ରାଜଗାଙ୍ଗପୁରରେ ପ୍ରସ୍ତାବିତ ଜନ ଶୁଣାଣିକୁ ବିରୋଧ : ଗତକାଲି ବିରୋଧ ପରେ ଆଜି ପୁଣି ପୁଲିସ ଓ ସ୍ଥାନୀୟ ଲୋକେ ମୁହାଁମୁହିଁ
ଜନଶୁଣାଣିକୁ ଯାଉଥିବା ଅଧିକାରୀଙ୍କୁ ରାସ୍ତାରେ ଅଟକାଇଲେ ଲୋକ
କନକ ବ୍ୟୁରୋ : ସୁନ୍ଦରଗଡ କୁତ୍ରା ବ୍ଲକ ଖତକୁର ବାହାଲରେ ଜିନ୍ଦଲର ଚୂନପଥର ଖଣି ସଂପ୍ରସାରଣ ପାଇଁ ଜନଶୁଣାଣିକୁ ବିରୋଧ । ମୁହାଁମୁହିଁ ହୋଇଛନ୍ତି ପୋଲିସ ଓ ସ୍ଥାନୀୟ ଲୋକେ । ଖଣି ସଂପ୍ରସାରଣ ପାଇଁ କେଶରାମାଲ ଓ ଝଗରପୁର ପଂଚାୟତରେ ଆଜି ଜନ ଶୁଣାଣି ହେବାର ଅଛି । ତେଣୁ ଉଭୟ ସ୍ଥାନରେ ରାସ୍ତା ଅବରୋଧ କରି ପ୍ରଶାସନିକ ଅଧିକାରୀଙ୍କୁ ଅଟକାଇଛନ୍ତି ସ୍ଥାନୀୟ ଲୋକେ ।
Kanak News is now on WhatsApp
Join and get latest news updates delivered to you via WhatsApp
ସୁନ୍ଦରଗଡ଼ କୁତ୍ରା ତେଲିଘଣାରେ ଜିନ୍ଦଲ କମ୍ପାନୀର ସିମେଣ୍ଟ କାରଖାନା ପାଇଁ ଖତକୁରବାହାଲରେ ଥିବା ଚୂନ ପଥର ଖଣି ବାବଦକୁ ୧୫୬ ହେକ୍ଟର ଜମି ଅଧିଗ୍ରହଣ ହେବ । ତେଣୁ ପରିବେଶ ସମ୍ପର୍କିତ ଜନଶୁଣାଣି ହେବାର ଅଛି । ହେଲେ ଏହି ଜନଶୁଣାଣିକୁ ବିରୋଧ କରିବା ପାଇଁ ଆଦିବାସୀମାନେ ଅଂଟା ଭିଡିଛନ୍ତି । ଜୀବନ ଦେବୁ ପଛେ ଜମି ଦେବୁ ନାହିଁ ବୋଲି କହି ଆନ୍ଦୋଳନକୁ ଓହ୍ଲାଇଛନ୍ତି ।