ଡାକ୍ତରଙ୍କୁ ମାଡ଼ ନେଇ ଏସସିବିରେ ଉତ୍ତେଜନା ! ଧାରଣାରେ ବସିଲେ ଡାକ୍ତର
କନକ ବ୍ୟୁରୋ: କଟକ ଏସସିବିରେ ଉତ୍ତେଜନା । ଡାକ୍ତରଙ୍କୁ ରୋଗୀ ସମ୍ପର୍କୀୟ ମାଡ଼ ମାରିବା ଅଭିଯୋଗରେ ଉତ୍ତେଜନା ଦେଖାଦେଇଛି । ପ୍ରତିବାଦରେ ଡାକ୍ତରୀ ଛାତ୍ରମାନେ କାଜୁଆଲଟି ସାମ୍ନାରେ ଧାରଣାରେ ବସିଛନ୍ତି । ମାଡ଼ ମାରିଥିବା ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିବା ସହ ଡାକ୍ତରଙ୍କୁ ସୁରକ୍ଷା ଯୋଗାଇ ଦେବା ଦାବିରେ ଧାରଣାରେ ବସିଛନ୍ତି ଜୁନିୟର ଡାକ୍ତର । ଡାକ୍ତରଙ୍କ ଆନ୍ଦୋଳନ ଯୋଗୁଁ ରୋଗୀ ସେବା ଠପ୍ ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ ଗତ ରାତିରେ ମେଡିସିନ୍ ୱାର୍ଡର ଜଣେ ରୋଗୀର ମୃତ୍ୟୁ ହୋଇଥିଲା ଏବଂ ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ହୋଇଛି ବୋଲି ଅଭିଯୋଗ କରି ରୋଗୀ ସମ୍ପର୍କୀୟମାନେ ଉପସ୍ଥିତ ଡାକ୍ତରଙ୍କୁ ଘେରି ଥିଲେ । ଯାହାକୁ ନେଇ ରୋଗୀ ସମ୍ପର୍କୀୟମାନେ ଉତ୍ତେଜିତ ହୋଇ ଡାକ୍ତରଙ୍କୁ ଗାଳି ଗୁଲଜ କରିବା ସହ ମାଡ଼ ମାରିଥିବା ଅଭିଯୋଗ କରିଛନ୍ତି ଡାକ୍ତର । ତେବେ ମେଡିକାଲ ଫାଣ୍ଡି ୩ଜଣ ରୋଗୀ ସମ୍ପର୍କୀୟଙ୍କୁ ଅଟକ ରଖି ପଚରା ଉଚରା କରୁଥିବା ଜଣାପଡିଛି ।