‘ଜୁଲାଇ ପହିଲାରୁ ମିଳିବ ମାଗଣା ବିଜୁଳି’:ପଞ୍ଜାବ ମୁଖ୍ୟମନ୍ତ୍ରୀଙ୍କ ଘୋଷଣା
କନକ ବ୍ୟୁରୋ: ପଞ୍ଜାବରେ ମାନ୍ ସରକାରଙ୍କ ବଡ ଘୋଷଣା । ୨୦୨୨ ଜୁଲାଇ ୧ ତାରିଖରୁ ପ୍ରତି ଘରକୁ ୩୦୦ ୟୁନିଟ୍ ବିଜୁଳି ମାଗଣା ଯୋଗାଇଦିଆଯିବ । ଏହି ସୂଚନା ଜନସମ୍ପର୍କ ବିଭାଗ ପକ୍ଷରୁ ସ୍ପଷ୍ଟ କରାଯାଇଛି । ବିଧାନସଭା ନିର୍ବାଚନ ପୂର୍ବରୁ ଆପ୍ ଦଳ ବିଭିନ୍ନ ଆକର୍ଷଣୀୟ ନିର୍ବାଚନୀ ଇସ୍ତାହାର ଘୋଷଣା କରିଥିଲା । ଏଥିରୁ ସବୁଠୁ ଗୁରୁତ୍ୱପ୍ରୂ୍ଣ୍ଣ ଥିଲା ମାଗଣା ବିଜୁଳି ଯୋଗାଣ ।
Kanak News is now on WhatsApp
Join and get latest news updates delivered to you via WhatsApp
Government of Punjab announces 300 units of free electricity for households from July 1st, 2022: Information and Public Relations Department, Punjab
— ANI (@ANI) April 16, 2022
ବିଧାନସଭା ନିର୍ବାଚନରେ ଆମ ଆଦମୀ ପାର୍ଟି ପଞ୍ଜାବରେ ଐତିହାସିକ ବହୁମତ ହାସଲ କରି ସରକାର ଗଠନ କରିବା ପରେ ଏବେ ଏହି ପ୍ରତିଶ୍ରୁତିକୁ କାର୍ଯ୍ୟକାରୀ କରିବାକୁ ଯାଉଛି । ପ୍ରତି ଘରକୁ ୩୦୦ ୟୁନିଟର ମାଗଣା ବିଜୁଳି ବିଦ୍ୟୁତ୍ ଯୋଗାଣ କରିବାକୁ ଘୋଷଣା କରାଯାଇଛି । ପଂଜାବ ଷ୍ଟେଟ୍ ପାୱାର କର୍ପୋରେସନ୍ ଲିମିଟେଡ୍ ପକ୍ଷରୁ ଉପଲବ୍ଧ ଆକଳନ ମୁତାବକ, ରାଜ୍ୟରେ ମୋଟ ୭୩.୮୦ ଲକ୍ଷ ବିଦ୍ୟୁତ୍ ଉପଭୋକ୍ତାଙ୍କ ମଧ୍ୟରୁ ୬୨.୨୫ ଲକ୍ଷ ଲୋକଙ୍କର ମାସିକ ବିଦ୍ୟୁତ୍ ଖର୍ଚ୍ଚ ୩୦୦ ଓ ତାଠାରୁ କମ୍ । ଏମାନେ ସରକାରଙ୍କ ଦ୍ୱାରା ଘୋଷିତ ଯୋଜନା ଦ୍ୱାରା ବେଶ ଉପକୃତ ହେବେ ।