ଇମ୍ରାନଙ୍କ ଆସନ ଟଳମଳ । ଗାଦି ଛାଡିବାକୁ ୨ ଦିନର ମହଲତ ଦେଲେ ବିରୋଧୀ, ପାକିସ୍ତାନରେ ସରକାର ବିରୋଧରେ ବିଶାଳ ଆଜାଦୀ ରାଲି, ଲକ୍ଷ ଲକ୍ଷ ଲୋକ ସାମିଲ ।
କନକ ବ୍ୟୁରୋ : ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଆସନ ଏବେ ଟଳମଳ । ତାଙ୍କୁ ଗାଦିଚ୍ୟୁତ କରିବା ପାଇଁ ପାକିସ୍ତାନରେ ବିଶାଳ ବିକ୍ଷୋଭ ପ୍ରଦର୍ଶନ ଓ ଶୋଭାଯାତ୍ରା କରାଯାଇଛି । ପାକିସ୍ତାନୀ ମୌଲାନା ତଥା ଦକ୍ଷିଣପନ୍ଥୀ ଜେୟୁଆଇ-ଏଫ ମୁଖ୍ୟ ମୌଲାନା ଫଜଲୁର ରେହମାନ ଇମ୍ରାନଙ୍କ ବିରୋଧରେ ଆଜାଦୀ ଶୋଭାଯାତ୍ରା ଆରମ୍ଭ କରିଛନ୍ତି । ପାକିସ୍ତାନର ପ୍ରମୁଖ ବିରୋଧୀ ଦଳ ନେତାମାନଙ୍କ ସହ ମୌଲାନା ଫଜଲୁର ରେହମାନ ଅକ୍ଟୋବର ୨୭ ତାରିଖରେ ଦକ୍ଷିଣ ସିନ୍ଧୁ ପ୍ରଦେଶରୁ ଇମ୍ରାନଙ୍କୁ ଗାଦିଚ୍ୟୁତ କରିବା ଦାବିରେ ଶୋଭାଯାତ୍ରା ଆରମ୍ଭ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
୨୦୧୮ ସାଧାରଣ ନିର୍ବାଚନରେ ଇମ୍ରାନ ଜାଲିଆତି କରି କ୍ଷମତାକୁ ଆସିଥିବା ଅଭିଯୋଗ କରିବା ସହ ସେମାନେ ଇମ୍ରାନଙ୍କ ଇସ୍ତଫା ଦାବି କରିଛନ୍ତି । ଗତକାଲି ବିକ୍ଷୋଭକାରୀମାନେ ଇସଲାମାବାଦରେ ପହଂଚିବା ପରେ ସ୍ଥିତି ଅଣାୟତ ହୋଇ ପଡିଥିଲା । ସେନା ଓ ପୁଲିସର କଟକଣା ସତ୍ୱେ ଲକ୍ଷାଧିକ ଲୋକ ରାଜରାସ୍ତାକୁ ଓହ୍ଲାଇଛନ୍ତି । ବର୍ତ୍ତମାନ ଦେଶର ଆର୍ଥିକ ସ୍ଥିତି ଅତି ଖରାପ ଅବସ୍ଥାରେ ଥିବା ବେଳେ ଲୋକଙ୍କୁ ଦୁର୍ଦ୍ଦଶା ବୁଝିବାରେ ସରକାର ବିଫଳ ହୋଇଥିବା ଅଭିଯୋଗ କରିଛନ୍ତି ବିରୋଧୀ । ଆସନ୍ତା ଦୁଇ ଦିନ ମଧ୍ୟରେ ଗାଦି ଛାଡିବାକୁ ଇମ୍ରାନଙ୍କୁ ସେମାନେ ଚେତାବନୀ ଦେଇଛନ୍ତି ।