ନିଶ୍ଚିନ୍ତକୋଇଲି ବ୍ଲକ ଷ୍ଟ୍ରଙ୍ଗରୁମରେ ଅବ୍ୟବସ୍ଥା । ସିସିଟିଭି ନଥିବା ସହ ଜଗିଛନ୍ତି ମାତ୍ର ଜଣେ ସୁରକ୍ଷାକର୍ମୀ, ପ୍ରତିବାଦରେ ରାସ୍ତାକୁ ଓହ୍ଲାଇଲେ ସ୍ଥାନୀୟ ବାସିନ୍ଦା ।
କନକ ବ୍ୟୁରୋ : ନିଶ୍ଚିନ୍ତ କୋଇଲି ବ୍ଲକ ଷ୍ଟ୍ରଙ୍ଗରୁମରେ ଅବ୍ୟବସ୍ଥାକୁ ନେଇ ରାସ୍ତାକୁ ଓହ୍ଲାଇଲେ ସ୍ଥାନୀୟ ବାସିନ୍ଦା । ଷ୍ଟ୍ରଙ୍ଗ ରୁମରେ ୪୧ଟି ପଞ୍ଚାୟତର ବାଲାଟ ବକ୍ସ ରହିଥିବା ବେଳେ ଜଣେ ମାତ୍ର ସୁରକ୍ଷାକର୍ମୀ ରହିଛନ୍ତି । ଷ୍ଟ୍ରଙ୍ଗରୁମରେ ସିସିଟିଭିର ବ୍ୟବସ୍ଥା ନାହିଁ । ଏହାକୁ ନେଇ ସୁକରପଡା ବଜାରରେ ବିରୋଧ ପ୍ରଦର୍ଶନ କରିଛନ୍ତି ସ୍ଥାନୀୟ ଲୋକେ । କଟକ-ଚାନ୍ଦବାଲି ମୁଖ୍ୟ ରାସ୍ତାକୁ ଅବରୋଧ କରି ଲୋକେ ପ୍ରତିବାଦ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଖବର ପାଇ ଘଟଣାସ୍ଥଳରେ ନିଶ୍ଚିନ୍ତକୋଇଲି ବିଡିଓ, ପୁଲିସ ଥାନା ଅଧିକାରୀ ପହଞ୍ଚି ଲୋକଙ୍କୁ ବୁଝାସୁଝା କରିବା ସହ କଡା ସୁରକ୍ଷା ବ୍ୟବସ୍ଥାର ପ୍ରତିଶ୍ରୁତି ଦେଇଛନ୍ତି । ଏହାପରେ ବିଡିଓ, ପୁଲିସ ଅଧିକାରୀଙ୍କ ସହ ଲୋକେ ଷ୍ଟ୍ରଙ୍ଗରୁମ ନିକଟକୁ ଯାଇ ତୁରନ୍ତ କଡା ବ୍ୟବସ୍ଥା ଓ ସିସିଟିଭି ଲଗାଇବାକୁ ଅଡି ବସିଛନ୍ତି । ତୁରନ୍ତ ସିସିଟିଭି ଓ ଅଧିକ ସଂଖ୍ୟକ ସୁରକ୍ଷାକର୍ମୀ ନିୟୋଜିତ କରାନଗଲେ ପୁଣି ରାସ୍ତାରୋକ କରିବେ ବୋଲି ଜିଦ୍ କରୁଛନ୍ତି ସୁକରପଡା ଓ ଆଖପାଖ ଅଞ୍ଚଳର ସ୍ଥାନୀୟ ବାସିନ୍ଦା ।