ସେହିପରି ନବଜ୍ୟୋତ୍ ସିଂହ ସିଦ୍ଧୁ ଅମୃତସର ପୂର୍ବ ଆସନରୁ ଇଲେକ୍ସନ ଲଢିବେ ବୋଲି ଘୋଷଣା କରାଯାଇଛି । ଏଥିସହିତ ଉପମୁଖ୍ୟମନ୍ତ୍ରୀ ସୁଖଜିନ୍ଦର ସିଂହ ରନ୍ଧାୱା ଡେରା ବାବା ନାନକ ସିଟରୁ ନିର୍ବାଚନ ଲଢିବେ । ତେବେ ନିକଟରେ କଂଗ୍ରେସରେ ଯୋଗ ଦେଇଥିବା ମାଲବିକା ସୁଦ୍ ମୋଗାରୁ କଂଗ୍ରେସ ପ୍ରାର୍ଥୀ ଭାବେ ନିର୍ବାଚନ ଲଢିବେ ବୋଲି ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
Following is the announced list of 86 candidates by CEC, who will be contesting in the Punjab Legislative Assembly election 2022.
Punjab Pradesh Congress Committee sends their best wishes to them to win the people’s mandate. pic.twitter.com/9HgJqyrrHr
— Punjab Congress (@INCPunjab) January 15, 2022
ପଞ୍ଜାବରେ ଏଥର ଗୋଟିଏ ପର୍ଯ୍ୟାୟରେ ଭୋଟ୍ ଗ୍ରହଣ ହେବ । ସମସ୍ତ ୧୧୭ ଆସନ ପାଇଁ ୧୪ ଫେବୃଆରୀରେ ଭୋଟ୍ ପଡିବ । ୧୪ ତାରିଖରେ ଭୋଟ୍ ପଡିବା ପରେ ମାର୍ଚ୍ଚ ୧୦ ତାରିଖରେ ସମସ୍ତ ଆସନର ଭୋଟ୍ କାଉଟିଂ ହେବ । ତେବେ ନିର୍ବାଚନ କମିଶନ ଘୋଷଣା କରିଥିବା ତାରିଖ ଅନୁସାରେ, ନିର୍ବାଚନ ପାଇଁ ଜାନୁଆରୀ ୨୧ ତାରିଖରେ ନୋଟିଫିକେସନ୍ ଜାରି ହେବ, ଜାନୁଆରୀ ୨୮ ତାରିଖରେ ପ୍ରାର୍ଥୀମାନେ ନାମାଙ୍କନ ଭରିବେ । ଏହାପରେ ଜାନୁଆରୀ ୨୯ ତାରିଖରେ ନାମାଙ୍କନ ପତ୍ରର ଯାଞ୍ଚ କରାଯିବ । ଜାନୁଆରୀ ୩୧ ତାରିଖ ସୁଦ୍ଧା ପ୍ରାର୍ଥୀମାନେ ନାମାଙ୍କନ ପତ୍ର ପ୍ରତ୍ୟାହାର କରିବେ ।
ପଞ୍ଜାବ ବିଧାନସଭାର କାର୍ଯ୍ୟକାଳ ୨୦୨୨ ମସିହା ମାର୍ଚ୍ଚ ୨୨ ତାରିଖରେ ଶେଷ ହେବାକୁ ଯାଉଛି । ତେବେ ଏଠାରେ ଶାସନ କ୍ଷମତା ହାତେଇବାକୁ ହେଲେ, କୌଣସି ଦଳ କିମ୍ବା ମେଣ୍ଟକୁ ୫୯ଟି ଆସନ ଜିତିବାକୁ ହେବ । ୨୦୨୨ରେ ଯେଉଁ ସବୁ ରାଜ୍ୟରେ ବିଧାନସଭା ନିର୍ବାଚନ ହେବାକୁ ଯାଉଛି, ସେ ମଧ୍ୟରୁ କଂଗ୍ରେସ ହେଉଛି ଏକମାତ୍ର ରାଜ୍ୟ, ଯେଉଁଠି କଂଗ୍ରେସ ଶାସନ କରୁଛି । ତେଣୁ ଏଠାରେ ବିଜେପି ଏବଂ ଆପ୍ ଶାସନ କ୍ଷମତା ଦଖଲ କରିବାକୁ ଚେଷ୍ଟା କରୁଥିବାବେଳେ, କଂଗ୍ରେସ ପୁଣି ଥରେ ନିଜର ଶାସନ ଅକ୍ତିଆର କରିବାକୁ ଅଙ୍କ କଷୁଛି ।