କୋଲକାତାରେ ପ୍ରଧାନମନ୍ତ୍ରୀଙ୍କୁ ପ୍ରବଳ ବିରୋଧ । ‘ମୋଦି ଫେରିଯାଅ’ ଫ୍ଲାକାର୍ଡ ଧରି ବିମାନବନ୍ଦରରେ ମୋଦିଙ୍କୁ ବିରୋଧ କଲେ ଆନ୍ଦୋଳନକାରୀ ।

କନକ ବ୍ୟୁରୋ: ପ୍ରଧାନମନ୍ତ୍ରୀଙ୍କୁ ପ୍ରବଳ ବିରୋଧ । ଦୁଇ ଦନିଆ କୋଲକାତା ଗସ୍ତରେ ପହଁଚିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବିମାନବନ୍ଦରରେ ପହଞ୍ଚିବା ପରେ ଷ୍ଟୁଡେଣ୍ଟ ଫେଡେରେସନ ଅଫ୍ ଇଣ୍ଡିଆର କିଛି ଆନ୍ଦୋଳନକାରୀ ଛାତ୍ର ‘ଗୋ ବ୍ୟାକ୍ ମୋଦି’ ପ୍ଲାକାର୍ଡ ଧରି ବିରୋଧ ପ୍ରଦର୍ଶନ କରିଥିବା ଦେଖିବାକୁ ମିଳିଥିଲା । ଏପରିକି ଗସ୍ତ ସମୟ ସଂପର୍କରେ ସୂଚନା ପାଇବା ପରେ ଆନ୍ଦୋଳନକାରୀମାନେ ପୂର୍ବରୁ ହିଁ ନେତାଜୀ ସୁଭାଷ ଚନ୍ଦ୍ର ବୋଷ ଆନ୍ତର୍ଜାତୀୟ ବିମାନବନ୍ଦରରେ ଆନ୍ଦୋଳନ କରିବାକୁ ପ୍ରସ୍ତୁତ ରହିଥିଲେ।

ଅନ୍ୟପେଟେ ଏସବୁ ଭିତରେ କୋଲକାତାରେ ପହଞ୍ଚି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ସାକ୍ଷାତ କରିଛନ୍ତି ପ୍ରଧାନମନ୍ତ୍ରୀ । ସୂଚନା ମୁତାବକ ପ୍ରଧାନମନ୍ତ୍ରୀ ମୋଦି ଏହି ଦୁଇଦିନିଆ ଗସ୍ତ ସମୟରେ କୋଲକାତା ପୋର୍ଟ ଟ୍ରଷ୍ଟର ୧୫୦ତମ ଜୟନ୍ତୀ ପାଳନ ଉତ୍ସବରେ ଯୋଗଦେବେ । ଏଥିସହ ସେ ଆନ୍ତାକାଲି ବେଲୁର ମଠରେ ରାମକୃଷ୍ଣ ପକ୍ଷରୁ ପାଳନ ହେବାକୁ ଥିବା ସ୍ବାମୀ ବିବେକାନନ୍ଦଙ୍କ ଜୟନ୍ତୀରେ ମଧ୍ୟ ଯୋଗ ଦେବେ।