ପଞ୍ଜାବ ପୂର୍ବତନ ଅର୍ଥମନ୍ତ୍ରୀଙ୍କ ବିରୋଧରେ ଲୁକଆଉଟ୍ ସର୍କୁଲାର ଜାରି: ବିଦେଶ ପଳାୟନ କରିବା ଆଶଙ୍କାରେ ବିମାନବନ୍ଦରରେ ଆଲର୍ଟ ।

କନକ ବ୍ୟୁରୋ: ଭଟିଣ୍ଡା ଜମି ଆବଣ୍ଟନ ମାମଲାରେ ସମ୍ପୃକ୍ତ ଥିବା ପଞ୍ଜାବ ପୂର୍ବତନ ଅର୍ଥମନ୍ତ୍ରୀ ମନପ୍ର୍ରୀତ୍ ବାଦଲଙ୍କ ବିରୋଧରେ ଜାରି ହୋଇଛି ଲୁକଆଉଟ୍ ସର୍କୁଲାର ଜାରି ହୋଇଛି । ଯେପରି ଦେଶ ଛାଡି ଅନ୍ୟତ୍ର ନଯାଇପାରିବେ ସେଥିପାଇଁ ବିମାନ ବନ୍ଦରରେ କଡାକଡି କରାଯାଇଛି ସୁରକ୍ଷା ବ୍ୟବସ୍ଥା । ମନପ୍ରୀତ୍ ଭଟିଣ୍ଡା ସେସନ୍ କୋର୍ଟରୁ ଅଗ୍ରୀମ ଜାମିନ୍ ଆବେଦନ କରିଥିବାବେଳେ ଏବେ ନିଜ ଜାମିନ୍ ଆବେଦକୁ ପ୍ରତ୍ୟାହୃତ କରିନେଇଥିବା ଜଣାପଡିଛି ।

ଏଫଆଇଆର ପଞ୍ଜିକରଣ ପରେ ବାଦଲଙ୍କୁ ଖୋଜିବା ପାଇଁ ପୁଲିସ ସର୍ଚ୍ଚ ଅପରେସନ ଆରମ୍ଭ କରିଛି। ଅଧିକାରୀମାନେ ତାଙ୍କ ବାସଭବନ ତଥା ଅନ୍ୟାନ୍ୟ ଜଣାଶୁଣା ସ୍ଥାନରେ ଚଢ଼ାଉ କରିଥିଲେ ମଧ୍ୟ ତାଙ୍କର ବର୍ତ୍ତମାନ ସୁଧା କୌଣସି ଖୋଜଖବର ନାହିଁ। ଜାମିନ ପାଇଁ ବାଦଲଙ୍କ ଆବେଦନ ଶୁଣାଣି ପାଇଁ ମଧ୍ୟ ଆଜି ଧାର୍ୟ୍ୟ କରାଯାଇଛି। ଏହି ମାମଲାରେ ବର୍ତ୍ତମାନ ଭାରତୀୟ ଜନତା ପାର୍ଟି ସହିତ ଥିବା ବାଦଲଙ୍କ ବ୍ୟତୀତ ପୂର୍ବତନ ବିଡିଏ ମୁଖ୍ୟ ପ୍ରଶାସକ ବିକ୍ରମଜିତ ସେର୍ଗିଲଙ୍କ ନାମ ରହିଛି। ଏହି ମାମଲାରେ ସମ୍ପୃକ୍ତ ଅନ୍ୟ ଚାରିଜଣ ହେଉଛନ୍ତି ରାଜୀବ କୁମାର, ଅମାନଦୀପ ସିଂ, ବିକାଶ ଆରୋରା ଏବଂ ପଙ୍କଜ।