ଲକ୍ଷ୍ମୀପୁର ଚାଷୀ ମୃତ୍ୟୁ ଘଟଣା: ୫୦-୫୦ ଲକ୍ଷ ସହାୟତା ଘୋଷଣା କଲେ ପଂଜାବ, ଛତିଶଗଡ ସରକାର
କନକ ବ୍ୟୁରୋ: ଲକ୍ଷ୍ମୀପୁର ଚାଷୀ ମୃତ୍ୟୁ ଘଟଣାରେ ପ୍ରାଣ ହରାଇଥିବା ୮ଜଣ ଚାଷୀଙ୍କ ପରିବାରକୁ ୫୦-୫୦ ଲକ୍ଷ ସହାୟତା ଘୋଷଣା କଲେ ପଂଜାବ ମୁଖ୍ୟମନ୍ତ୍ରୀ ଚରଣଜିତ ସିଂହ ଚନ୍ନି ଓ ଛତିଶଗଡ ମୁଖ୍ୟମନ୍ତ୍ରୀ ଭୂପେଶ ବଘେଲ । ସୂଚନା ମୁତାବକ, ମୃତକଙ୍କ ପରିବାରକୁ ଦେଖା କରିବାକୁ ୪ ଦିନର ଟଣା ଓଟରା ପରେ କଂଗ୍ରେସ ସାଧାରଣ ସମ୍ପାଦିକା ପ୍ରିୟଙ୍କା ଗାନ୍ଧୀ ଓ ରାହୁଲ ଗାନ୍ଧୀଙ୍କ ସମେତ ଅନ୍ୟ ୪ଜଣ କଂଗ୍ରେସ ନେତାଙ୍କୁ ଅନୁମତି ମିଳିଥିବାବେଳେ ଅନ୍ୟ କୌଣସି ବିରୋଧୀ ନେତାଙ୍କୁ ଅନୁମତି ଦେଇନାହାଁନ୍ତି ଉତ୍ତରପ୍ରଦେଶ ସରକାର । ଏମାନଙ୍କ ମଧ୍ୟରେ ଅଛନ୍ତି ପଂଜାବ ମୁଖ୍ୟମନ୍ତ୍ରୀ ଚରଣଜିତ ସିଂହ ଚନ୍ନି ଓ ଛତିଶଗଡ ମୁଖ୍ୟମନ୍ତ୍ରୀ ଭୂପେଶ ବଘେଲ ଓ ସଚିନ ପାଇଲଟ୍ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ରାହୁଲ ଗାନ୍ଧୀ ଲକ୍ଷେ୍ନø ପହଞ୍ଚିିବା ପରେ ସେଠାରୁ ସୀତାପୁର ଯାଇ ପ୍ରିୟଙ୍କା ସହ ମୃତଙ୍କ ପରିବାର ଲୋକଙ୍କୁ ଭେଟିଛନ୍ତି । ପୂର୍ବରୁ ମୃତକଙ୍କ ପରିବାର ସହ ଭେଟିବା ଉପରେ କଡା ପ୍ରତିବନ୍ଧକ ଥିଲେ ବି ଏବେ ଏହାକୁ କୋହଳ କରିଛନ୍ତି ରାଜ୍ୟ ସରକାର । ଏକାବେଳକେ ନଯାଇ ପାଞ୍ଚ ପାଞ୍ଚ ଜଣ ଯିବାକୁ ପଶାସନ କହିଛି । କଟକଣା କେବଳ ରାଜ୍ୟରେ ଶାନ୍ତି ବଜାୟ ରଖିବାକୁ ହୋଇଥିବା କହିଛନ୍ତି ରାଜ୍ୟ ସରକାର ।