ନୂଆ ରୂପରେ ଭାରତକୁ ଫେରୁଛି ପବଜି । ପୁଣି ଫୁଟିବ ଗୁଳି, ମିଳିବ ଚିକେନ୍ ଡିନରର ମଜା । ଭାରତ ପାଇଁ ଖୁବଶୀଘ୍ର ସ୍ୱତନ୍ତ୍ର ଭାବେ ଆସିବ ପବଜି ।
କନକ ବ୍ୟୁରୋ : ଭାରତ ଆସୁଛି ପବଜି । ପୁଣି ଫୁଟିବ ଗୁଳି, ମିଳିବ ଚିକେନ୍ ଡିନରର ମଜା । ପୁଣି ମୋବାଇଲରେ ଚାଲିବ ପବଜିର ଜଲୱା । ୱିନର ୱିନର, ଚିକେନ୍ ଡିନର । ଭାରତୀୟ ବ୍ୟାଟେଲଗ୍ରାଉଣ୍ଡରେ ପୁଣି ଚାଲିବ ପବଜିର ରାଜ୍ । ପୁଣି ଯୁବବର୍ଗଙ୍କୁ ପାଗଳ କରିବ ପବଜି, ଆଉ ଚିକେନ୍ ଡିନର । ଭାରତରେ ପବଜି ମୋବାଇଲର କମବ୍ୟାକ୍ ନେଇ କମ୍ପାନୀ ପକ୍ଷରୁ ବଡ ଘୋଷଣା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଦକ୍ଷିଣ କୋରିଆ କମ୍ପାନୀ ପବଜି କର୍ପୋରେସନ୍ ପକ୍ଷରୁ ଘୋଷଣା କରାଯାଇଛି ଯେ, ଭାରତ ପାଇଁ ପବଜିର ଏକ ଅଲଗା ଗେମ୍ ଆସୁଛି, ଯାହାକି କେବଳ ଭାରତ ପାଇଁ ହିଁ ତିଆରି କରାଯାଇଛି । କିନ୍ତୁ ଏଥର ଚୀନ୍ କମ୍ପାନୀ ସହ କୌଣସି ସହଭାଗିତା କିମ୍ବା ପାର୍ଟନରସିପ୍ ହେବ ନାହିଁ ।
ପବଜି କର୍ପୋରେସନର ସୂଚନା ଅନୁଯାୟୀ, ଭାରତରେ ପବଜି ମୋବାଇଲ୍ ଇଣ୍ଡିଆ ଲଂଚ ହେବ । ଆଉ ଗୁରୁତ୍ୱପୂର୍ଣ୍ଣ କଥା ହେଉଛି, ଆପଣଙ୍କ ଡାଟା କିପରି ସୁରକ୍ଷିତ ରହିବ, ସେଦିଗରେ ଅଧିକ ଗୁରୁତ୍ୱ ଦିଆଯାଇଛି । ପବଜି ମୋବାଇଲ୍ ଇଣ୍ଡିଆ ଭାରତ ପାଇଁ ସ୍ୱତନ୍ତ୍ର ଭାବେ ଡିଜାଇନ୍ ହୋଇଛି । ଏହା ସହ ଭାରତରେ ନିଯୁକ୍ତି ମଧ୍ୟ ଦେବ ପବଜି । ଏଥିପାଇଁ ଲୋକାଲ୍ ଅଫିସ୍ ପ୍ରସ୍ତୁତ କରାଯିବ ।
ତେବେ ଜାତୀୟ ସୁରକ୍ଷା ପ୍ରତି ବିପଦ ତଥା ତଥ୍ୟ ଚୋରି ହେଉଥିବା ଅଭିଯୋଗରେ ଗତ ସେପ୍ଟେମ୍ବର ମାସରେ ପବଜି ଉପରେ ପ୍ରତିବନ୍ଧକ ଲଗାଇଥିଲେ ଭାରତ ସରକାର । ତେବେ ନିକଟରେ ଚାଇନା କମ୍ପାନୀ ଟେନସେଂଟ ଭାରତରେ ଏହାର ସମସ୍ତ ପବଜି ମୋବାଇଲ୍ ସର୍ଭରକୁ ବନ୍ଦ କରିଦେଇଛି ।
ତେବେ ଏଥର ଆଉ ଚୀନ କମ୍ପାନୀ ଟେନସେଂଟର ସହଯୋଗରେ ଭାରତକୁ ପବଜି ଆସିବନାହିଁ । କିନ୍ତୁ ଅନ୍ୟ ଦେଶରେ ପବଜି କମ୍ପାନୀ ଟେନସେଂଟ ସହିତ କାମ ଜାରି ରଖିବ । ତେବେ ପବଜି ମୋବାଇଲ୍ ଇଣ୍ଡିଆ କେବେ ଲଂଚ ହେବ, ତାହା କମ୍ପାନୀ ଏପର୍ଯ୍ୟନ୍ତ ସ୍ପଷ୍ଟ କରିନାହିଁ । କିନ୍ତୁ ଖୁବ ଶୀଘ୍ର ଭାରତକୁ ପବଜି ଫେରିବା ନେଇ ଅଫିସିଆଲ୍ ଷ୍ଟେଟମେଂଟ ଜାରି କରାଯାଇଛି ।